ಅಗತ್ಯ ಶೌಚಾಲಯ ನಿರ್ಮಾಣಕ್ಕೆ ಮನವಿ

ಹಿರೇಕೆರೂರ: ತಾಲೂಕಿನ ಆಲದಗೇರಿ ಗ್ರಾಮದಲ್ಲಿ ಶೌಚಾಲಯಗಳ ಸಮೀಕ್ಷೆ ನಡೆಸಿ ಅಗತ್ಯ ಶೌಚಾಲಯಗಳನ್ನು ನಿರ್ಮಿಸಿ ಗ್ರಾಮಸ್ಥರಿಗೆ ಅನುಕೂಲ ಕಲ್ಪಸಿ ಕೊಡಬೇಕು ಎಂದು ಉತ್ತರ ಕರ್ನಾಟಕ ರೈತ ಸಂಘದಿಂದ ತಹಸೀಲ್ದಾರ ಆರ್‌.ಎಚ್‌.ಭಾಗವಾನ್‌ ಅವರಿಗೆ ಮನವಿ ಸಲ್ಲಿಸಲಾಯಿತು.

ತಾಲೂಕಿನ ಆಲದಗೇರಿ ಗ್ರಾಮದಲ್ಲಿ ಶೌಚಾಲಯ ನಿರ್ಮಾಣದಲ್ಲಿ ಸರಕಾರದ ಹಣ ದುರ್ಬಳಕೆ ಆಗಿದೆ. ಒಂದೇ ಶೌಚಾಲಯಕ್ಕೆ ಎರಡು ಬಿಲ್ಲುಗಳನ್ನು ತೆಗೆದ ಉದಾಹರಣೆಗಳಿವೆ ಈ ಬಗ್ಗೆ ಸಮಗ್ರವಾಗಿ ಪರಿಶೀಲಿಸಿ ತಪ್ಪಿತಸ್ಥರ ವಿರುದ್ಧ ಕ್ರಮ ಜರುಗಿಸಿ. ಬಡ ಜನತೆಗೆ ಶೌಚಾಲಯ ನಿರ್ಮಿಸಿಕೊಡಬೇಕು ಎಂದು ಮನವಿಯಲ್ಲಿ ಒತ್ತಾಯಿದರು.

ಈ ಸಂದರ್ಭದಲ್ಲಿ ಉತ್ತರ ಕರ್ನಾಟಕ ರೈತ ಸಂಘದ ಜಿಲ್ಲಾಧ್ಯಕ್ಷ ಹನುಮಂತಪ್ಪ ದಿವಿಗೀಹಳ್ಳಿ, ರಾಜ್ಯ ಪ್ರಧಾನ ಕಾರ್ಯದರ್ಶಿ ರಾಜಶೇಖರ ದೂದೀಹಳ್ಳಿ, ತಾಲೂಕಾಧ್ಯಕ್ಷ ಜಗದೀಶ ಕುಸಗೂರ, ಮಂಜಯ್ಯ ಮಠದ, ಕರಬಸಪ್ಪ ಹಲಗೇರಿ, ಮಲ್ಲೇಶ ಕಳ್ಳೇರ, ನೀಲಪ್ಪ ಕುಸಗೂರ, ಅಣ್ಣಪ್ಪ ಕಳ್ಳೇರ, ಮಲ್ಲಪ್ಪ ಚಿಕ್ಕಣ್ಣನವರ, ಯಲ್ಲಪ್ಪ ಕೋಟಿಹಾಳ, ಶಿವಪ್ಪ ಕಳ್ಳೇರ, ಈರಪ್ಪ ಮಳವಳ್ಳಿ ಮತ್ತಿತರರು ಉಪಸ್ಥಿತರಿದ್ದರು.