ಬ್ಯಾಡಗಿ: ಪಟ್ಟಣದ ಕೃಷಿ ಉತ್ಪನ್ನ ಮಾರುಕಟ್ಟೆಗೆ ಗುರುವಾರ 26,747 ಮೆಣಸಿನಕಾಯಿ ಚೀಲಗಳು ಆವಕವಾಗಿದ್ದು, ಪ್ರಸಕ್ತ ವರ್ಷದ ಮಾರುಕಟ್ಟೆಯಲ್ಲಿನ ವ್ಯಾಪಾರ ಹಾಗೂ ಆವಕ ಎರಿಳಿಕೆಯಲ್ಲಿ ಸಾಗುತ್ತಿದೆ.
ಕಳೆದ ಸೋಮವಾರ ಮಾರುಕಟ್ಟೆಗೆ 29 ಸಾವಿರಕ್ಕೂ ಅಧಿಕ ಮೆಣಸಿನಕಾಯಿ ಚೀಲಗಳು ಆವಕವಾಗಿದ್ದು, ಮಾರುಕಟ್ಟೆ ಆವಕದಲ್ಲಿ ಏರಿಕೆ ಕಂಡುಬಂದಿತ್ತು.ಗುರುವಾರ ಸೋಮವಾರಕ್ಕಿಂತ 3 ಸಾವಿರ ಚೀಲಗಳು ಕಡಿಮೆ ಆವಕವಾಗಿದ್ದು, ಸ್ಥಿರತೆ ಇಲ್ಲದ ಆವಕದಲ್ಲಿ ಎರಿಳಿತ ಕಂಡುಬರುತ್ತಿರುವುದು ವ್ಯಾಪಾರಸ್ಥರನ್ನು ಚಿಂತೆಗೀಡು ಮಾಡಿದೆ.
ಮಾರುಕಟ್ಟೆ ದರ: ಗುರುವಾರ ಮಾರುಕಟ್ಟೆಯಲ್ಲಿ ಡಬ್ಬಿ ತಳಿ: ಕನಿಷ್ಠ 2,699 ರೂ., ಗರಿಷ್ಠ 16,509 ರೂ., ಸರಾಸರಿ 12,899 ರೂ., ಕಡ್ಡಿ ತಳಿ: ಕನಿಷ್ಠ 2,299, ಗರಿಷ್ಠ 14,539ರೂ., ಸರಾಸರಿ 11,099 ರೂ., ಗುಂಟೂರ ಕನಿಷ್ಠ 509 ರೂ., ಗರಿಷ್ಠ 7,669 ರೂ. ಸರಾಸರಿ 4,519 ರೂ.ಗೆ ಮಾರಾಟವಾಗಿದೆ. ದರದಲ್ಲಿ ಯಾವುದೇ ವ್ಯತ್ಯಾಸ ಕಂಡುಬಂದಿಲ್ಲ. ಅಲ್ಲದೆ ಗುಣಮಟ್ಟವಿಲ್ಲದ 241 ಮೆಣಸಿನಕಾಯಿ ಲಾಟ್ಗಳಿಗೆ ವ್ಯಾಪಾರಸ್ಥ ರು ಯಾವುದೇ ಬಿಡ್ ಮಾಡಲಿಲ್ಲ.