ಜಿಲ್ಲಾಸ್ಪತ್ರೆ ಹೊರಗುತ್ತಿಗೆ ನೌಕರರ ಪ್ರತಿಭಟನೆ

ಹಾವೇರಿ: ಕೆಲಸದಿಂದ ವಜಾಗೊಳಿಸುತ್ತಿರುವುದನ್ನು ಖಂಡಿಸಿ ಹಾಗೂ ಎರಡು ತಿಂಗಳ ಬಾಕಿ ವೇತನಕ್ಕೆ ಆಗ್ರಹಿಸಿ ಜಿಲ್ಲಾಸ್ಪತ್ರೆ ಡಿ ಗ್ರುಪ್‌ನ ಹೊರಗುತ್ತಿಗೆ ನೌಕರರು ಜಿಲ್ಲಾಆಸ್ಪತ್ರೆ ಮುಂಭಾಗದಲ್ಲಿಶುಕ್ರವಾರ ಮೌನ ಪ್ರತಿಭಟನೆ ನಡೆಸಿ ಶಾಸಕ ನೆಹರು ಓಲೇಕಾರಗೆ ಮನವಿ ಸಲ್ಲಿಸಿದರು.

ಈ ವೇಳೆ ಹೊರಗುತ್ತಿಗೆ ನೌಕರರು ಮಾತನಾಡಿ, ಜಿಲ್ಲಾಸ್ಪತ್ರೆಯಲ್ಲಿದಿನದಿಂದ ದಿನಕ್ಕೆ ರೋಗಿಗಳ ಸಂಖ್ಯೆ ಹೆಚ್ಚಾಗುತ್ತಲೇ ಇದೆ. ಆದರೆ ಸಿಬ್ಬಂದಿ ಕೊರತೆ ಇದೆ. ಅದರಲ್ಲೂಸಿಬ್ಬಂದಿಯನ್ನು ಏಕಾಏಕಿ ತೆಗೆದು ಹಾಕುತ್ತಿದ್ದಾರೆ ಎಂದು ಅಳಲು ತೋಡಿಕೊಂಡರು.

100ಕ್ಕೆ 75 ರಷ್ಟು ಸಿಬ್ಬಂದಿ ನೇಮಕವಾಗಿರಬೇಕು ಅಂತ ಇದೆ. ಆದರೆ ಜಿಲ್ಲಾಸ್ಪತ್ರೆಯಲ್ಲಿಸಿಬ್ಬಂದಿ ಕೊರತೆ ಇದೆ. ಸುಮಾರು 15 ವರ್ಷಗಳಿಂದ ಇದೇ ವೃತ್ತಿ ನಂಬಿ ಜೀವನ ಸಾಗಿಸುತ್ತಿರುವ ನಮ್ಮನ್ನು ಹಂತ ಹಂತವಾಗಿ ಕೆಲಸದಿಂದ ತೆಗೆಯುತ್ತಿದ್ದಾರೆ. ಮೊನ್ನೆ ಡಿ ಗ್ರುಪ್‌ನ 6 ಜನ, ನಾನ್‌ ಕ್ಲಿನಿಕ್‌ನಲ್ಲಿ5 ಜನ ಒಟ್ಟು 11 ಜನರನ್ನು ಕೆಲಸದಿದ್ದ ತೆಗೆದು ಹಾಕಿ ಮುಂದೆ ಟ್ರಾಮಾ ಸೆಂಟರ್‌ಗೆ ತುಂಬಿಕೊಳ್ಳುತ್ತೇವೆ ಎಂದು ಹೇಳುತ್ತಿದ್ದಾರೆ. ಅಲ್ಲಿಯವರೆಗೂ ಕುಟುಂಬ ನಡೆಸುವುದು ಹೇಗೆ ಎಂದು ಪ್ರಶ್ನಿಸಿದರು. ಇದಕ್ಕೆ ಶಾಸಕರು ಸ್ಪಂದಿಸಿ ಕೆಲಸ ಮರಳಿ ಕೊಡಿಸುವ ಹಾಗೂ ಬಾಕಿ ವೇತನ ಕೊಡಿಸುವ ಭರವಸೆ ನೀಡಿದರು.