ಬಾಳೆ ಹಾನಿಗೆ ಕಿಂಚಿತ್ತೂ ಪರಿಹಾರ ಸಿಕ್ಕಿಲ್ಲ

ಹಾನಗಲ್ಲ: ಮಳೆ ಅಬ್ಬರ, ವರದಾ ನದಿ ಉಬ್ಬರದಿಂದ 3 ಎಕರೆ ಬಾಳೆ ತೋಟ ನೆಲಕಚ್ಚಿ, ಮಿಶ್ರ ಬೆಳೆಯಾಗಿ ಬೆಳೆದಿದ್ದ ಮೆಣಸಿನಗಿಡ ಮತ್ತು ಚೆಂಡು ಹೂವು ಸಂಪೂರ್ಣ ಹಾನಿಗೆ ಒಳಗಾದ ತಾಲೂಕಿನ ವರ್ದಿ ಗ್ರಾಮದ ರೈತ ಭುನವೇಶ್ವರ ಶಿಡ್ಲಾಪುರ ನೆರವಿಗೆ ಈತನಕ ಸರಕಾರ ಧಾವಿಸಿಲ್ಲ.

ಅತಿವೃಷ್ಠಿಗೆ ಬೆಳೆ ನಲುಗಿ, ಬದುಕು ದುಸ್ತರಗೊಂಡು 1 ತಿಂಗಳು ಗತಿಸಿದರೂ ಈತನಕ ಕಂದಾಯ ಇಲಾಖೆ ಅಧಿಕಾರಿಗಳು ಇವರ ಜಮೀನು ವೀಕ್ಷಣೆಗೆ ಬಂದಿಲ್ಲ. ಹೀಗಾಗಿ ಸೋಮವಾರ ತಹಸೀಲ್ದಾರ್‌ ಕಚೇರಿಗೆ ಭೇಟಿ ನೀಡಿದ್ದ ರೈತ ಭುನವೇಶ್ವರ ತನಗೆ ಪರಿಹಾರ ನೀಡಬೇಕು ಎಂದು ಅಧಿಕಾರಿಗಳಲ್ಲಿಮನವಿ ಮಾಡಿಕೊಂಡಿದ್ದಾರೆ.

ವರದಾ ನದಿ ದಂಡೆಗೆ ಹೊಂದಿಕೊಂಡು ನನ್ನ ಜಮೀನು ಇದೆ. ಸುಮಾರು 2 ಲಕ್ಷ ರೂ ಖರ್ಚು ಮಾಡಿ ಬಾಳೆ ತೋಟ ಮಾಡಿದ್ದೆ. ಮಿಶ್ರ ಬೆಳೆ ಆರ್ಥಿಕವಾಗಿ ಕೈಹಿಡಿಯಲಿದೆ ಎಂಬ ಆಶಯದಿಂದ ಮೆಣಸಿನಗಿಡ, ಚೆಂಡು ಹೂವು ಬೆಳೆದಿದ್ದೆ. ಎಲ್ಲವೂ ನೀರಿನಲ್ಲಿಮಾರಣಹೋಮ ಆಗಿದೆ. 4 ಎಕರೆ ಪೈಕಿ ಅರ್ಧದಷ್ಟು ಕಬ್ಬು ಬೆಳೆ ನಷ್ಟಗೊಂಡಿದೆ. ಕೃಷಿ ಜಮೀನಿನ ಫಲವತ್ತಾದ ಮಣ್ಣು ನದಿಯ ಸೆಳೆವಿಗೆ ಸವಕಳಿಯಾಗಿದೆ. ಆದರೆ ಈತನಕ 1 ರೂ. ಪರಿಹಾರವೂ ಬಂದಿಲ್ಲಎಂದು ರೈತ ಭುವನೇಶ್ವರ ಅಳಲು ತೋಡಿಕೊಂಡಿದ್ದಾರೆ.