ವಿದ್ಯಾರ್ಥಿಗಳಿಗೆ ಸಮವಸ್ತ್ರ, ಶೂ, ಸಾಕ್ಸ್‌ ವಿತರಣೆ

ಹಿರೇಕೆರೂರು: ಪಟ್ಟಣದಲ್ಲಿರುವ ಸರಕಾರಿ ಕನ್ನಡ ಪ್ರೌಢಶಾಲೆಯ ವಿದ್ಯಾರ್ಥಿಗಳಿಗೆ ಸರಕಾರ ಕೊಡಮಾಡಿದ ಸಮವಸ್ತ್ರ, ಶೂ, ಸಾಕ್ಸ್‌ಗಳನ್ನು ಮಂಗಳವಾರ ಶಾಲಾ ಆವರಣದಲ್ಲಿಫಲಾನುಭವಿ ವಿದ್ಯಾರ್ಥಿಗಳಿಗೆ ವಿತರಿಸಲಾಯಿತು.

ಮುಖ್ಯಗುರು ಎನ್‌.ಸುರೇಶಕುಮಾರ ಮಾತನಾಡಿ, ಶಿಕ್ಷಣ ಪಡೆಯುವ ಸಲುವಾಗಿ ಶಿಕ್ಷಣ ಇಲಾಖೆ ಮೂಲಕ ಸರಕಾರ ಜಾರಿಗೆ ತಂದಿರುವ ನಾನಾ ಸೌಲಭ್ಯಗಳನ್ನು ವಿದ್ಯಾರ್ಥಿಗಳು ಪಡೆದುಕೊಂಡು ಅವುಗಳನ್ನು ಸದ್ಭಳಕೆ ಮಾಡಿಕೊಂಡು ಶಿಕ್ಷಣ ಪಡೆದುಕೊಳ್ಳುವಂತೆ ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು. ನೀವು ಪಡೆಯುವ ನಿಮ್ಮ ಶಿಕ್ಷಣದ ಕೀರ್ತಿಯೇ ನೀವು ಗಳಿಸುವ ಪರಮಾವಧಿ ಸಂಪತ್ತು. ಆದ್ದರಿಂದ ಪ್ರತಿಯೊಬ್ಬ ವಿದ್ಯಾರ್ಥಿಗಳು ಆಯಾ ವಿಷಯಗಳನ್ನು ಇಷ್ಟಪಟ್ಟು ಓದುವ ಮೂಲಕ ಉನ್ನತ ಶ್ರೇಣಿಯಲ್ಲಿತೇರ್ಗಡೆ ಹೊಂದುವಂತೆ ಹಾರೈಸಿದರು.

ಎಸ್‌ಡಿಎಂಸಿ ಸದಸ್ಯರಾದ ವಿ.ವಿ.ಹಿತ್ತಲಮನಿ, ಮಾರುತಿ ಸುಣಗಾರ, ಎಸ್‌.ಬಿ. ವಡ್ಡಿನಕಟ್ಟಿ, ಮಲ್ಲಪ್ಪ ಸವಣೂರು, ಶಿಕ್ಷಕರಾದ ಅಕ್ಕಮ್ಮ ಮಡಿವಾಳರ, ಸುಧಾ ಬಣಕಾರ, ಎಸ್‌.ವಿ.ಪಾಟೀಲ್‌, ಎಂ.ಹೆಚ್‌.ಚಕ್ರಸಾಲಿ ಹಾಗೂ ವಿದ್ಯಾರ್ಥಿಗಳು ಉಪಸ್ಥಿತರಿದ್ದರು. ಶಿಕ್ಷಕ ವಿ.ಎಚ್‌.ಮುದಿಗೌಡ್ರ ಸ್ವಾಗತಿಸಿದರು, ಎ.ಎಂ.ಮುಲ್ಲಾವಂದಿಸಿದರು.