ಹಾವೇರಿ: ಜಿಲ್ಲಾ ಆಸ್ಪತ್ರೆ ಸೇರಿದಂತೆ ಜಿಲ್ಲೆಯಲ್ಲಿ ಒಟ್ಟು 119 ಆಸ್ಪತ್ರೆಗಳು ಇದ್ದರೂ ಬಹುತೇಕ ಕಡೆ ವೈದ್ಯರು ಮತ್ತು ಸಿಬ್ಬಂದಿ ಕೊರತೆ ಕಾಡುತ್ತಿದೆ.
6 ತಾಲೂಕು ಆಸ್ಪತ್ರೆ, 5 ಸಮುದಾಯ ಆರೋಗ್ಯ ಕೇಂದ್ರ, 67 ಪ್ರಾಥಮಿಕ ಆರೋಗ್ಯ ಕೇಂದ್ರ, ರಾಷ್ಟ್ರೀಯ ಆರೋಗ್ಯ ಮಿಷನ್ ಯೋಜನೆಯಡಿ ರಾಣೇಬೆನ್ನೂರಲ್ಲಿ 2, ಸವಣೂರ ಹಾಗೂ ಹಾವೇರಿಯಲ್ಲಿ ತಲಾ 1 ರಂತೆ ಒಟ್ಟು 4 ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಸೇವೆ ಒದಗಿಸುತ್ತಿವೆ. 24/7 ಚಿಕಿತ್ಸೆ ಒದಗಿಸುವ 37 ಆಸ್ಪತ್ರೆಗಳಿವೆ.
ವೈದ್ಯರ ಕೊರತೆ : ಜಿಲ್ಲಾದ್ಯಂತ ಆಸ್ಪತ್ರೆಗಳಲ್ಲಿ ಎಂಬಿಬಿಎಸ್ ವೈದ್ಯರ ಕೊರತೆ ಇದೆ. ಆಯುಷ್ಯ ವೈದ್ಯರನ್ನೇ ಗುತ್ತಿಗೆ ಆಧಾರದಲ್ಲಿ ನೇಮಕ ಮಾಡಿದ್ದಾರೆ. ಗುತ್ತಿಗೆ ಆಧಾರದ ಮೇಲೆ ವೈದ್ಯರ ಮತ್ತು ಗ್ರೂಪ್ ಡಿ ಸಿಬ್ಬಂದಿ ನೇಮಕ ಮಾಡಿಕೊಂಡಿದ್ದರೂ ಶುಶ್ರೂಷಕರನ್ನು ಗುತ್ತಿಗೆ ಆಧಾರದ ಮೇಲೆ ನೇಮಕ ಮಾಡಿಕೊಳ್ಳಲು ಸಾಧ್ಯವಿಲ್ಲದ ಕಾರಣಕ್ಕೆ ಕೆಲ ಆಸ್ಪತ್ರೆಗಳಲ್ಲಿ ಅಟೆಂಡರ್ಗಳೇ ಶುಶ್ರೂಷಕರ ಕೆಲಸ ಮಾಡುವ ದೃಶ್ಯಗಳು ಕಂಡುಬಂದಿವೆ.
ಸಿಬ್ಬಂದಿ ಕೊರತೆ : ಜಿಲ್ಲಾಸ್ಪತ್ರೆ ಹೊರತುಪಡಿಸಿ ಇನ್ನುಳಿದ 118 ಆಸ್ಪತ್ರೆಗಳಿಗೆ ಒಟ್ಟು ಮಂಜೂರಿಯಾಗಿರುವ 1563 ವಿವಿಧ ಹುದ್ದೆಗಳ ಪೈಕಿ 791 ಭರ್ತಿಯಾಗಿವೆ. 772 ಹುದ್ದೆಗಳು ಖಾಲಿ ಇವೆ. ಈ ಪೈಕಿ ಪ್ರಮುಖವಾಗಿ ಗ್ರುಪ್ ಡಿ 311, ಶುಶ್ರೂಷಕರು (100), ಕಿರಿಯ ಆರೋಗ್ಯ ಸಹಾಯಕರು (97), ಕಿರಿಯ ಮಹಿಳಾ ಆರೋಗ್ಯ ಸಹಾಯಕರು (78), ಪಿಎಚ್ಸಿ.ಗಳಲ್ಲಿ (38) ವೈದ್ಯಾಧಿಕಾರಿ, ತಜ್ಞ ವೈದ್ಯರು (39), ಹಿರಿಯ ಮಹಿಳಾ ಆರೋಗ್ಯ ಸಹಾಯಕರು (24) ಹುದ್ದೆಗಳು ಖಾಲಿ ಇವೆ. ಈ ಪ್ರಮುಖ ಹುದ್ದೆಗಳ ಕೊರತೆ ಕಾರಣಕ್ಕೆ ತ್ವರಿತ ಸೇವೆ ಒದಗಿಸಲು ಸಾಧ್ಯವಾಗುತ್ತಿಲ್ಲ.
ಜಿಲ್ಲಾ ಆಸ್ಪತ್ರೆ : ರಾಷ್ಟ್ರೀಯ ಹೆದ್ದಾರಿ ಮೇಲಿರುವ ಕಾರಣಕ್ಕೆ ಜಿಲ್ಲಾ ಆಸ್ಪತ್ರೆಗೆ ಟ್ರಾಮಾ ಸೆಂಟರ್ (ತುರ್ತು ಚಿಕಿತ್ಸಾ ಘಟಕ) ಸೌಲಭ್ಯ ಲಭ್ಯವಿದೆ. ಆದರೆ ಇಲ್ಲಿ ಕೆಲಸ ನಿರ್ವಹಿಸಬೇಕಿರುವ ಜನರಲ್ ಡ್ಯೂಟಿ ವೈದ್ಯ(ಎಂಬಿಬಿಎಸ್)ರ 20 ಹುದ್ದೆಗಳು ಖಾಲಿ ಇವೆ. ಈ ಕೆಲಸವನ್ನು ತಜ್ಞ ವೈದ್ಯರೇ ನಿರ್ವಹಿಸುವಂತಾಗಿದೆ.
ಒಟ್ಟು ಮಂಜೂರಿಯಾಗಿರುವ 68 ವೈದ್ಯರ ಹುದ್ದೆಗಳ ಪೈಕಿ 36 ಭರ್ತಿಯಾಗಿ 32 ಖಾಲಿ ಇವೆ ಈ ಪೈಕಿ 12 ತಜ್ಞ ವೈದ್ಯರ ಕೊರತೆ ಇದೆ. ಗ್ರೂಪ್ ಬಿ ವಿಭಾಗದಲ್ಲಿ 182 ಹುದ್ದೆಗಳು ಮಂಜೂರಿಯಾಗಿದ್ದರೂ 122 ಹುದ್ದೆಗಳು ಖಾಲಿ ಇವೆ. ಕೇವಲ 61 ಸಿಬ್ಬಂದಿ ಸೇವೆ ಒದಗಿಸುತ್ತಿದ್ದಾರೆ. ಸ್ಟ್ಯಾಫ್ ನರ್ಸ್ 95 ಹುದ್ದೆಗಳ ಪೈಕಿ 65 ಖಾಲಿ ಇವೆ. ಐಸಿಯು, ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆ, ಅಪೌಷ್ಟಿಕತೆ ವಿಭಾಗ, ಶಿಶು ತೀವ್ರ ನಿಗಾ ಘಟಕ, ಡಯಾಲಸಿಸ್ ಘಟಕಗಳು ಅಗತ್ಯ ಇಕ್ಯೂಪ್ಮೆಂಟ್ ಇದ್ದರೂ ಇವುಗಳನ್ನು ಬಳಸುವ ತಂತ್ರಜ್ಞರ ಹುದ್ದೆಗಳು ಖಾಲಿ ಇವೆ. ಇವುಗಳಿಗೆ ಹೊರಗುತ್ತಿಗೆ ಆಧಾರದ ಮೇಲೆ ನೇಮಕಾತಿ ಮಾಡಿಕೊಳ್ಳಲು ಆಗದಿರುವ ಕಾರಣದಿಂದಾಗಿ ಸೌಲಭ್ಯಗಳಿದ್ದರೂ ಜನತೆಗೆ ಸೇವೆ ಒದಗಿಸಲು ಸಾಧ್ಯವಾಗದ ಪರಿಸ್ಥಿತಿ ಇಲ್ಲಿದೆ.
400 ಹಾಸಿಗೆ : ಹೆಸರಿಗೆ 400 ಹಾಸಿಗೆ ಸೌಲಭ್ಯ ಒಳಗೊಂಡಿರುವ ಜಿಲ್ಲಾ ಆಸ್ಪತ್ರೆಯಲ್ಲಿ ಕೇವಲ 300 ರಿಂದ 320 ರೋಗಿಗಳ ಸೌಲಭ್ಯ ಒದಗಿಸಲು ಮಾತ್ರ ಸಾಧ್ಯವಾಗಿದೆ. ಹೆಚ್ಚುವರಿ ಬೆಡ್ ಒದಗಿಸಲು ಕಟ್ಟಡ ಅಗತ್ಯವಿದೆ. ಮೇಲಂತಸ್ತು ಕಟ್ಟಡ ನಿರ್ಮಾಣಕ್ಕೆ ಸರಕಾರಕ್ಕೆ ಪ್ರಸ್ತಾವನೆ ಸಲ್ಲಿಕೆಯಾಗಿದೆ.
ಬಾಡಿಗೆ ಕಟ್ಟಡ : ಹಿರೇಕೇರೂರ ತಾಲೂಕ ಕುಡಪಲಿ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಸ್ವಂತ ಕಟ್ಟಡ ಇಲ್ಲದ ಕಾರಣಕ್ಕೆ ಖಾಸಗಿ ವಸತಿ ನಿಲಯದ ಕಟ್ಟಡದಲ್ಲೇ ಸದ್ಯಕ್ಕೆ ಚಿಕಿತ್ಸಾ ಸೇವಾ ಸೌಲಭ್ಯ ಒದಗಿಸಲಾಗುತ್ತಿದ್ದು ಸ್ವಂತ ಕಟ್ಟಡ ನಿರ್ಮಾಣ ಕಾರ್ಯ ನಡೆದಿದೆ.
6 ತಾಲೂಕು ಆಸ್ಪತ್ರೆ, 5 ಸಮುದಾಯ ಆರೋಗ್ಯ ಕೇಂದ್ರ, 67 ಪ್ರಾಥಮಿಕ ಆರೋಗ್ಯ ಕೇಂದ್ರ, ರಾಷ್ಟ್ರೀಯ ಆರೋಗ್ಯ ಮಿಷನ್ ಯೋಜನೆಯಡಿ ರಾಣೇಬೆನ್ನೂರಲ್ಲಿ 2, ಸವಣೂರ ಹಾಗೂ ಹಾವೇರಿಯಲ್ಲಿ ತಲಾ 1 ರಂತೆ ಒಟ್ಟು 4 ನಗರ ಪ್ರಾಥಮಿಕ ಆರೋಗ್ಯ ಕೇಂದ್ರಗಳು ಸೇವೆ ಒದಗಿಸುತ್ತಿವೆ. 24/7 ಚಿಕಿತ್ಸೆ ಒದಗಿಸುವ 37 ಆಸ್ಪತ್ರೆಗಳಿವೆ.
ವೈದ್ಯರ ಕೊರತೆ : ಜಿಲ್ಲಾದ್ಯಂತ ಆಸ್ಪತ್ರೆಗಳಲ್ಲಿ ಎಂಬಿಬಿಎಸ್ ವೈದ್ಯರ ಕೊರತೆ ಇದೆ. ಆಯುಷ್ಯ ವೈದ್ಯರನ್ನೇ ಗುತ್ತಿಗೆ ಆಧಾರದಲ್ಲಿ ನೇಮಕ ಮಾಡಿದ್ದಾರೆ. ಗುತ್ತಿಗೆ ಆಧಾರದ ಮೇಲೆ ವೈದ್ಯರ ಮತ್ತು ಗ್ರೂಪ್ ಡಿ ಸಿಬ್ಬಂದಿ ನೇಮಕ ಮಾಡಿಕೊಂಡಿದ್ದರೂ ಶುಶ್ರೂಷಕರನ್ನು ಗುತ್ತಿಗೆ ಆಧಾರದ ಮೇಲೆ ನೇಮಕ ಮಾಡಿಕೊಳ್ಳಲು ಸಾಧ್ಯವಿಲ್ಲದ ಕಾರಣಕ್ಕೆ ಕೆಲ ಆಸ್ಪತ್ರೆಗಳಲ್ಲಿ ಅಟೆಂಡರ್ಗಳೇ ಶುಶ್ರೂಷಕರ ಕೆಲಸ ಮಾಡುವ ದೃಶ್ಯಗಳು ಕಂಡುಬಂದಿವೆ.
ಸಿಬ್ಬಂದಿ ಕೊರತೆ : ಜಿಲ್ಲಾಸ್ಪತ್ರೆ ಹೊರತುಪಡಿಸಿ ಇನ್ನುಳಿದ 118 ಆಸ್ಪತ್ರೆಗಳಿಗೆ ಒಟ್ಟು ಮಂಜೂರಿಯಾಗಿರುವ 1563 ವಿವಿಧ ಹುದ್ದೆಗಳ ಪೈಕಿ 791 ಭರ್ತಿಯಾಗಿವೆ. 772 ಹುದ್ದೆಗಳು ಖಾಲಿ ಇವೆ. ಈ ಪೈಕಿ ಪ್ರಮುಖವಾಗಿ ಗ್ರುಪ್ ಡಿ 311, ಶುಶ್ರೂಷಕರು (100), ಕಿರಿಯ ಆರೋಗ್ಯ ಸಹಾಯಕರು (97), ಕಿರಿಯ ಮಹಿಳಾ ಆರೋಗ್ಯ ಸಹಾಯಕರು (78), ಪಿಎಚ್ಸಿ.ಗಳಲ್ಲಿ (38) ವೈದ್ಯಾಧಿಕಾರಿ, ತಜ್ಞ ವೈದ್ಯರು (39), ಹಿರಿಯ ಮಹಿಳಾ ಆರೋಗ್ಯ ಸಹಾಯಕರು (24) ಹುದ್ದೆಗಳು ಖಾಲಿ ಇವೆ. ಈ ಪ್ರಮುಖ ಹುದ್ದೆಗಳ ಕೊರತೆ ಕಾರಣಕ್ಕೆ ತ್ವರಿತ ಸೇವೆ ಒದಗಿಸಲು ಸಾಧ್ಯವಾಗುತ್ತಿಲ್ಲ.
ಜಿಲ್ಲಾ ಆಸ್ಪತ್ರೆ : ರಾಷ್ಟ್ರೀಯ ಹೆದ್ದಾರಿ ಮೇಲಿರುವ ಕಾರಣಕ್ಕೆ ಜಿಲ್ಲಾ ಆಸ್ಪತ್ರೆಗೆ ಟ್ರಾಮಾ ಸೆಂಟರ್ (ತುರ್ತು ಚಿಕಿತ್ಸಾ ಘಟಕ) ಸೌಲಭ್ಯ ಲಭ್ಯವಿದೆ. ಆದರೆ ಇಲ್ಲಿ ಕೆಲಸ ನಿರ್ವಹಿಸಬೇಕಿರುವ ಜನರಲ್ ಡ್ಯೂಟಿ ವೈದ್ಯ(ಎಂಬಿಬಿಎಸ್)ರ 20 ಹುದ್ದೆಗಳು ಖಾಲಿ ಇವೆ. ಈ ಕೆಲಸವನ್ನು ತಜ್ಞ ವೈದ್ಯರೇ ನಿರ್ವಹಿಸುವಂತಾಗಿದೆ.
ಒಟ್ಟು ಮಂಜೂರಿಯಾಗಿರುವ 68 ವೈದ್ಯರ ಹುದ್ದೆಗಳ ಪೈಕಿ 36 ಭರ್ತಿಯಾಗಿ 32 ಖಾಲಿ ಇವೆ ಈ ಪೈಕಿ 12 ತಜ್ಞ ವೈದ್ಯರ ಕೊರತೆ ಇದೆ. ಗ್ರೂಪ್ ಬಿ ವಿಭಾಗದಲ್ಲಿ 182 ಹುದ್ದೆಗಳು ಮಂಜೂರಿಯಾಗಿದ್ದರೂ 122 ಹುದ್ದೆಗಳು ಖಾಲಿ ಇವೆ. ಕೇವಲ 61 ಸಿಬ್ಬಂದಿ ಸೇವೆ ಒದಗಿಸುತ್ತಿದ್ದಾರೆ. ಸ್ಟ್ಯಾಫ್ ನರ್ಸ್ 95 ಹುದ್ದೆಗಳ ಪೈಕಿ 65 ಖಾಲಿ ಇವೆ. ಐಸಿಯು, ಮಹಿಳಾ ಮತ್ತು ಮಕ್ಕಳ ಆಸ್ಪತ್ರೆ, ಅಪೌಷ್ಟಿಕತೆ ವಿಭಾಗ, ಶಿಶು ತೀವ್ರ ನಿಗಾ ಘಟಕ, ಡಯಾಲಸಿಸ್ ಘಟಕಗಳು ಅಗತ್ಯ ಇಕ್ಯೂಪ್ಮೆಂಟ್ ಇದ್ದರೂ ಇವುಗಳನ್ನು ಬಳಸುವ ತಂತ್ರಜ್ಞರ ಹುದ್ದೆಗಳು ಖಾಲಿ ಇವೆ. ಇವುಗಳಿಗೆ ಹೊರಗುತ್ತಿಗೆ ಆಧಾರದ ಮೇಲೆ ನೇಮಕಾತಿ ಮಾಡಿಕೊಳ್ಳಲು ಆಗದಿರುವ ಕಾರಣದಿಂದಾಗಿ ಸೌಲಭ್ಯಗಳಿದ್ದರೂ ಜನತೆಗೆ ಸೇವೆ ಒದಗಿಸಲು ಸಾಧ್ಯವಾಗದ ಪರಿಸ್ಥಿತಿ ಇಲ್ಲಿದೆ.
400 ಹಾಸಿಗೆ : ಹೆಸರಿಗೆ 400 ಹಾಸಿಗೆ ಸೌಲಭ್ಯ ಒಳಗೊಂಡಿರುವ ಜಿಲ್ಲಾ ಆಸ್ಪತ್ರೆಯಲ್ಲಿ ಕೇವಲ 300 ರಿಂದ 320 ರೋಗಿಗಳ ಸೌಲಭ್ಯ ಒದಗಿಸಲು ಮಾತ್ರ ಸಾಧ್ಯವಾಗಿದೆ. ಹೆಚ್ಚುವರಿ ಬೆಡ್ ಒದಗಿಸಲು ಕಟ್ಟಡ ಅಗತ್ಯವಿದೆ. ಮೇಲಂತಸ್ತು ಕಟ್ಟಡ ನಿರ್ಮಾಣಕ್ಕೆ ಸರಕಾರಕ್ಕೆ ಪ್ರಸ್ತಾವನೆ ಸಲ್ಲಿಕೆಯಾಗಿದೆ.
ಬಾಡಿಗೆ ಕಟ್ಟಡ : ಹಿರೇಕೇರೂರ ತಾಲೂಕ ಕುಡಪಲಿ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಸ್ವಂತ ಕಟ್ಟಡ ಇಲ್ಲದ ಕಾರಣಕ್ಕೆ ಖಾಸಗಿ ವಸತಿ ನಿಲಯದ ಕಟ್ಟಡದಲ್ಲೇ ಸದ್ಯಕ್ಕೆ ಚಿಕಿತ್ಸಾ ಸೇವಾ ಸೌಲಭ್ಯ ಒದಗಿಸಲಾಗುತ್ತಿದ್ದು ಸ್ವಂತ ಕಟ್ಟಡ ನಿರ್ಮಾಣ ಕಾರ್ಯ ನಡೆದಿದೆ.