ಮೋಡ ಬಿತ್ತನೆ ಯೋಜನೆ ನಮ್ಮ ಸರಕಾರದ್ದಲ್ಲ: ಡಿಸಿಎಂ ಕಾರಜೋಳ

ಹಾವೇರಿ: ಮೋಡ ಬಿತ್ತನೆ ಯೋಜನೆ ನಮ್ಮ ಸರಕಾರದ್ದಲ್ಲ. ಈ ಕುರಿತು ನನ್ನನ್ನು ಕೇಳುವ ಬದಲು ಹಿಂದಿನ ಸರಕಾರವನ್ನು ಕೇಳಿ ಎಂದು ಡಿಸಿಎಂ ಗೋವಿಂದ ಕಾರಜೋಳ ತಿಳಿಸಿದ್ದಾರೆ.

ಇಲ್ಲಿನ ಪ್ರವಾಸಿ ಮಂದಿರದಲ್ಲಿಗುರುವಾರ ಸುದ್ದಿಗಾರರ ಜತೆ ಮಾತನಾಡಿರುವ ಅವರು, ''ಮೋಡ ಬಿತ್ತನೆ ಮಾಡಬೇಕೋ ಅಥವಾ ಬೇಡವೋ ಎನ್ನುವುದನ್ನು ವಿಜ್ಞಾನಿಗಳು (ಐಐಟಿ) ಹೇಳಬೇಕು. ನಾನು ವಿಜ್ಞಾನಿ ಅಲ್ಲ. ಸಚಿವ ಕೆ.ಎಸ್‌. ಈಶ್ವರಪ್ಪ ಏನು ಮಾತನಾಡಿದ್ದಾರೋ ನನಗೆ ಗೊತ್ತಿಲ್ಲ. ಯಾವ ಪರಿಸ್ಥಿತಿಯಲ್ಲಿಮೋಡ ಬಿತ್ತನೆ ಮಾಡಬೇಕು? ಮಾಡಬಾರದು ಎನ್ನುವುದರ ಬಗ್ಗೆ ಐಐಟಿ ಅವರೇ ಹೇಳಬೇಕು'' ಎಂದು ಪುನರುಚ್ಚಸಿದರು.

ಮೋಡಬಿತ್ತನೆ ಯೋಜನೆಯಲ್ಲಿನಿಮ್ಮ ಪುತ್ರ ಭಾಗಿಯಾಗಿರುವುದು ನಿಮ್ಮ ಅಧಿಕಾರ ದುರುಪಯೋಗವಲ್ಲವೇ ಎನ್ನುವ ಪ್ರಶ್ನೆಗೆ, ''ನನ್ನ ರಾಜಕೀಯ ಜೀವನದಲ್ಲಿಎಂದಿಗೂ ಲಾಬಿ ಮಾಡಿಲ್ಲ, ಮಾಡುವುದೂ ಇಲ್ಲ'' ಎಂದು ತಿಳಿಸಿದರು.