ಗ್ರಾಮೀಣಾಭಿವೃದ್ಧಿ ಸೇವಾ ಸಂಸ್ಥೆಯಿಂದ ಅನಾಥ ವೃದ್ಧೆ ಅಂತ್ಯಸಂಸ್ಕಾರ

ಶಿಗ್ಗಾವಿ: ಸುಮಾರು ದಿನಗಳಿಂದ ವೃದ್ಧಾಶ್ರಮದಲ್ಲಿವಾಸವಾಗಿ ಭಾನುವಾರ ಮೃತಪಟ್ಟ ಕುಂದಗೋಳ ಪಟ್ಟಣದ ಅನಾಥ ವೃದ್ಧೆಯೊಬ್ಬರ ಅಂತ್ಯ ಸಂಸ್ಕಾರಕ್ಕೆ ಮೃತ್ಯುಂಜಯ ಗ್ರಾಮೀಣಾಭಿವೃದ್ಧಿ ಸೇವಾ ಸಂಸ್ಥೆ ಆಶ್ರಯವಾಗಿದೆ.

ಬಾನುಬಿ ನಾಸವಾಲೆ 76ವರ್ಷದ ವೃದ್ಧೆಯೊಬ್ಬರು ಸಂಬಂಧಿಗಳಲ್ಲದೆ ಸುಮಾರು ದಿನಗಳಿಂದ ವೃದ್ಧಾಶ್ರಮದಲ್ಲಿವಾಸವಾಗಿದ್ದಳು. ಅನಾಥ ವೃದ್ಧೆ ಯೋಗ, ಕ್ಷೇಮದೊಂದಿಗೆ ಅನಾರೋಗ್ಯ ಚಿಕಿತ್ಸೆ ನೀಡಿ ಪೋಷಣೆ ಮಾಡುತ್ತಿದ್ದ ಡಾ.ರಾಣೆ ತಿರ್ಲಾಪುರ, ಡಾ.ಮೃತ್ಯುಂಜಯ ತಿರ್ಲಾಪುರ, ಅಂತಃಕರಣ ಮೆರೆದಿದ್ದರು.

ಮೃತಪಟ್ಟ ಈ ವೃದ್ಧೆಯ ಅಂತ್ಯ ಸಂಸ್ಕಾರವನ್ನು ವಿಕಲಚೇತನರ ಹಾಗೂ ಹಿರಿಯ ನಾಗರೀಕರ ಸಬಲೀಕರಣ ಇಲಾಖೆ, ಮೃತ್ಯುಂಜಯ ಗ್ರಾಮೀಣ ಅಭಿವೃದ್ಧಿ ಸೇವಾ ಸಂಸ್ಥೆ, ನಾಗರೀಕರ ಸಹಕಾರದೊಂದಿಗೆ ಮುಸ್ಲಿಂ ಸಂಪ್ರದಾಯದಂತೆ ಶಿಗ್ಗಾವಿ ಪಟ್ಟಣದಲ್ಲಿಅಂತ್ಯ ಸಂಸ್ಕಾರ ನೆರವೇರಿಸಿದ್ದಾರೆ.