ಅರ್ಚಕರಿಗೆ ಪ್ಯಾಕೇಜ್‌, ಸಿಎಂ ಜತೆ ಚರ್ಚೆ

ಬ್ಯಾಡಗಿ: ಕೊರೊನಾದ ಸಂಕಷ್ಟದ ಸಮಯದಲ್ಲಿಎಲ್ಲಾದೇವಾಲಯಗಳ ಅರ್ಚಕರಿಗೆ ಪ್ಯಾಕೇಜ್‌ ಘೋಷಣೆಯ ಕುರಿತು ಮುಖ್ಯಮಂತ್ರಿಗಳೊಂದಿಗೆ ಚರ್ಚಿಸುವುದಾಗಿ ಶಾಸಕ ವಿರೂಪಾಕ್ಷಪ್ಪ ಬಳ್ಳಾರಿ ಭರವಸೆ ನೀಡಿದರು.

ಪಟ್ಟಣದ ಸಂಗಮೇಶ್ವರ ದೇವಸ್ಥಾನದಲ್ಲಿರೇಣಕಾಚಾರ್ಯ ಫೌಂಡೇಶನ್‌ ಅರ್ಚಕರಿಗಾಗಿ ವಿವಿಧ ದಾನಿಗಳಿಂದ ಸಂಗ್ರಹಿಸಿದ ಆಹಾರ ಕಿಟ್‌ಗಳನ್ನು ವಿತರಿಸಿ ಮಾತನಾಡಿದ ಅವರು, ಕೊರೊನಾದಿಂದ ಬೃಹತ್‌ ದೇವಾಲಯಗಳೂ ಆರ್ಥಿಕವಾಗಿ ಹಿನ್ನೆಡೆ ಸಾಧಿಸಿದ್ದು, ಕೆಲ ದೇವಾಲಯಗಳಲ್ಲಿಅರ್ಚಕರಿಗೆ ಹಾಗೂ ಪರಿಚಾರಕರಿಗೆ ವೇತನ ನೀಡಲು ಸಾಧ್ಯವಾಗದೇ ಹೆಣಗಾಡುತ್ತಿವೆ ಎಂದರು.

ರಾಣೇಬೆನ್ನೂರು ಶನೀಶ್ವರ ಮಠದ ಶಿವಯೋಗಿ ಶಿವಾಚಾರ‍್ಯಶ್ರೀಗಳು ಮಾತನಾಡಿ, ಕೊರೊನಾ ವಿರುದ್ಧ ಅರ್ಚಕರು ಹೋರಾಟಕ್ಕಿಳಿದಿದ್ದು ವಿದೇಶಗಳಲ್ಲಿಯೂ ಮೃತ್ಯುಂಜಯ ಜಪ (ಮಂತ್ರ ಪಠಣ)ನಡೆಯುತ್ತಿದ್ದು ಭಾರತದ ಅಧ್ಯಾತ್ಮಿಕ ಶಕ್ತಿ ಏನೆಂಬುದನ್ನು ವಿಶ್ವಕ್ಕೆ ಪರಿಚಯಿಸಲಾಗುತ್ತಿದೆ ಎಂದರು.

ಅಧ್ಯಕ್ಷ ಗಿರೀಶ್‌ ಇಂಡಿಮಠ ಅಧ್ಯಕ್ಷತೆ ವಹಿಸಿದ್ದರು, ಮುಖಂಡರಾದ ಎಸ್‌.ಆರ್‌.ಪಾಟೀಲ, ಲಿಂಗಯ್ಯ ಹಿರೇಮಠ, ಬಿ.ಎಂ.ಛತ್ರದ, ಬಾಲಚಂದ್ರ ಪಾಟೀಲ, ರವೀಂದ್ರ ಹೊನ್ನಾಳಿ, ಬಸವರಾಜಯ್ಯ ಹಿರೇಮಠ, ವಿ.ವಿ.ಹಿರೇಮಠ, ಜೆ.ಸಿ.ಚಿಲ್ಲೂರಮಠ, ಮೃತ್ಯುಂಜಯ್ಯ ಹಿರೇಮಠ, ಶ್ರೀಧರ ಗೋಸಾವಿ, ಮಹೇಶ ಹಿರೇಮಠ, ರುದ್ರಯ್ಯ ಹಿರೇಮಠ, ಅರುಣಕುಮಾರ ಹಿರೇಮಠ, ಕರಬಸಯ್ಯ ಹಿರೇಮಠ, ವಾಮದೇವಪ್ಪ ಎಸ್‌.ಮಂಜಯ್ಯಸ್ವಾಮಿ ಹಿರೇಮಠ, ಚನ್ನವೀರಯ್ಯ ಹಿರೇಮಠ, ಕುಮಾರಸ್ವಾಮಿ ಹಿರೇಮಠ ಇದ್ದರು.