ಅನ್ಯರ ಖಾತೆಗೆ ಜಮೆಯಾದ ಕಿಸಾನ್‌ ಹಣ

ಬ್ಯಾಡಗಿ: ಪ್ರಧಾನಮಂತ್ರಿ ಕಿಸಾನ್‌ ಯೋಜನೆಯಡಿ ಬ್ಯಾಡಗಿ ಫಲಾನುಭವಿ ರೈತನ ಖಾತೆಗೆ ಜಮಾ ಆಗಬೇಕಾಗಿದ್ದ ಹಣ ಯಾದಗಿರಿ ಜಿಲ್ಲೆಯ ವ್ಯಕ್ತಿಯೊಬ್ಬರ ಖಾತೆ ಜಮಾ ಆಗಿರುವ ಪ್ರಕರಣ ಬೆಳಕಿಗೆ ಬಂದಿದೆ.

ಪ್ರಧಾನಮಂತ್ರಿ ಕಿಸಾನ್‌ ಯೋಜನೆಯಡಿ (2 ಸಾವಿರ ರೂ.) ಮೊದಲ ಕಂತನ್ನು ನೀಡುವಂತೆ ಪಟ್ಟಣದ ರೈತ ಚನ್ನಬಸಪ್ಪ ಮೋಟೆಬೆನ್ನೂರ ಫೆ.24 ರಂದು ಕೃಷಿಭೂಮಿ ಪಹಣಿ, ಆಧಾರ್‌ ನಂಬರ್‌, ಬ್ಯಾಂಕ್‌ ಪಾಸ್‌ಬುಕ್‌ ಹಾಗೂ ಮೊಬೈಲ್‌ ಸಂಖ್ಯೆಯನ್ನು ಅರ್ಜಿಯೊಂದಿಗೆ ಸಲ್ಲಿಸಿದ್ದಾರೆ. ಜೂ.6 ರಂದು ಅರ್ಜಿ ಸಿಂಧುವಾಗಿದ್ದು, ಹಣ ಬ್ಯಾಡಗಿ ಪಟ್ಟಣದ ಸಿಂಡಿಕೇಟ್‌ ಬ್ಯಾಂಕ್‌ ಖಾತೆಗೆ ವರ್ಗಾವಣೆಯಾಗಬೇಕಾಗಿತ್ತು. ಆದರೆ ಯಾದಗಿರಿ ಜಿಲ್ಲೆಯ ಖಾನಾಪೂರದ ರೈತರೊಬ್ಬರ ಖಾತೆಗೆ ವರ್ಗಾವಣೆಯಾಗಿದೆ.

ರೈತ ಕಂಗಾಲು: ಇದರಿಂದ ಕಂಗಾಲಾಗಿರುವ ಫಲನುಭವಿ ರೈತ ಬ್ಯಾಡಗಿ ಸಿಂಡಿಕೇಟ್‌ ಬ್ಯಾಂಕ್‌ಗೆ ಅಲೆದಾಡಿ ಸುಸ್ತಾಗಿದ್ದಾನೆ. ತನಗೆ ಸೇರಬೇಕಾಗಿದ್ದ ಹಣ ಬೇರೊಬ್ಬರ ಖಾತೆಗೆ ಜಮಾ ಆದ ಬಗ್ಗೆ 2 ತಿಂಗಳ ಬಳಿಕ ತಿಳಿದಿದೆ. ಇಷ್ಟೆಲ್ಲಾಅವಾಂತರಕ್ಕೆ ಕಾರಣವಾಗಿರುವ ಕೃಷಿ ಇಲಾಖೆಗೆ ಆಗಿರುವ ತಪ್ಪನ್ನು ಸರಿಪಡಿಸುವಂತೆ ಕಳೆದೊಂದು ತಿಂಗಳಿಂದ ರೈತ ಕಚೇರಿಗೆ ಅಲೆದಾಡುತ್ತಿದ್ದರೂ ಅಧಿಕಾರಿಗಳ ನಿರ್ಲಕ್ಷತ್ರ್ಯ ಮಾಡುತ್ತಿದ್ದು, ರೈತ ಪರದಾಡುತ್ತಿದ್ದಾನೆ.