ಆಟೊ ಡ್ರೈವರ್‌ ಈಗ ಟ್ರಾಫಿಕ್‌ ಕಂಟ್ರೋಲರ್‌!

ಕರಿಯಪ್ಪ ಚೌಡಕ್ಕನವರ
ರಟ್ಟೀಹಳ್ಳಿ: ಲಾಕ್‌ಡೌನ್‌ ಹಿನ್ನೆಲೆಯಲ್ಲಿಇಲ್ಲಿನ ಆಟೊ ಚಾಲಕರೊಬ್ಬರು ಈಗ ಸಂಚಾರ ವಾಹನ ನಿಯಂತ್ರಿಸುವಲ್ಲಿತಮ್ಮನ್ನು ತೊಡಗಿಸಿಕೊಂಡಿದ್ದಾರೆ.
ರಟೀಹಳ್ಳಿಯ ಆಟೊ ಚಾಲಕ ವೀರಪ್ಪ ಹೆಬ್ಬಳ್ಳಿ ಅವರು ಯಾವುದೇ ಫಲಾಪಕ್ಷೆ ಬಯಸದೇ ಕೊರೊನಾ ಹಿನ್ನೆಲೆಯಲ್ಲಿಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಆಟೊ ಚಾಲಕರ ಸಮವಸ್ತ್ರವಾದ ಖಾಕಿ ಬಟ್ಟೆ ತೊಟ್ಟು ಬೆಳಿಗ್ಗೆಯಿಂದ ಸಂಜೆಯವರೆಗೂ ತನ್ನ ಸ್ವಂತ ಆಟೊದಲ್ಲಿಮೈಕ್‌ ಕಟ್ಟಿಕೊಂಡು ಕೊರೊನಾ ಬಗ್ಗೆ ಜನ ಜಾಗೃತಿ ಮೂಡಿಸುತ್ತಾರೆ.

ಜನ ಒಂದೆಡೆ ಸೇರಿದ್ದರೆ ಸಾಮಾಜಿಕ ಅಂತರ ಕಾಪಾಡುವ ಸಲಹೆ ನೀಡುವುದು, ಜನರನ್ನು ನಿಯಂತ್ರಿಸುವ ಕೆಲಸ ಮಾಡುತ್ತಿದ್ದಾರೆ. ಟ್ರಾಫಿಕ್‌ ಸಮಸ್ಯೆ ಉಂಟಾದಾಗ ಟ್ರಾಫಿಕ್‌ ನಿಯಂತ್ರಿಸಿ ಗಮನಸೆಳೆಯುತ್ತಿದ್ದಾರೆ.

ಈ ಹಿಂದೆಯೂ ಯಾವುದೇ ಹಬ್ಬ, ಜಾತ್ರೆ, ಸಾರ್ವಜನಿಕ ಸಮಾರಂಭಗಳಲ್ಲಿವಾಹನಗಳನ್ನು ಸರದಿಯಾಗಿ ನಿಲ್ಲಿಸುವುದು, ಸಂಚಾರ ದಟ್ಟಣೆ ನಿಯಂತ್ರಿಸುವುದು, ಸರದಿ ಪ್ರಕಾರ ಜನರನ್ನು ಕಳಿಸುವುದು, ದೇವಸ್ಥಾನಕ್ಕೆ ಸರದಿಯಾಗಿ ಹೋಗಲು ನಿರ್ದೇಶಿಸುವುದು, ಈ ರೀತಿಯಾಗಿ ಹಲವು ಕಾರ್ಯಗಳನ್ನು ಕೈಗೊಳ್ಳುತ್ತಾ ಬಂದಿದ್ದಾರೆ.