ಹಾವೇರಿ ಕಾ ರಾಜಾ: ಅನ್ನ ಸಂತರ್ಪಣೆ

ಹಾವೇರಿ: ನಗರದ ಸುಭಾಸ್‌ ಸರ್ಕಲ್‌ನಲ್ಲಿ18 ಅಡಿ ಎತ್ತರ ಹಾವೇರಿ ಕಾ ರಾಜಾ ಗಣೇಶ ಪ್ರತಿಷ್ಠಾಪನೆಯ ಹಿನ್ನೆಲೆಯಲ್ಲಿಗಣೇಶ ಉತ್ಸವ ಕಮೀಟಿ ವತಿಯಿಂದ ಶುಕ್ರವಾರ ವಿಶೇಷ ಪೂಜೆ ಮತ್ತು ಅನ್ನ ಸಂತರ್ಪಣೆ ಜರುಗಿತು.

ಪ್ರತಿ ವರ್ಷದಂತೆ ಈ ವರ್ಷವೂ ಗಣೇಶ ವಿಸರ್ಜನೆಯ ಒಂದು ದಿನ ಮುಂಚೆಯೇ ಅನ್ನ ಸಂತರ್ಪಣೆ ನಡೆಯಿತು. ಈ ಅನ್ನ ಸಂತರ್ಪಣೆಯಲ್ಲಿಗೋದಿ ಹುಗ್ಗಿ, ಬದನೆಕಾಯಿ ಪಲ್ಲೆ, ಅನ್ನ ಸಾಂಬರ್‌, ಉಪ್ಪಿನಕಾಯಿ, ಬಜಿ ವ್ಯವಸ್ಥೆ ಮಾಡಲಾಗಿತ್ತು.

ಶನಿವಾರ ಮಧ್ಯಾಹ್ನ 12 ಗಂಟೆಯಿಂದ ಪ್ರಾರಂಭವಾಗಿ ಸಂಜೆ 4 ಗಂಟೆಯವರೆಗೂ ಅನ್ನ ಸಂತರ್ಪಣೆ ಜರುಗಿತು. ನಗರದ ಜನರು ಎಲ್ಲರೂ ಗಣೇಶನ ಪ್ರಸಾದ ಸ್ವೀಕರಿಸಿದರು. ಈ ವೇಳೆ 30 ಕೆಜಿ ಗೋದಿ, 40 ಕೆಜಿ. ಬೆಲ್ಲ, 60 ಕ್ಕಿಂತೂ ಅಧಿಕ ಅಕ್ಕಿ ಬಾಕೇಟ್‌ ಸಂತರ್ಪಣೆ ಖರ್ಚು ಮಾಡಲಾಗಿದೆ.

ಹಾವೇರಿ ಕಾ ರಾಜಾ ವಿಸರ್ಜನೆ ಇಂದು: ಸೆ.14 ರಂದು ಸುಭಾಸ್‌ ಸರ್ಕಲ್‌ನಲ್ಲಿಪ್ರತಿಷ್ಠಾಪಿಸಿರುವ 18 ಅಡಿ ಎತ್ತರದ ಹಾವೇರಿ ಕಾ ರಾಜಾ ಗಣೇಶ ವಿರ್ಸಜನೆ ನಡೆಯಲಿದೆ. ಅಂದು ಬೆಳಗ್ಗೆ ವಿಶೇಷ ಪೂಜೆ, ನಂತರ ಗಣೇಶನ ವಸ್ತುಗಳು ಪೂಜಾ ಸಮಾಗ್ರಿಗಳು ಹರಾಜು ಪ್ರಕ್ರಿಯೆ ಜರುಗಲಿದೆ. ನಂತರ ಮಧ್ಯಾಹ್ನ 2 ಗಂಟೆಗೆ ಹಾವೇರಿ ಕಾ ರಾಜಾ ನಗರದಲ್ಲಿ ಪ್ರಮುಖ ರಸ್ತೆಗಳಲ್ಲಿಮೆರವಣಿಗೆ ನಡೆಸಿ, ತುಂಗಾಭದ್ರಾ ನದಿಯಲ್ಲಿವಿಸರ್ಜನೆ ಮಾಡಲಾಗುತ್ತದೆ ಎಂದು ಗಣೇಶ ಉತ್ಸವ ಕಮೀಟಿ ಮುಖಂಡ ಮಲ್ಲಿಕಾರ್ಜುನ ಸಾತೇನಹಳ್ಳಿ ತಿಳಿಸಿದರು.