ಸೇತುವೆ ರಸ್ತೆ ದುರಸ್ತಿಗೆ ಕ್ರಮ

ರಟ್ಟೀಹಳ್ಳಿ: ಕುಮದ್ವತಿ ನೀರಿನ ರಭಸದಿಂದ ಹಾಳಾದ ತಾಲೂಕಿನ ಕುಡುಪಲಿ ಸೇತುವೆ ಮೇಲಿನ ರಸ್ತೆಯನ್ನು ಎಂಜನಿಯರ್‌ ಎಸ್‌.ವಿ.ಪುರಾಣಿಕ ಹಾಗೂ ಕೆ.ಎಸ್‌.ಅಂಗಡಿ ಮಂಗಳವಾರ ಪರಿಶೀಲಿಸಿದ್ದು, ರಸ್ತೆ ದುರಸ್ತಿಗೆ ಕ್ರಮ ಕೈಗೊಂಡರು.

ಎಂಜನೀಯರ್‌ ಎಸ್‌.ವಿ.ಪುರಾಣಿಕ್‌ ಮಾತನಾಡಿ, ಸೇತುವೆ ಮೇಲೆನ ರಸ್ತೆಯಲ್ಲಿ ಬಸ್‌ ಸಂಚಾರ ಮಾಡಬಹುದು. ಉಕ್ಕಿ ಹರಿದ ನೀರಿನಿಂದ ಸೇತುವೆ ಮೇಲಿನ ಕೆಲ ಭಾಗ ಹಾಳಾಗಿದೆ. ಸಂಚಾರಕ್ಕೆ ತೊಂದರೆಯಾಗದಂತೆ ಇವತ್ತೆ ಕೆಲಸ ಮಾಡಲಾಗುತ್ತಿದೆ ಎಂದು ಹೇಳಿದರು. ಗ್ರಾ.ಪಂ.ಅಧ್ಯಕ್ಷ ನಜೀರಸಾಬ ದೊಡ್ಡಮನಿ, ಮಾಜಿ ಅಧ್ಯಕ್ಷ ಬಸನಗೌಡ ಕರೇಗೌಡ್ರ, ಎಂಜನೀಯರ್‌ ಕೆ.ಎಸ್‌.ಅಂಗಡಿ ಮತ್ತಿತರರು ಇದ್ದರು.