ಸಾಲಬಾಧೆ: ರೈತ ಆತ್ಮಹತ್ಯೆ

ರಾಣೇಬೆನ್ನೂರ : ಸಾಲಬಾಧೆ ತಾಳಲಾರದೆ ರೈತನೊಬ್ಬ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಗುರುವಾರ ರಾತ್ರಿ ತಾಲೂಕಿನ ಜೋಯಿಸರಹರಳಹಳ್ಳಿ ಗ್ರಾಮದಲ್ಲಿಸಂಭವಿಸಿದೆ. ಗ್ರಾಮದ ತಿರಕಪ್ಪ ಭೀಮಪ್ಪ ಕೊಳ್ಳೇರ (45) ಮೃತ ರೈತ.

ಈತನ ಹೆಸರಿನಲ್ಲಿ3.20 ಎಕರೆ ಜಮೀನಿದ್ದು ಅದರಲ್ಲಿಗೋವಿನಜೋಳ ಮತ್ತು ಹತ್ತಿ ಬೆಳೆದಿದ್ದನು. ಕೃಷಿಗಾಗಿ ಗ್ರಾಮದ ಯೂನಿಯನ್‌ ಬ್ಯಾಂಕಿನಲ್ಲಿ2.75 ಲಕ್ಷ ಹಾಗೂ ಖಾಸಗಿಯಾಗಿ 4 ಲಕ್ಷ ಸಾಲ ಮಾಡಿದ್ದನು. ಕಳೆದ ನಾಲ್ಕೆತ್ರೖದು ವರ್ಷಗಳಿಂದ ಸಾಕಷ್ಟು ತೊಂದರೆ ಅನುಭವಿಸಿದ್ದ ಮೃತನಿಗೆ ಇತ್ತೀಚಿಗೆ ಉಂಟಾದ ಅತಿವೃಷ್ಠಿಯಿಂದಾಗಿ ಹೊಲದಲ್ಲಿಬೆಳೆದಿದ್ದ ಫಸಲು ನಾಶವಾಗಿದೆ. ಇದರಿಂದ ಸಾಲ ತೀರಿಸುವುದು ಹೇಗೆಂಬ ಚಿಂತೆಯಿಂದ ಮನನೊಂದು ಮನೆಯಲ್ಲಿವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾಗಿದ್ದಾನೆ.

ರೈತಸಂಘದ ಪ್ರತಿಭಟನೆ:
ಮೃತ ರೈತನ ಸಾಲವನ್ನು ಸಂಪೂರ್ಣ ಮನ್ನಾ ಮಾಡಬೇಕು ಹಾಗೂ ತಕ್ಷಣವೇ ಅತನಿಗೆ ಸರಕಾರದಿಂದ ಪರಿಹಾರ ನೀಡುವಂತೆ ಆಗ್ರಹಿಸಿ ಉತ್ತರ ಕರ್ನಾಟಕ ರೈತಸಂಘದ ಕಾರ್ಯಕರ್ತರು ಜಿಲ್ಲಾಧ್ಯಕ್ಷ ಹನುಮಂತಪ್ಪ ದಿವಿಗಿಹಳ್ಳಿ ನೇತೃತ್ವದಲ್ಲಿನಗರದ ಸರಕಾರಿ ಆಸ್ಪತ್ರೆ ಶವಾಗಾರದ ಬಳಿ ಪ್ರತಿಭಟನೆ ನಡೆಸಿದರು.