'ಹಸು'ಗೂಸಿನ ಹಿಂಬಾಲಿಸಿದ ತಾಯಿ 'ಕರು'ಳು!

ಹಾವೇರಿ: ಇದು ಕಲಿಯುಗದ ಕಾಮಧೇನುವಿನ ಮನಮಿಡಿಯುವ ಘಟನೆ. ಗಾಯದ ಸಮಸ್ಯೆಯಿಂದ ನಿತ್ರಾಣಗೊಂಡು ಬಳಲುತ್ತಿದ್ದ ಕರುವನ್ನು ಪಶು ಆಸ್ಪತ್ರೆಗೆ ಸಾಗಿಸುತ್ತಿದ್ದ ಸಂದರ್ಭದಲ್ಲಿ ತಾಯಿ ಹಸು ವಾಹನದ ಹಿಂದೆಯೇ ಓಡೋಡಿ ಬಂದಿರುವ ಘಟನೆ ಎಲ್ಲರ ಮನಕಲಕುವಂತಿತ್ತು.

ನಗರದ ಜೆಪಿ ವೃತ್ತದ ಬಳಿಯ ಬೀದಿ ಹಸುವಿನ ಕರುವೊಂದು ಅನಾರೋಗ್ಯದಿಂದ ಬಳಲುತ್ತಿತ್ತು. ತೀವ್ರ ಅಸ್ವಸ್ಥವಾಗಿದ್ದ ಕರುವನ್ನು ಸ್ಥಳೀಯರು ಪಶು ಆಸ್ಪತ್ರೆಗೆ ಕರೆದುಕೊಂಡು ಹೋಗುತ್ತಿದ್ದರು. ತನ್ನ ಮುದ್ದು ಮರಿಯನ್ನು ಯಾರೋ ಕರೆದುಕೊಂಡು ಹೋಗುತ್ತಿದ್ದಾರೆಂದು ತಾಯಿ ಹಸು ಕೂಡ ವಾಹನದ ಹಿಂದೆಯೇ ಒಡಿ ಹೋಗಿದೆ.

ಕರುವಿನ ಚಿಕಿತ್ಸೆ ಮುಗಿಯುವವರೆಗೂ ತಾಯಿ ಹಸು ಆಸ್ಪತ್ರೆಯ ಮುಂದೆಯೇ ಕಣ್ಣೀರು ಸುರಿಸುತ್ತಾ ಕಾದು ನಿಂತ್ತಿತ್ತು. ಚಿಕಿತ್ಸೆ ಬಳಿಕ ಕರುಳು ಬಳ್ಳಿಯನ್ನು ತಾಯಿ ಹಸು ಮುದ್ದಾಡಿದ್ದು ಎಂಥವರ ಕಣ್ಣನ್ನು ಒದ್ದೆ ಮಾಡುವಂತಿತ್ತು. ಸದ್ಯ ಮುದ್ದು ಕರು ಗಣಮುಖವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ.