ಕೋರ್ಟ್‌ ಆವರಣದಲ್ಲಿಯೇ ನ್ಯಾಯವಾದಿ ಸಾವು

ರಾಣೇಬೆನ್ನೂರ: ನಗರದಲ್ಲಿನ್ಯಾಯವಾದಿಯೊಬ್ಬರು ಬುಧವಾರ ಕೋರ್ಟ್‌ ಕಲಾಪದ ಅವಧಿಯಲ್ಲಿಯೇ ನ್ಯಾಯಾಲಯದ ಆವರಣದಲ್ಲಿಕುಸಿದು ಬಿದ್ದು ಹೃದಯಾಘಾತದಿಂದ ಮೃತಪಟ್ಟಿದ್ದಾರೆ.

ಇಲ್ಲಿನ ವಿದ್ಯಾನಗರದ ನಿವಾಸಿ ಸುಧಾಮ ಹೂಲಿಹಳ್ಳಿ (64) ಮೃತರು.

ಸುಧಾಮ ಅವರು ಎಂದಿನಂತೆ ನ್ಯಾಯಾಲಯ ಸಂರ್ಕೀಣಕ್ಕೆ ಆಗಮಿಸಿ ಒಂದನೇ ಹೆಚ್ಚುವರಿ ಹಿರಿಯ ದಿವಾಣಿ ನ್ಯಾಯಾಧೀಶರ ನ್ಯಾಯಾಲಯದಲ್ಲಿಕಕ್ಷಿದಾರರ ಪರವಾಗಿ ವಕಾಲತು ಮಾಡಿ ಹೊರ ಬರುತ್ತಿರುವಾಗ ದಿಢೀರನೆ ಕುಸಿದುಬಿದ್ದರು. ಕೂಡಲೇ ಅವರನ್ನು ನಗರದ ಖಾಸಗಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಲಾಯಿತು. ಅವರನ್ನು ಪರೀಕ್ಷಿಸಿದ ವೈದ್ಯರು ಮೃತಪಟ್ಟಿರುವುದನ್ನು ಖಚಿತಪಡಿಸಿದರು.

ಮೃತರು ಸೇನೆಯಲ್ಲಿಕೆಲ ವರ್ಷ ಸೇವೆ ಸಲ್ಲಿಸಿ ನಂತರ ಭಾರತೀಯ ಜೀವ ವಿಮಾ ನಿಗಮದಲ್ಲಿಕಾರ್ಯ ನಿರ್ವಹಿಸಿ ನಿವೃತ್ತಿ ಹೊಂದಿದ್ದರು. ಒಂದು ವರ್ಷದ ಹಿಂದೆಯಷ್ಟೇ ವಕೀಲಿ ವೃತ್ತಿ ಪ್ರಾರಂಭಿಸಿದ್ದರು. ಮೃತರಿಗೆ ಪತ್ನಿ, ಪುತ್ರ, ಪುತ್ರಿ ಇದ್ದಾರೆ.