ಆ್ಯಪ್ನಗರ

ಹಿರೇಕೆರೂರ-ರಾಣೇಬೆನ್ನೂರಲ್ಲಿ ಉಪ ಚುನಾವಣೆ?

ರಾಜು ನದಾಫ ಹಾವೇರಿ: ಬದಲಾದ ರಾಜಕೀಯ ಚಿತ್ರಣದಿಂದಾಗಿ ಜಿಲ್ಲೆಯ ಹಿರೇಕೆರೂರು ಮತ್ತು ರಾಣೇಬೆನ್ನೂರ ಕ್ಷೇತ್ರಗಳ ಶಾಸಕರು ಮಾಜಿಗಳಾಗುವ ಲಕ್ಷಣಗಳು ಗೋಚರಿಸಿದ್ದು, ಉಪ ಚುನಾವಣೆ ಅನಿವಾರ್ಯವಾಗಲಿದೆ.

Vijaya Karnataka 25 Jul 2019, 5:00 am
ರಾಜು ನದಾಫ ಹಾವೇರಿ: ಬದಲಾದ ರಾಜಕೀಯ ಚಿತ್ರಣದಿಂದಾಗಿ ಜಿಲ್ಲೆಯ ಹಿರೇಕೆರೂರು ಮತ್ತು ರಾಣೇಬೆನ್ನೂರ ಕ್ಷೇತ್ರಗಳ ಶಾಸಕರು ಮಾಜಿಗಳಾಗುವ ಲಕ್ಷಣಗಳು ಗೋಚರಿಸಿದ್ದು, ಉಪ ಚುನಾವಣೆ ಅನಿವಾರ್ಯವಾಗಲಿದೆ.
Vijaya Karnataka Web by election in hirekore rananebenur
ಹಿರೇಕೆರೂರ-ರಾಣೇಬೆನ್ನೂರಲ್ಲಿ ಉಪ ಚುನಾವಣೆ?


ರಾಣೇಬೆನ್ನೂರ ಶಾಸಕ ಆರ್‌.ಶಂಕರ ಮತ್ತು ಹಿರೇಕೆರೂರಿನ ಕಾಂಗ್ರೆಸ್‌ ಶಾಸಕ ಬಿ.ಸಿ.ಪಾಟೀಲ ರಾಜೀನಾಮೆ ನೀಡಿ ಅತೃಪ್ತರ ಗುಂಪು ಸೇರಿದ್ದಾರೆ. ಅವರು ನೀಡಿರುವ ರಾಜೀನಾಮೆ ಅಂಗೀಕಾರವಾದರೂ ಇಲ್ಲವೇ, ಅನರ್ಹಗೊಂಡರೂ ಮಾಜಿಗಳಾಗುತ್ತಾರೆ. ಹೀಗಾಗಿ ಇವೆರಡೂ ಕ್ಷೇತ್ರಗಳಲ್ಲಿ ಉಪಚುನಾವಣೆ ನಡೆಯಲಿದೆ ಎನ್ನುವ ಮಾತು ರಾಜಕೀಯ ತಜ್ಞರಿಂದ ಕೇಳಿಬಂದಿದೆ.

ಸಚಿವ ಸ್ಥಾನದ ಲೆಕ್ಕಾಚಾರ:
ಅತ್ತ ಸಮ್ಮಿಶ್ರ ಸರಕಾರ ಪತನಗೊಳ್ಳುತ್ತಿದ್ದಂತೆ ಇತ್ತ ಬಿಜೆಪಿ ಪಾಳೆಯದಲ್ಲಿ ಸಚಿವಗಿರಿಯ ಅಂತೆ-ಕಂತೆಗಳಿಗೆ ರೆಕ್ಕೆ ಬಂದಿದೆ. ಜಾತಿ ಸಂಘಟನೆಗಳಿಂದ ಜಿಲ್ಲೆಯ ಶಾಸಕರಿಗೆ ಸಚಿವ ಪಟ್ಟ ನೀಡಬೇಕೆನ್ನುವ ಆಗ್ರಹ ವ್ಯಕ್ತವಾಗುತ್ತಿದೆ.

ಬಿಜೆಪಿ ರಾಜ್ಯಾಧ್ಯಕ್ಷ ಬಿ.ಎಸ್‌.ಯಡಿಯೂರಪ್ಪ ಸಿ.ಎಂ. ಆದ್ರೆ ಹಿರಿಯ ಶಾಸಕ ಸಿ.ಎಂ.ಉದಾಸಿ, ಬಸವರಾಜ ಬೊಮ್ಮಾಯಿ ಅವರಿಗೆ ಸಚಿವ ಸ್ಥಾನ ನಿಕ್ಕಿ ಅನ್ನೋರ ಸಂಖ್ಯೆಯೇ ಅಧಿಕ. ಎರಡು ಬಾರಿ ಶಾಸಕರಾಗಿದ್ದಾಗಲೇ ಬುಡಕಟ್ಟು ಆಯೋಗದ ಅಧ್ಯಕ್ಷರಾಗಿದ್ದÜ ಹಾವೇರಿ ಶಾಸಕ ನೆಹರು ಓಲೇಕಾರ ಅವರಿಗೆ ಈ ಆಯೋಗ ಖಂಡಿತ. ತಿರಸ್ಕರಿಸಿದಲ್ಲಿ ಆದಾಯ ತರುವ ನಿಗಮ-ಮಂಡಳಿ ಅಧ್ಯಕ್ಷ ಸ್ಥಾನ ದೊರೆಯಲಿದೆ ಎನ್ನುವ ಲೆಕ್ಕಾಚಾರ ವ್ಯಕ್ತವಾಗಿದೆ.

ಏತನ್ಮಧ್ಯೆ, ಪಕ್ಷಕ್ಕೆ ಬರುವ ಬಿ.ಸಿ.ಪಾಟೀಲ ಮತ್ತು ಆರ್‌.ಶಂಕರ ಬಿಜೆಪಿ ಸೇರುವ ಸಾಧ್ಯತೆ ಹಿನ್ನೆಲೆಯಲ್ಲಿ ಹಿರೇಕೇರೂರ ಮಾಜಿ ಶಾಸಕ ಯು.ಬಿ.ಬಣಕಾರ ಮತ್ತು ರಾಣೇಬೆನ್ನೂರ ಬಿಜೆಪಿ ಪರಾಜಿತ ಅಭ್ಯರ್ಥಿ ಡಾ.ಬಸವರಾಜ ಕೆಲಗಾರ ರಾಜಕೀಯ ಭವಿಷ್ಯ ಏನು? ಎಂಬುದರ ಬಗ್ಗೆಯೂ ಚರ್ಚೆ ನಡೆದಿದೆ.

ರಾಜಕೀಯ ಚದುರಂಗದಾಟದಲ್ಲಿ ಜಿಲ್ಲೆಯ ಕಾಂಗ್ರೆಸ್‌ ನಾಯಕರು ಮಂಕಾಗಿದ್ದಾರೆ. ಜಿಲ್ಲೆಯಲ್ಲಿ ಮಾತ್ರ ಕಾಂಗ್ರೆಸ್‌ ಪಕ್ಷ ತಬ್ಬಲಿಯಾಯಿತು ಅನ್ನೋ ಕೂಡ ಮಾತು ಕೇಳಿಬರುತ್ತಿದೆ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ