ಬೆಳಗಾಲಪೇಟೆ ಸುತ್ತ ಹರ್ಷ ತಂದ ವರ್ಷ

ಅಕ್ಕಿಆಲೂರು :ಸಮೀಪದ ಬೆಳಗಾಲಪೇಟೆ, ನಿಸ್ಸೀಮ ಆಲದಕಟ್ಟಿ ಸೇರಿದಂತೆ ಹಲವು ಗ್ರಾಮಗಳಲ್ಲಿ ಬುಧವಾರ ಭಾರಿ ಮಳೆ ಸುರಿದಿದ್ದು, ರೆತ ಸಮೂಹದಲ್ಲಿ ಹರ್ಷ ಮನೆಮಾಡಿದೆ.

ಸೂರ್ಯನ ಪ್ರಖರತೆ ಹಾಗೂ ಸೆಕೆಯಿಂದ ಬಸವಳಿದಿದ್ದ ಜನರು ಧಾರಾಕಾರ ಮಳೆಯಿಂದ ಸಂತಸಗೊಂಡಿದ್ದಾರೆ. ಗುಡುಗು ಸಹಿತ ಅಬ್ಬರಿಸಿದ ಮಳೆಗೆ ಯುವಕರು, ಮಕ್ಕಳು ನೆನೆದು ಖುಷಿ ಪಟ್ಟರು. ಮುಂಗಾರು ಹಂಗಾಮಿಗೆ ಕಷಿ ಭೂಮಿ ಸಿದ್ಧಪಡಿಸಿಕೊಂಡು ಮಳೆಗೆ ಕಾಯ್ದಿದ್ದ ರೆತ ಸಮೂಹ ಇನ್ನೇನು ಬಿತ್ತನೆ ಚಟುವಟಿಕೆಯಲ್ಲಿ ತೊಡಗಿಕೊಳ್ಳಲಿದೆ.

ನಿರಾಸೆ: ಅಕ್ಕಿಆಲೂರು ಸೇರಿದಂತೆ ಸುತ್ತಲಿನ ಗ್ರಾಮಗಳಲ್ಲಿ ಬುಧವಾರ ಬೆಳಿಗ್ಗೆಯಿಂದಲೇ ಮೋಡ ಮುಸುಕಿದ ವಾತಾವರಣ ನಿರ್ಮಾಣಗೊಂಡು ಗುಡುಗಿನ ಅಬ್ಬರ ಕಂಡು ಬಂದಿತಾದರೂ ಮಳೆ ಸುರಿಯದೇ ನಿರಾಸೆ ಮೂಡಿಸಿತು. ಕಳೆದೊಂದು ವಾರದಿಂದ ಇಲ್ಲಿ ಮಳೆ ಸುರಿದಿಲ್ಲ.