ವಿದ್ಯಾರ್ಥಿಗಳಿಗೆ ಸೈಕಲ್‌ ವಿತರಣೆ

ಹಂಸಭಾವಿ : ಸರಕಾರದಿಂದ ಬಂದ ಸೈಕಲ್‌ಗಳನ್ನು ಸರಿಯಾಗಿ ಉಪಯೋಗಿಸಿಕೊಂಡು ಸರಕಾರದ ಯೋಜನೆಗಳನ್ನು ಸದ್ಭಳಕೆ ಮಾಡಿಕೊಳ್ಳಬೇಕೆಂದು ತಾ.ಪಂ.ಸದಸ್ಯ ರತ್ನಮ್ಮಾ ಕೆರೂಡಿ ಹೇಳಿದರು.

ಸ್ಥಳಿಯ ಡಾ. ಬಿ.ಆರ್‌.ಅಂಬೇಡ್ಕರ್‌ ಪ್ರೌಢಶಾಲೆಯ 8 ನೇ ತರಗತಿಯ ವಿದ್ಯಾರ್ಥಿಗಳಿಗೆ ಸೈಕಲ್‌ ವಿತರಣಾ ಸಮಾರಂಭದಲ್ಲಿಅತಿಥಿಗಳಾಗಿ ಭಾಗವಹಿಸಿ ಮಾತನಾಡಿದರು. ಕಾರ್ಯಕ್ರಮ ಉದ್ಘಾಟಿಸಿದ ಸಂಸ್ಥೆಯ ಕಾರ್ಯದರ್ಶಿ ಎನ್‌.ಡಿ.ಕೊಲ್ಲಾಪುರ ಮಾತನಾಡಿ, ವಿದ್ಯಾರ್ಥಿಗಳು ಸರಕಾರ ನೀಡಿದ ಸೈಕಲ್‌ಗಳನ್ನು ಬಳಸಿಕೊಂಡು ಸರಿಯಾದ ಸಮಯಕ್ಕೆ ಶಾಲೆಗೆ ಬಂದು ಉತ್ತಮ ಫಲಿತಾಂಶ ಪಡೆದು ಶಾಲೆಗೆ ಮತ್ತು ಪಾಲಕರಿಗೆ ಕೀರ್ತಿ ತರಬೇಕೆಂದರು.

ಗ್ರಾ.ಪಂ.ಸದಸ್ಯ ಹಜರತ್‌ ಅಲಿ ರಟ್ಟೀಹಳ್ಳಿ, ಶಾಲಾ ಸುಧಾರಣಾ ಸಮಿತಿಯ ಸದಸ್ಯರಾದ ಬಸವರಾಜ ಯಲ್ಲಕ್ಕನವರ,ಉಳಿವೆಪ್ಪ ಹುಚಗೊಂಡ್ರ,ಬಾಬಣ್ಣ ಬೆಳವಿಗಿ,ಪಾಲಕರು ಸಿಬ್ಬಂದಿ ಉಪಸ್ಥಿತರಿದ್ದರು. ಮುಖ್ಯೋಪಾಧ್ಯಾಯ ಎಸ್‌.ಆರ್‌.ಕಾಕೋಳ ಸ್ವಾಗತಿಸಿದರು.ಆರ್‌.ಎನ್‌.ಹಿತ್ಲಳ್ಳಿ ನಿರೂಪಿಸಿದರು ಎಸ್‌.ಎಚ್‌.ಬೆಟ್ಟಳ್ಳೇರ ವಂದಿಸಿದರು.