ಹಾವೇರಿಗೆ ಹಾರಿಬಂದ ಹಾರ್ನ್‌ಬಿಲ್‌

ಹಾವೇರಿ: ಬೂದುಬಣ್ಣದ ದಿ ಗ್ರೇಟ್‌ ಹಾರ್ನ್‌ಬಿಲ್‌ (ಮಂಗಟ್ಟೆ) ಪಕ್ಷಿಗಳು ಆಹಾರಕ್ಕಾಗಿ ಹುಡುಕಾಟ ನಡೆಸುತ್ತ ಹಾವೇರಿಯ ಮುರುಘರಾಜೇಂದ್ರನಗರದ ಪ್ರವೀಣ ಪಾಟೀಲ ಎಂಬುವರ ಮನೆಯ ಆವರಣದಲ್ಲಿ ಆಗಮಿಸಿದ್ದು, ಪಕ್ಷಿ ಪ್ರೇಮಿಗಳಿಗೆ ಸಂತಸ ತಂದಿದೆ.

ಇವು ಹೆಚ್ಚಾಗಿ ಹಸಿರು ಪ್ರದೇಶವಿರುವ ತೋಟ, ಕಾನನಗಳಲ್ಲಿ ಕಂಡುಬರುತ್ತವೆ. ಭಾರತೀಯ ಬೂದು ಮಂಗಟ್ಟೆ ಅಥವಾ ಭಾರತೀಯ ಬೂದು ಹಾರ್ನ್‌ಬಿಲ್‌ (ಓಸಿಸೆರಾಸ್‌ ಬಿರೋಸ್ಟ್ರಿಸ್‌) ಪಕ್ಷಿಯು ಭಾರತೀಯ ಉಪಖಂಡದಲ್ಲಿ ಕಂಡುಬರುವ ಸಾಧಾರಣ ಪಕ್ಷಿಯಾಗಿದೆ.

ಇವು ಬಹುತೇಕವಾಗಿ ವೃಕ್ಷ ನಿವಾಸಿಯಾಗಿದ್ದು, ಸಾಧಾರಣವಾಗಿ ಜೋಡಿಗಳಾಗಿ ಕಂಡುಬರುತ್ತವೆ. ಅವುಗಳ ದೇಹದಾದ್ಯಂತ ಬೂದು ಬಣ್ಣದ ಗರಿಗಳನ್ನು ಹೊಂದಿರುವುದಲ್ಲದೇ ನಸು ಬೂದು ಬಣ್ಣದ ಅಥವಾ ಮಬ್ಬು ಬಿಳಿ ಬಣ್ಣದ ಉದರಭಾಗವನ್ನು ಹೊಂದಿರುತ್ತವೆ.