ಮುಷ್ಟೂರಲ್ಲಿ ಚಿರತೆ ಭೀತಿ

ಕುಮಾರಪಟ್ಟಣ: ರಾಣೇಬೆನ್ನೂರು ತಾಲೂಕಿನ ಮುಷ್ಟೂರು ಗ್ರಾಮದ ಕಬ್ಬಿನ ಹೊಲದಲ್ಲಿ ಚಿರತೆಯ ಕಾಟ ಆರಂಭವಾಗಿದ್ದು ಬೆಳೆಗಳ ನಾಶ ಮಾಡುವುದಲ್ಲದೇ ಕುರಿ ಮತ್ತು ನಾಯಿಗೆ ಕಚ್ಚಿದೆ ಎಂದು ಸ್ಥಳೀಯ ಗ್ರಾಮೀಣ ಘಟಕದ ರೈತ ಸಂಘದ ಅಧ್ಯಕ್ಷ ಪ್ರಭು ತಳವಾರ ತಿಳಿಸಿದ್ದಾರೆ.

ಇದರಿಂದ ಕಬ್ಬಿನ ಹೊಲಕ್ಕೆ ರಾತ್ರಿ ವೇಳೆ ನೀರು ಹಾಯಿಸಲು ರೈತರು ಭಯ ಪಡುತ್ತಿದ್ದಾರೆ. ಬಯಲಿದ್ದ ಹೊಲಗಳಲ್ಲಿ ಕುರಿ ಕಾಯುವವರು ಈ ಹಿಂದೆ ಕೆಲ ದಿನಗಳ ಮಟ್ಟಿಗೆ ವಾಸವಾಗಿರುತ್ತಿದ್ದರು. ಆದರೆ ಇತ್ತೀಚಿನ ದಿನಗಳಲ್ಲಿ ಚಿರತೆ ದಾಳಿಯಿಂದ ಕುರಿಗಾಹಿಗಳಿಗೆ ಮತ್ತು ರೈತ ಸಮುದಾಯಕ್ಕೆ ಭೀತಿ ಉಂಟಾಗಿದೆ.

ಈ ಬಗ್ಗೆ ಅರಣ್ಯ ಇಲಾಖೆಯ ಅಧಿಕಾರಿಗಳು ಕೂಡಲೆ ಕ್ರಮ ಜರುಗಿಸಿ, ಚಿರತೆಯನ್ನು ಸೆರೆ ಹಿಡಿದು ರೈತರಿಗೆ ಮತ್ತು ಗ್ರಾಮಸ್ಥರಿಗೆ ರಕ್ಷ ಣೆ ನೀಡಬೇಕೆಂದು ಮುದೇನೂರು ಗ್ರಾಮ ಪಂಚಾಯಿತಿ ಸದಸ್ಯ ಆನಂದರೆಡ್ಡಿ ಎ. ಒತ್ತಾಯಿಸಿದ್ದಾರೆ