ಅಕ್ರಮ ಸಾಗುವಳಿ ಮಾಡುವವರು ವಿರುದ್ಧ ಕ್ರಮಕ್ಕೆ ಆಗ್ರಹ

ಹಾವೇರಿ : ಸರಕಾರಿ ಭೂಮಿಯಲ್ಲಿಅಕ್ರಮವಾಗಿ ಸಾಗುವಳಿ ಮಾಡಲು ಪ್ರಯತ್ನಿಸುತ್ತಿರುವರ ವಿರುದ್ಧ ಸೂಕ್ತ ಕಾನೂನು ಕ್ರಮ ಜರುಗಿಸುವಂತೆ ಆಗ್ರಹಿಸಿ ತಾಲೂಕಿನ ಹೊಸರಿತ್ತಿ ಸೇರಿದಂತೆ ಸುತ್ತಲಿನ ಗ್ರಾಮಸ್ಥರು ಜಿಲ್ಲಾಧಿಕಾರಿ ಕೃಷ್ಣ ಬಾಜಪೇಯಿ ಅವರಿಗೆ ಮನವಿ ಸಲ್ಲಿಸಿದರು.

ಹೊಸರಿತ್ತಿ ಹಾಗೂ ಬೊಮ್ಮನಕಟ್ಟಿ ರಸ್ತೆಗೆ ಹೊಂದಿಕೊಂಡಿರುವ ಸರ್ವೆ ನಂ. 98/11 ರಲ್ಲಿಇವರು ನೂರಾರು ಎಕರೆ ಸರಕಾರಿ ಭೂಮಿಯಲ್ಲಿಅಕ್ರಮವಾಗಿ ಸಾಗುವಳಿಗೆ ಕೆಲವರು ಪ್ರಯತ್ನಿಸುತ್ತಿದ್ದಾರೆ. ಈ ಕುರಿತು ಅಧಿಕಾರಿಗಳ ಗಮನ ಸಹ ಸೆಳೆಯಲಾಗಿದೆ. ಸಾರ್ವಜನಿಕರಿಗೆ ಶಿಕ್ಷಣ, ಉದ್ಯೋಗ, ವಸತಿ ಸೇರಿದಂತೆ ಇನ್ನಿತರ ಸೌಲಭ್ಯ ಒದಗಿಸಲು ಸರಕಾರ ಬಳಕೆ ಮಾಡಬಹುದಾದ ಭೂಮಿಯಲ್ಲಿಸಾಗುವಳಿ ಅಪರಾಧ ಎಂದು ಅರಿವಿದ್ದರೂ ಕೆಲವರು ಅಕ್ರಮ ಸಾಗುವಳಿಗೆ ಪ್ರಯತ್ನಿಸುತ್ತಿದ್ದಾರೆ. ಕೂಡಲೇ ಸೂಕ್ತ ವಿಚಾರಣೆ ನಡೆಸಿ, ಕಾನೂನು ಕ್ರಮ ಜರುಗಿಸುವಂತೆ ಮನವಿಯಲ್ಲಿಗ್ರಾಮಸ್ಥರು ಒತ್ತಾಯಿಸಿದ್ದಾರೆ.

ಜಿಲ್ಲಾಉಸ್ತುವಾರಿ ಸಚಿವ ಬಸವರಾಜ ಬೊಮ್ಮಾಯಿ, ಸಂಸದ ಶಿವಕುಮಾರ ಉದಾಸಿ, ಶಾಸಕ ನೆಹರೂ ಓಲೇಕಾರ ಅವರಿಗೂ ಗ್ರಾಮಸ್ಥರು ಮನವಿ ಸಲ್ಲಿಸಿದ್ದಾರೆ. ಕೆ.ಸಿ.ಕೋರಿ, ಐ.ಜಿ.ಕೋರಿ, ಚನ್ನವೀರಯ್ಯ ಹಾವೇರಿಮಠ, ಪರಸಪ್ಪ ಚಂದ್ರಗಿರಿ, ಫಕ್ಕೀರಪ್ಪ ಚನ್ನಣ್ಣನವರ, ಗಂಗಣ್ಣ ಕಟ್ಟಿ, ಮುರುಗೇಶ್‌ ಅಂಗಡಿ, ಅನುಪ ಜಂಗಳಿ, ವಿಜಯಲಕ್ಷಿತ್ರ್ಮೕ ಪಾಟೀಲ, ನಿರ್ಮಲಾ ಹಿರೇಮಠ, ಶಾರದಾ ಅಳ್ಳಕೇರಿ ಇದ್ದರು.