ರಾಣೇಬೆನ್ನೂರ: ಸ್ಥಳೀಯ ನಗರಸಭೆ ಅಧ್ಯಕ್ಷೆ ಆಶಾ ಗುಂಡೇರ ಪ್ರತಿಪಕ್ಷ ಬಿಜೆಪಿ ಸದಸ್ಯರ ತೀವ್ರ ಆಕ್ಷೇಪವನ್ನು ಎದುರಿಸಿ ನಗರಸಭೆಯ 2018-19ನೇ ಸಾಲಿನ 2.57 ಕೋಟಿ ರೂ.ಗಳ ಉಳಿತಾಯ ಬಜೆಟ್ ಮಂಡಿಸಿದರು. ಸಭೆಯಲ್ಲಿ ಸ್ಥಳೀಯ ಶಾಸಕ ಹಾಗೂ ವಿಧಾನಸಭಾಧ್ಯಕ್ಷ ಕೆ.ಬಿ.ಕೋಳಿವಾಡ ಉಪಸ್ಥಿತಿ ಪ್ರಮುಖವಾಗಿ ಗಮನ ಸೆಳೆಯಿತು.
ಕಳೆದ ಮಾ.9ರಂದು ಬಜೆಟ್ ಬಿಡುಗಡೆ ಮಾಡಿದರೂ, ಅದನ್ನು ಮಂಡಿಸಲು ಪ್ರತಿಪಕ್ಷ ಬಿಜೆಪಿ ಸದಸ್ಯರು ಆಕ್ಷೇಪ ವ್ಯಕ್ತಪಡಿಸಿದ್ದರಿಂದ ಅಂದಿನ ಸಭೆಯನ್ನು ಮುಂದಕ್ಕೆ ಹಾಕಲಾಗಿತ್ತು. ಹೀಗಾಗಿ ಈ ಬಾರಿ ಆಡಳಿತ ಕಾಂಗ್ರೆಸ್ ಪಕ್ಷ ದ ಸದಸ್ಯರು ಯಾವುದೇ ಕಾರಣಕ್ಕೂ ಬಜೆಟ್ ಮಂಡನೆಗೆ ಹಿನ್ನಡೆಯಾಗಬಾರದು ಎಂಬ ಉದ್ದೇಶದಿಂದ ಹಾಗೂ ಸಂಖ್ಯಾಬಲದ ಲೆಕ್ಕಾಚಾರವನ್ನು ಸರಿದೂಗಿಸುವ ಸಲುವಾಗಿ ವಿಧಾನಸಭಾಧ್ಯಕ್ಷ ಕೆ.ಬಿ.ಕೋಳಿವಾಡರನ್ನು ಸಭೆಗೆ ಕರೆತಂದಿದ್ದರು.
ಈ ಬಾರಿಯೂ ಸಭೆ ಆರಂಭವಾಗುತ್ತಿದ್ದಂತೆಯೇ ಪ್ರತಿಪಕ್ಷ ಬಿಜೆಪಿ ಸದಸ್ಯ ಪ್ರಭುಸ್ವಾಮಿ ಕರ್ಜಗಿಮಠ ಮಾತನಾಡಿ, ಕಳೆದ ಸಭೆಯಲ್ಲಿ ಬಜೆಟ್ ಮಂಡನೆ ವಿಚಾರವಾಗಿ ಪ್ರಸ್ತಾಪಿಸಿದ್ದೆವು. ಆದರೂ ವಿಶೇಷ ಸಾಮಾನ್ಯ ಸಭೆಯಲ್ಲಿಯೇ ಬಜೆಟ್ ಮಂಡನೆಗೆ ಮುಂದಾಗಿರುವುದು ಸರಿಯಲ್ಲ ಎಂದರು.
ಇದಕ್ಕೆ ಪೌರಾಯುಕ್ತರು ಹಾಗೂ ಆಡಳಿತ ಪಕ್ಷ ದ ನಾಮಕರಣ ಸದಸ್ಯ ಪ್ರಕಾಶ ಜೈನ್ ಸಮಜಾಯಿಷಿ ನೀಡಿದರು.
ಆಗ ಪ್ರಭುಸ್ವಾಮಿ ಕರ್ಜಗಿಮಠ ಅವರು ವಿಧಾನಸಭೆ ಚುನಾವಣೆ ಸಮೀಪಿಸುತ್ತಿರುವುದರಿಂದ ಬಜೆಟ್ ಮಂಡನೆಗೆ ಅವಕಾಶ ನೀಡುತ್ತೇವೆ. ಆದರೆ ಯಾವುದೇ ಕಾರಣಕ್ಕೂ ಬಜೆಟ್ ಹೊರತುಪಡಿಸಿ ಬೇರಾವುದೇ ವಿಷಯವನ್ನು ಸಭೆಯಲ್ಲಿ ಮಂಡಿಸಬಾರದು ಎಂದರು.
ನಂತರ ಅಧ್ಯಕ್ಷೆ ಆಶಾ ಗುಂಡೇರ ಸಭೆಯಲ್ಲಿ ಬಜೆಟ್ ಮಂಡಿಸಿದರು. ಅದಾದ ನಂತರ ಇತರ ವಿಷಯಗಳ ಮಂಡನೆಗೆ ಮುಂದಾದಾಗ ಬಿಜೆಪಿ ಸದಸ್ಯ ಪ್ರಭುಸ್ವಾಮಿ ಕರ್ಜಗಿಮಠ ಬಜೆಟ್ ಮಂಡನೆಗೆ ಮಾತ್ರ ಅವಕಾಶ ನೀಡಿದ್ದರೂ ಇತರೆ ವಿಷಯ ಕೈಗೆತ್ತಿಕೊಂಡಿರುವುದು ಸರಿಯಲ್ಲ ಎಂದು ಹೇಳಿ, ಬಜೆಟ್ ಮಂಡನೆ ಸೇರಿದಂತೆ ಇಂದಿನ ಸಭೆಯ ನಡಾವಳಿ ವಿರುದ್ಧ ಉಪಸೂಚನೆ ಮಂಡಿಸಿದರು. ಅದನ್ನು ಮತಕ್ಕೆ ಹಾಕಿದಾಗ 16-16 ಮತಗಳು ಬಂದವು. ಆಗ ಅಧ್ಯಕ್ಷ ರು ಪೌರಸಭೆಗಳ ಅಧಿನಿಯಮ 1964 ಸೆಕ್ಷ ನ್ 51 ಕಲಂ(3)ರ ಪ್ರಕಾರ ಪ್ರದತ್ತವಾದ ವಿಶೇಷ ಅಧಿಕಾರ ಬಳಸಿ ನಿರ್ಣಾಯಕ ಮತವನ್ನು ಚಲಾಯಿಸಿದ್ದರಿಂದ ಉಪಸೂಚನೆ 17-16 ಮತಗಳಿಂದ ತಿರಸ್ಕೃತವಾಯಿತು.
ಆಗ ಬಿಜೆಪಿ ಸೇರಿದಂತೆ ಪ್ರತಿಪಕ್ಷ ದ ಎಲ್ಲ 16 ಸದಸ್ಯರು ಸಭಾತ್ಯಾಗ ಮಾಡಿದರು. ಹೀಗಾಗಿ ಸಭೆಯಲ್ಲಿ ಅಜೆಂಡಾದಲ್ಲಿನ ವಿಷಯ 2ರಿಂದ 22ರ ವರೆಗಿನ ಎಲ್ಲ ವಿಷಯಗಳಿಗೂ ಸಭೆಯು ಸರ್ವಾನುಮತದಿಂದ ಅನುಮೋದನೆ ನೀಡಿತು.
ಬಜೆಟ್ನ ಘೋಷವಾರೆ (ರೂ.ಗಳಲ್ಲಿ):
ಪ್ರಾರಂಭಿಕ ಶಿಲ್ಕು 17,42,15,793
ರಾಜಸ್ವ ಸ್ವೀಕೃತಿ 30,79,89,000
ಬಂಡವಾಳ ಸ್ವೀಕೃತಿ 7,05,00,000
ಅಸಾಮಾನ್ಯ ಸ್ವೀಕೃತಿ 13,70,12,000
ಒಟ್ಟು ಸ್ವೀಕೃತಿ 68,97,16,793
ರಾಜಸ್ವ ಪಾವತಿ 22,88,06,000
ಬಂಡವಾಳ ಪಾವತಿ 28,74,50,000
ಅಸಾಮಾನ್ಯ ಪಾವತಿ 14,77,37,000
ಒಟ್ಟು ಪಾವತಿ 66,39,93,000 ರೂ.
ಉಳಿತಾಯ 2,57,23,793 ರೂ.ಗಳು
ನಗರಸಭೆಯ ಸ್ವಂತ ಆದಾಯಗಳು (ಲಕ್ಷ ರೂ.ಗಳಲ್ಲಿ)
ಆಸ್ತಿ ತೆರಿಗೆ 355.64
ಮಳಿಗೆ ಬಾಡಿಗೆ 188.39
ನೀರಿನ ಕಂದಾಯ 296.03
ಅಭಿವೃದ್ಧಿ ಕರ 425
ಕಟ್ಟಡ ಪರವಾನಗಿ 28.00
ವ್ಯಾಪಾರ ಪರವಾನಗಿ 12.91
ಎಸ್.ಡಬ್ಲ್ಯೂಎಂ ಶುಲ್ಕ 82.52
ಸಂತೆ ಶುಲ್ಕ 26.25
ನಳ ಸಂಪರ್ಕ 15.00
ಆಸ್ತಿ ತೆರಿಗೆ ಮೇಲಿನ ಬಡ್ಡಿ 28.00
ಜಾಹೀರಾತು ತೆರಿಗೆ 5.00
ಬ್ಯಾಂಕ್ ಖಾತೆ ಮೇಲಿನ ಬಡ್ಡಿ 124.15
ರಾಜಸ್ವ ಅನುದಾನಗಳು (ಲಕ್ಷ ರೂ.ಗಳಲ್ಲಿ)
ಎಸ್.ಎಫ್.ಸಿ. ವೇತನ ಅನುದಾನ 400
ಎಸ್.ಎಫ್.ಸಿ. ವಿದ್ಯುತ್ ಅನುದಾನ 500
ಎಸ್.ಎಫ್.ಸಿ. ಮುಕ್ತಿನಿಧಿ ಅನುದಾನ 503
ಒಟ್ಟು ರಾಜಸ್ವ ಸ್ವೀಕೃತಿಗಳು 3079.89
ಬಂಡವಾಳ ಸ್ವೀಕೃತಿಗಳು (ಲಕ್ಷ ರೂ.ಗಳಲ್ಲಿ)
14ನೇ ಕೇಂದ್ರ ಹಣಕಾಸು ಹಾಗೂ ಇತರೆ ವಿಶೇಷ ಅನುದಾನಗಳಲ್ಲಿ 705.00: 14ನೇ ಕೇಂದ್ರ ಹಣಕಾಸು ಆಯೋಗದ ಅನುದಾನ 488.93, ಕೇಂದ್ರ ಸರಕಾರದ ಇತರೆ ಅನುದಾನಗಳು 102.69, ರಾಜ್ಯ ಸರಕಾರದ ವಿಶೇಷ ಅನುದಾನಗಳು 270.00, ಇತರೆ ಅಸಾಮಾನ್ಯ ಜಮೆಗಳು (ಆದಾಯ ತೆರಿಗೆ, ಮಾರಾಟ ತೆರಿಗೆ ಇತ್ಯಾದಿ) 356.00, ಶೇ.24.10, ಶೇ.7.25 ಹಾಗೂ ಶೇ.3ರ ಖಾತೆಗಳಲ್ಲಿನ ಸ್ವೀಕೃತಿಗಳು 152.50. ಒಟ್ಟು ಅಸಾಮಾನ್ಯ ಸ್ವೀಕೃತಿಗಳು 1370.12 ಲಕ್ಷ ರೂ.ಗಳು
ಪಾವತಿಗಳು (ಲಕ್ಷ ರೂ.ಗಳಲ್ಲಿ): ವೇತನ ಪಾವತಿ 414.80, ಎಸ್ಡಬ್ಲ್ಯುಎಂ ಹೊರಗುತ್ತಿಗೆ ಮತ್ತು ಮನೆ ಮನೆ ಕಸ ಸಂಗ್ರಹಣೆ 500.00, ಬೀದಿ ದೀಪ ಹೊರಗುತ್ತಿಗೆ 40.00, ನೀರು ಸರಬರಾಜು ಹೊರಗುತ್ತಿಗೆ 65.00, ನೀರು ಸರಬರಾಜು ವಿದ್ಯುತ್ ಬಿಲ್ 250.00, ಬೀದಿ ದೀಪ ವಿದ್ಯುತ್ ಬಿಲ್ 180.00, ದಾಸ್ತಾನು ಖರೀದಿ 115.00, ರಿಪೇರಿ ಮತ್ತು ನಿರ್ವಹಣೆ 91.00, ಕಛೇರಿ ವೆಚ್ಚಗಳು, ಕಾರ್ಯ ಮತ್ತು ನಿರ್ವಹಣಾ ವೆಚ್ಚಗಳು 94.50, ಪಜಾ/ಪಪಂ ಅಭಿವೃದ್ಧಿ 103.50, ಇತರೆ ಬಡಜನರ ಹಾಗೂ ವಿಕಲಚೇತನರ ಅಭಿವೃದ್ಧಿ ಯೋಜನೆ (ಶೇ.7.25 ಮತ್ತು ಶೇ.3) 49.00, ನಲ್ಮ ಯೋಜನಾ ವೆಚ್ಚ 50.00, ಹೊರಗುತ್ತಿಗೆ ಸಿಬ್ಬಂದಿ ಖಾತೆಗೆ ವೇತನ ಹಂಚಿಕೆ 225.26, ಡಸ್ಟ್ಬಿನ್ಗಳ ವಿತರಣೆ 20.00, ಇತರೆ ಎಲ್ಲಾ ರಾಜಸ್ವ ವೆಚ್ಚಗಳು 90.00. ಒಟ್ಟು 2288.06 ಲಕ್ಷ ರೂ.ಗಳು
ಬಂಡವಾಳ ಪಾವತಿಗಳು (ಲಕ್ಷ ರೂ.ಗಳಲ್ಲಿ): ರಸ್ತೆಗಳು 500.00, ರಸ್ತೆಬದಿ ಚರಂಡಿಗಳು 600.00, ಬೀದಿ ದೀಪ ವ್ಯವಸ್ಥೆ 200.00, ಮಳೆ ನೀರು ಚರಂಡಿ 45.00, ಸಾರ್ವಜನಿಕ ಶೌಚಾಲಯಗಳು 50.00 ಎಸ್.ಡಬ್ಲೂ.ಎಂ. ಅಭಿವೃದ್ಧಿ ಕಾಮಗಾರಿಗಳು, ಯಂತ್ರೋಪಕರಣಗಳು ಇತ್ಯಾದಿ 100.00, ನೀರು ಸರಬರಾಜು ಕಾಮಗಾರಿಗಳು 283.00, ಬಸ್ ತಂಗುದಾಣಗಳ ನಿರ್ಮಾಣ 100.00, ಪಾರ್ಕ್ಗಳು 125.000, ಯು.ಜಿ.ಡಿ 20.00, ಮಾರುಕಟ್ಟೆಗಳು 5.00, ಕಛೇರಿ ಕಟ್ಟಡಗಳು 150.00, ವಾಣಿಜ್ಯ ಮಳಿಗೆಗಳು 420.00, ಕಚೇರಿ ವಾಹನಗಳು, ಪೀಠೋಪಕರಣ ಇತ್ಯಾದಿ 66.50, ಸಿಸಿ ಕ್ಯಾಮೆರಾ ಅಳವಡಿಕೆ 20.00, ಇತರೆ ಎಲ್ಲಾ ಬಂಡವಾಳ ವೆಚ್ಚಗಳು 190.00. ಒಟ್ಟು ಬಂಡವಾಳ ಪಾವತಿಗಳು 28.74.50 ಲಕ್ಷ ರೂ.
ಅಸಾಮಾನ್ಯ ಪಾವತಿಗಳು:
ವಿಶೇಷ ಅನುದಾನಗಳಲ್ಲಿ ವೆಚ್ಚಗಳು (ಲಕ್ಷ ರೂ.ಗಳಲ್ಲಿ): 14ನೇ ಕೇಂದ್ರ ಹಣಕಾಸು ಆಯೋಗದ ಅನುದಾನ 488.93, ಕೇಂದ್ರ ಸರಕಾರದ ಇತರೆ ಅನುದಾನ 102.69, ರಾಜ್ಯ ಸರಕಾರದ ವಿಶೇಷ ಅನುದಾನ 250.00, ಇತರೆ ಅಸಾಮಾನ್ಯ ವೆಚ್ಚಗಳು (ಆದಾಯ ತೆರಿಗೆ, ಮಾರಾಟ ತೆರಿಗೆ ಇತ್ಯಾದಿ) 483.25, ಶೇ.24.10, ಶೇ.7.25 ಹಾಗೂ ಶೇ.3ರ ಖಾತೆಗಳಲ್ಲಿನ ಸ್ವೀಕೃತಿಗಳು 152.50, ಒಟ್ಟು ಅಸಾಮಾನ್ಯ ಪಾವತಿಗಳು 1477.37.