ಸಿದ್ದುಗೆ ಪ್ರತಿಪಕ್ಷ ನಾಯಕ ಸ್ಥಾನವೇ ಗತಿ

ಬ್ಯಾಡಗಿ: ''ಉಪ ಚುನಾವಣೆ ನಂತರ ಸರಕಾರ ಕೆಡವಬಹುದು ಎಂದು ಮಾಜಿ ಸಿಎಂ ಸಿದ್ದರಾಮಯ್ಯ ಹಗಲು ಕನಸು ಕಾಣುತ್ತಿದ್ದಾರೆ. ಆದರೆ ಮುಂದಿನ ಮೂರುವರೆ ವರ್ಷ ಅವರಿಗೆ ಪ್ರತಿಪಕ್ಷದ ನಾಯಕ ಸ್ಥಾನವೇ ಗತಿ'' ಎಂದು ಮುಖ್ಯಮಂತ್ರಿ ಯಡಿಯೂರಪ್ಪ ಹೇಳಿದರು.

ಮೊಟೆಬೆನ್ನೂರ ಗ್ರಾಮದ ಶಾಸಕ ವಿರೂಪಾಕ್ಷಪ್ಪ ಬಳ್ಳಾರಿ ಅವರ ಮನೆಯಲ್ಲಿಬೆಳಗಿನ ಉಪಾಹಾರ ಸೇವಿಸಿ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ''ಈಗಾಗಲೇ ಮೊದಲ ಸುತ್ತಿನ ಪ್ರಚಾರ ಮುಗಿಸಿದ್ದೇವೆ. ಎರಡನೇ ಸುತ್ತಿನ ಪ್ರಚಾರದಲ್ಲಿಬಿಜೆಪಿಗೆ ಜನಬೆಂಬಲ ಕಂಡು ಮೂಕವಿಸ್ಮಿತನಾಗಿದ್ದೇನೆ. ಯಾವುದೇ ಅನುಮಾನವಿಲ್ಲದೇ ಎಲ್ಲ15 ಕ್ಷೇತ್ರಗಳಲ್ಲಿಬಿಜೆಪಿ ಗೆಲವು ಸಾಧಿಲಿಸಲಿದೆ'' ಎಂದರು.

ಹುಚ್ಚುತನದ ಪರಮಾವಧಿ:
''ಆಡಳಿತಕ್ಕೆ ಬಂದ ದಿನದಿಂದಲೂ ಬಿಜೆಪಿ ಸರಕಾರದ ವಿರುದ್ಧ ಅಪಪ್ರಚಾರ ಮಾಡುವುದನ್ನೇ ಕಾಯಕ ಮಾಡಿಕೊಂಡಿರುವ ಜೆಡಿಎಸ್‌ ಹಾಗೂ ಕಾಂಗ್ರೆಸ್‌ ನಾಯಕರಿಗೆ ಚುನಾವಣೆಯಲ್ಲಿಜನರೇ ಉತ್ತರ ನೀಡಲಿದ್ದಾರೆ. ಸಮ್ಮಿಶ್ರ ಸರಕಾರದ ಜನ ವಿರೋಧಿ ಆಡಳಿತದಿಂದ ಬೇಸತ್ತು ಸ್ವಯಿಚ್ಛೆಯಿಂದ ರಾಜೀನಾಮೆ ನೀಡಿರುವ ಶಾಸಕರನ್ನು ಅನರ್ಹರು, ರಾಜೀನಾಮೆಗೆ ಬಿಜೆಪಿಯೆ ಕಾರಣ ಎಂದು ಬಿಂಬಿಸಿ ಮತ ಕೇಳುತ್ತಿರುವುದು ಹುಚ್ಚುತನದ ಪರಮಾವಧಿ'' ಎಂದರು.