ಕಲಿತ ಶಾಲೆ ಕುರಿತು ಅಭಿಮಾನವಿರಲಿ

ರಾಣೇಬೆನ್ನೂರ: ಜನ್ಮ ನೀಡಿದ ತಾಯಿ ಮತ್ತು ವಿದ್ಯೆ ಕಲಿಸಿದ ಗುರುವಿನ ಋುಣವನ್ನು ಎಂದಿಗೂ ತೀರಿಸಲು ಸಾಧ್ಯವಿಲ್ಲ ಎಂದು ನಿವೃತ್ತ ಮುಖ್ಯ ಶಿಕ್ಷ ಕ ಜಿ.ಎಲ್‌.ಕುಲಕರ್ಣಿ ಹೇಳಿದರು.

ಇಲ್ಲಿನ ವಿನಾಯಕ ನಗರದ ಪ್ರಾಚೀನ ಪ್ರಾಥಮಿಕ ಶಾಲೆಯಲ್ಲಿ ಸೋಮವಾರ ಶಾಲೆಯ ಹಳೆಯ ವಿದ್ಯಾರ್ಥಿಗಳು ಕೊಡುಗೆಯಾಗಿ ನೀಡಿದ ಸಮವಸ್ತ್ರಗಳು ಮತ್ತು ನೋಟ್‌ಪುಸ್ತಕಗಳನ್ನು ವಿತರಿಸಿ ಅವರು ಮಾತನಾಡಿದರು. ಹಣವನ್ನು ಕೂಡಿಟ್ಟರೆ ಯಾರೂ ಬೇಕಾದರೂ ಅಪಹರಿಸಬಹುದು. ಆದರೆ ಕಲಿತ ವಿದ್ಯೆಯು ಜೀವನಪೂರ್ತಿ ಬದುಕುವ ದಾರಿಯನ್ನು ಕಲಿಸಿಕೊಡುತ್ತದೆ. ಈ ನಿಟ್ಟಿನಲ್ಲಿ ಕಲಿತ ಶಾಲೆಯ ಬಗ್ಗೆ ಅಭಿಮಾನವಿಟ್ಟು ಅಲ್ಲಿನ ಮಕ್ಕಳ ಕಲಿಕೆಗೆ ಪೂರಕವಾದ ವಸ್ತುಗಳನ್ನು ಕೊಡುಗೆಯಾಗಿ ನೀಡುತ್ತಿರುವ ಹಳೆಯ ವಿದ್ಯಾರ್ಥಿಗಳಾದ ಪ್ರಭು ಹುಣಸಿಮರದ ಹಾಗೂ ಹರಿಹರ ಅವರ ಕಾರ್ಯ ನಿಜಕ್ಕೂ ಶ್ಲಾಘನೀಯವಾಗಿದ್ದು ಇತರರಿಗೆ ಪ್ರೇರಣೆಯಾಗಿದೆ ಎಂದರು.

ಶಾಲೆಯ ಎಲ್ಲ 80 ವಿದ್ಯಾರ್ಥಿಗಳಿಗೂ ನೋಟಪುಸ್ತಕಗಳು ಹಾಗೂ ಸಮವಸ್ತ್ರಗಳನ್ನು ವಿತರಿಸಲಾಯಿತು.

ಮುಖ್ಯ ಶಿಕ್ಷ ಕಿ ಪುಷ್ಪಾ ನಾಡಿಗೇರ, ಕಮಲಾ ಪುರೋಹಿತ, ಸುವರ್ಣಾ ನೈನಾ, ಹಳೆಯ ವಿದ್ಯಾರ್ಥಿಗಳಾದ ಪ್ರಭು ಹುಣಸಿಮರದ ಹರಿಹರ ಮತ್ತು ಇತರರು ಇದ್ದರು.