ಮಾಸೂರಿಗೆ ಬಂದ ಕೊರೊನಾ

ರಟ್ಟೀಹಳ್ಳಿ: ತಾಲೂಕಿನ ಮಾಸೂರು ಗ್ರಾಮದಲ್ಲಿಭಾನುವಾರ ವೈದ್ಯರು ಸೇರಿದಂತೆ ಐವರಿಗೆ ಕೊರೊನಾ ದೃಢವಾಗಿದೆ. ವೈರಸ್‌ ಹಿನ್ನೆಲೆಯಲ್ಲಿತಾಲೂಕಿನಲ್ಲಿಸಾಕಷ್ಟು ಮುಂಜಾಗ್ರತೆ ವಹಿಸಲಾಗಿತ್ತು. ಇತ್ತೀಚೆಗೆ ಶಿಕಾರಿಪುರ ತಾಲೂಕಿನ ವೃದ್ಧೆಯೊಬ್ಬರು ತಾಲೂಕಿಗೆ ಬಂದು ವಾಪಸಾಗಿದ್ದರು. ನಂತರ ಅನಾರೋಗ್ಯದಿಂದ ನಿಧನರಾದ ವೃದ್ಧೆಯನ್ನು ಪರೀಕ್ಷೆಗೆ ಒಳಪಡಿಸಿದಾಗ ಕೊರೊನಾ ಸೋಂಕು ದೃಢಪಟ್ಟಿತ್ತು. ವಿಷಯ ತಿಳಿದ ತಕ್ಷಣ ರಟ್ಟೀಹಳ್ಳಿ ತಹಸೀಲ್ದಾರ್‌, ವೃದ್ಧೆಯೊಂದಿಗೆ ಪ್ರಾಥಮಿಕ ಸಂಪರ್ಕದಲ್ಲಿದ್ದ ರಾಮತೀರ್ಥ ಗ್ರಾಮದ 25 ಜನ ಮತ್ತು ಮಾಸೂರಿನ 6 ಜನರನ್ನು ಸಾಂಸ್ಥಿಕ ಕ್ವಾರಂಟೈನ್‌ ಕಳಿಸಿಕೊಟ್ಟಿದ್ದರು. ಬಳಿಕ ಅವರನ್ನು ಪರೀಕ್ಷೆಗೆ ಒಳಪಡಿಸಿದಾಗ ವೈದ್ಯರು ಸೇರಿದಂತೆ 5 ಜನರಿಗೆ ಕೊರೊನಾ ಇರುವುದು ತಿಳಿದುಬಂದಿದೆ. ಈ ಹಿನ್ನೆಲೆಯಲ್ಲಿವೈದ್ಯರು ವಾಸವಾಗಿದ್ದ ಸರ್ವಜ್ಞ ನಗರವನ್ನು ಸೀಲ್‌ಡೌನ್‌ ಮಾಡಲಾಗಿದೆ.