ಮಾಳನಾಯಕನಹಳ್ಳಿ ಗ್ರಾಪಂಗೆ ಹೊನ್ನತ್ತಿ ಅಧ್ಯಕ್ಷ

ತುಮ್ಮಿನಕಟ್ಟಿ: ರಾಣೇಬೆನ್ನೂರು ತಾಲೂಕಿನ ಮಾಳನಾಯಕನಹಳ್ಳಿ ಗ್ರಾಪಂ ಅಧ್ಯಕ್ಷರಾಗಿ ಕಾಂಗ್ರೆಸ್‌ ಬೆಂಬಲಿತ ರಾಮಪ್ಪ ಶಿವಪ್ಪ ಹೊನ್ನತ್ತಿ ಅವಿರೋಧವಾಗಿ ಆಯ್ಕೆಗೊಂಡಿದ್ದಾರೆ.

ಗುರುವಾರ ನಡೆದ ಅಧ್ಯಕ್ಷ ಸ್ಥಾನದ ಮೀಸಲಾತಿ ಸಾಮಾನ್ಯ ಚುನಾವಣೆಗೆ ಒಂದು ನಾಮಪತ್ರ ಮಾತ್ರ ಸಲ್ಲಿಕೆಯಾಗಿದ್ದರಿಂದ ಅವಿರೋಧ ಆಯ್ಕೆ ಸುಗಮವಾಯಿತು. ತಾಲೂಕ ಪಂಚಾಯತಿ ಕಾರ್ಯನಿರ್ವಾಹಕ ಅಧಿಕಾರಿ ಎಮ್‌.ಎಸ್‌.ಕಾಂಬಳೆ ಚುನಾವಣೆ ಅಧಿಕಾರಿಯಾಗಿ ಕಾರ್ಯನಿರ್ವಹಿಸಿದರು.

ಮಾಳನಾಯಕನಹಳ್ಳಿ ಗ್ರಾಮ ಪಂಚಾಯತಿ ಒಟ್ಟು 14 ಸದಸ್ಯರ ಬಲ ಹೊಂದಿದೆ. ಅದ್ಯಕ್ಷ ಜಗದೀಶಯ್ಯಗೌಡ್ರ ನಿಧನದಿಂದ ತೆರವಾದ ಕಾರಣ ಅಧ್ಯಕ್ಷ ಸ್ಥಾನಕ್ಕೆ ಮಾತ್ರ ಚುನಾವಣೆ ನಡೆಯಿತು. ಒಟ್ಟು 11 ಸದಸ್ಯರು ಹಾಜರಿದ್ದರು 3 ಜನ ಸದಸ್ಯರು ಗೈರು ಆಗಿದ್ದರು. ಕಾಂಗ್ರೆಸ್‌ ಕಾರ್ಯಕರ್ತರು ಪಟಾಕಿ ಸಿಡಿಸಿ ಸಂಭ್ರಮಿಸಿದರು.

ಜಿಪಂ ಉಪಾಧ್ಯಕ್ಷೆ ಗಿರಿಜಮ್ಮ ಬ್ಯಾಲದಹಳ್ಳಿ, ತಾಪಂ ಸದಸ್ಯೆ ಜ್ಯೋತಿ ಗಂಜಾಮದ, ಸುರೇಶ ಸಾಂತನವರ, ಕಾಂಗ್ರೆಸ್‌ ಮುಖಂಡರಾದ ಕೃಷ್ಣಪ್ಪ ಕಂಬಳಿ, ಮಂಜನಗೌಡ ಪಾಟೀಲ, ಹನುಮಂತಪ್ಪ ಬ್ಯಾಲದಹಳ್ಳಿ, ಯಲ್ಲಪ್ಪ ರಡ್ಡೇರ, ಕುಸುಮಾ ಶೆಟ್ಟಿಕೇರಿ, ಮಹದೇವಪ್ಪ ದೊಡ್ಡದ್ಯಾವಣ್ಣನವರ, ಆಶಾಬಾನು ಶೆತಸನದಿ, ಗುತ್ತೆವ್ವ ಪೂಜಾರ, ಮಂಜುಳಾ ಮಾಸೂರ ಮತ್ತಿತರರು ಇದ್ದರು.