ಕಾರ್ಡ್‌ ಪಡೆಯಲು ಸೂಚನೆ

ಹಾವೇರಿ: ಪ್ರಸಕ್ತ 2019-20 ನೇ ಸಾಲಿನ ಕೃಷಿ ಇಲಾಖೆಯಿಂದ ಬಿತ್ತನೆ ಬೀಜ, ಕೀಟನಾಶಕ, ಲಘು ಪೋಷಕಾಂಶ ಇತ್ಯಾದಿ ಕೃಷಿ ಪರಿಕರಗಳನ್ನು ರಿಯಾಯತಿ ದರದಲ್ಲಿ ಪಡೆದುಕೊಳ್ಳಲು ರೈತರು 'ಫ್ರೂಟ್ಸ್‌' ಎಂಬ ಆನ್‌ ಲೈನ್‌ ತಂತ್ರಾಂಶದಲ್ಲಿ ತಮ್ಮ ಮೂಲ ದಾಖಲಾತಿಗಳೊಂದಿಗೆ ನೋಂದಾಯಿಸಿ ಕಾರ್ಡ್‌ ಪಡೆದುಕೊಳ್ಳಬೇಕು.

ಎಲ್ಲ ಕೃಷಿ ಇಲಾಖೆಯ ವ್ಯವಹಾರಗಳಿಗೆ ಈ ಕಾರ್ಡ್‌ ಕಡ್ಡಾಯವಾಗಿರುತ್ತದೆ. ಆದ್ದರಿಂದ ಯಾವುದೇ ರೈತರು ತಪ್ಪದೇ ತಮ್ಮ ಮೂಲ ರೈತರ ಅರ್ಜಿ, 2 ಪಾಸ್‌ ಪೋರ್ಟ್‌ ಸೈಜ್‌ ಫೋಟೋ, ಚಾಲ್ತಿ ಪಹಣಿ, ಆಧಾರ ಕಾರ್ಡ್‌, ವೋಟರ್‌ ಐಡಿ ಕಾರ್ಡ್‌ ಝರಾಕ್ಸ್‌, ಬ್ಯಾಂಕ್‌ ಪಾಸ್‌ ಬುಕ್‌ ಝರಾಕ್ಸ್‌, ಜಾತಿ ಪ್ರಮಾಣ ಪತ್ರ (ಎಸ್‌ಸಿ/ಎಸ್‌ಟಿ ರೈತರಿಗೆ ಮಾತ್ರ)ದಾಖಲಾತಿಗಳೊಂದಿಗೆ ಈ ಕೂಡಲೇ ನೋಂದಣಿ ಮಾಡಿ ನೇರವಾಗಿ ಸೌಲಭ್ಯ ಪಡೆಯಬಹುದು ಎಂದು ಸವಣೂರ ಸಹಾಯಕ ಕೃಷಿ ನಿರ್ದೇಶಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಹೆಚ್ಚಿನ ಮಾಹಿತಿಗೆ ಸಮೀಪದ ರೈತ ಸಂಪರ್ಕ ಕೇಂದ್ರ ಅಥವಾ ಸಹಾಯಕ ಕೃಷಿ ನಿರ್ದೇಶಕರನ್ನು ಮೊ.ನಂ: 8748990929, 8971613204, 8277931868, 8277931867, 8277931876ನ್ನು ಸಂಪರ್ಕಿಸಬಹುದು.