ರಸ್ತೆ ಕಾಮಗಾರಿಗೆ ಚಾಲನೆ

ಹಾನಗಲ್ಲ: ತಾಲೂಕಿನ ಹಿರೇಕಾಂಶಿ ಗ್ರಾಮದಲ್ಲಿ46 ಲಕ್ಷ ರೂ.ಗಳಲ್ಲಿನಿರ್ಮಿಸುವ ಕಾಂಕ್ರಿಟ್‌ ರಸ್ತೆ ಕಾಮಗಾರಿಗೆ ಮತ್ತು 12 ಲಕ್ಷ ರೂ.ಗಳಲ್ಲಿಸ್ಥಾಪನೆಗೊಂಡ ಶುದ್ಧ ಕುಡಿವ ನೀರಿನ ಘಟಕಕ್ಕೆ ಸಂಸದ ಶಿವಕುಮಾರ ಉದಾಸಿ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿಮಾತನಾಡಿದ ಅವರು, ಈ ಭಾಗದ ರೈತರ ಬಹು ಬೇಡಿಕೆಯ ಹಿರೇಕಾಂಶಿ ಏತ ನೀರಾವರಿ ಯೋಜನೆ ಅನುಷ್ಠಾನಕ್ಕೆ ಬರುವ ಹಂತ ತಲುಪಿದ್ದು, ಯೋಜನೆಗಾಗಿ ರಾಜ್ಯ ಸರಕಾರ ಅನುದಾನ ಮೀಸಲಿಟ್ಟಿದೆ. ವರದಾ ನದಿ ನೀರು ಸದ್ಭಳಕೆ ಮೂಲಕ ಈ ವ್ಯಾಪ್ತಿಯ ಸಾಕಷ್ಟು ಗ್ರಾಮಗಳ ಕೆರೆಗಳಿಗೆ ನೀರು ತುಂಬಿಸಲು, ಅಂತರ್ಜಲಮಟ್ಟ ಹೆಚ್ಚಿಸಲು ಸಾಧ್ಯವಾಗಲಿದೆ ಎಂದರು.

ಬಳಿಕ ಹೊಂಕಣ ಗ್ರಾಮದಲ್ಲಿ14 ಲಕ್ಷ ರೂ. ವೆಚ್ಚದಲ್ಲಿಕಾಂಕ್ರಿಟ್‌ ರಸ್ತೆ ಕಾಮಗಾರಿಗೆ ಚಾಲನೆ ನೀಡಿದರು. ಗೊಂದಿ ಗ್ರಾಮದಲ್ಲಿ14 ಲಕ್ಷ ರೂ. ಮೊತ್ತದಲ್ಲಿಕಾಂಕ್ರಿಟ್‌ ರಸ್ತೆ ಕಾಮಗಾರಿಗೆ ಚಾಲನೆ ನೀಡಿ, 5 ಲಕ್ಷದಲ್ಲಿನಿರ್ಮಾಣಗೊಂಡ ರೈತ ತರಬೇತಿ ಕೇಂದ್ರ ಉದ್ಘಾಟಿಸಿದರು.

ಜಿ.ಪಂ ಸದಸ್ಯ ಮಾಲತೇಶ ಸೊಪ್ಪಿನ, ಶಿವಲಿಂಗಪ್ಪ ತಲ್ಲೂರ, ಕಲ್ಯಾಣಕುಮಾರ ಶೆಟ್ಟರ, ನಿಂಗಪ್ಪ ಗೊಬ್ಬೇರ, ಜಿ.ಎಸ್‌.ದೇಶಪಾಂಡೆ, ಚಂದ್ರಪ್ಪ ಹರಿಜನ, ರಮೇಶ ತಳವಾರ, ಪಿಡಬ್ಲುಡಿ ಎಂಜನಿಯರ್‌ ನಾಗರಾಜ ಮತ್ತಿತರರು ಇದ್ದರು.