ಮಕ್ಕಳ ಹಕ್ಕು ರಕ್ಷ ಣೆಗಾಗಿ ಪೋಸ್ಕೊ ಜಾರಿ

ಹಾನಗಲ್ಲ : ಪೋಸ್ಕೊ ಕಾಯ್ದೆಯಿಂದ ಮಕ್ಕಳ ಹಕ್ಕುಗಳ ರಕ್ಷ ಣೆಯ ಗಂಭೀರತೆ ಹೆಚ್ಚಿದೆ. ಮಹಿಳೆ ಮತ್ತು ಮಕ್ಕಳ ಹಕ್ಕುಗಳ ಸಂರಕ್ಷ ಣೆಗಾಗಿ ಕಾನೂನು ಸೇವಾ ಪ್ರಾಧಿಕಾರವು ಉಚಿತ ಕಾನೂನು ಸೇವೆಯ ಕಾರ್ಯ ನಿರ್ವಹಿಸುತ್ತಿದೆ ಎಂದು ಹಾನಗಲ್ಲ ಸಿವಿಲ್‌ ಜಡ್ಜ್‌ ಎಫ್‌.ವಿ.ಕೆಳಗೇರಿ ಹೇಳಿದರು.

ಇಲ್ಲಿನ ಕುಮಾರೇಶ್ವರ ಪದವಿ ಪೂರ್ವ ಕಾಲೇಜಿನಲ್ಲಿ ನಡೆದ ಬಾಲನ್ಯಾಯ ಅಧಿನಿಯಮ, ಮಕ್ಕಳ ಹಕ್ಕುಗಳ ಕುರಿತು ಕಾರ್ಯಾಗಾರ ಮತ್ತು ಕಾನೂನು ಅರಿವು ನೆರವು ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.

ಮಕ್ಕಳು ಶಿಕ್ಷ ಣದಿಂದ ವಂಚಿತರಾಗಬಾರದು ಎಂಬ ಉದ್ದೇಶದಿಂದ ನಿಯಮಗಳು ಜಾರಿಗೊಳ್ಳುತ್ತಿವೆ. ಮಕ್ಕಳಿಗೆ ಶಿಕ್ಷ ಣ ಕೊಡಿಸುವ ಗುರುತರ ಜವಾಬ್ದಾರಿಯನ್ನು ಪಾಲಕರು ನೆರವೇರಿಸಬೇಕು ಎಂದರು.

ಹಾನಗಲ್ಲ ವಕೀಲರ ಸಂಘದ ಅಧ್ಯಕ್ಷ ಸೋಮಶೇಖರ ಕೊತಂಬರಿ ಮಾತನಾಡಿ, ಇದು ಪ್ರತಿಭಾವಂತರ ಶತಮಾನ. ಪ್ರತಿಭೆಗೆ ತಕ್ಕ ಅವಕಾಶಗಳು ಈಗ ಸಿಗುತ್ತಿವೆ. ಶಿಕ್ಷ ಣದಿಂದ ವಿಕಾಸ ಸಾಧ್ಯವಿದೆ ಎಂಬ ಜಾಗೃತಿಯು ಪಾಲಕರಲ್ಲಿ ಮೂಡತೊಡಗಿದೆ. ಮಕ್ಕಳ ಹಕ್ಕುಗಳ ರಕ್ಷ ಣೆ ಪ್ರತಿಯೊಬ್ಬರ ಜವಾಬ್ದಾರಿ ಆಗಿದೆ ಎಂದರು.

ವಕೀಲರಾದ ಜಿ.ವಿ.ಕಂಬಾಳಿಮಠ, ಎಸ್‌.ಎಂ.ಹಾದಿಮನಿ ಉಪನ್ಯಾಸ ನೀಡಿದರು. ವಕೀಲರ ಸಂಘದ ಉಪಾಧ್ಯಕ್ಷ ಎಸ್‌.ಟಿ.ಕಾಮನಹಳ್ಳಿ, ಆರ್‌.ಎಸ್‌.ತಳವಾರ, ಪ್ರಾಚಾರ್ಯ ಟಿ.ಎನ್‌.ಕಾಮನಹಳ್ಳಿ ಇತರರಿದ್ದರು.