ಹೊಸದಾಗಿ ಬೆಳೆ ಸಮೀಕ್ಷೆ ಮಾಡಲು ಆಗ್ರಹ

ಸವಣೂರು : ತಾಲೂಕಿನಲ್ಲಿತರಕಾರಿ ಹಾಗೂ ಹಣ್ಣು ಬೆಳೆಗಳ ಸಮೀಕ್ಷೆ ಹೊಸದಾಗಿ ಮಾಡುವಂತೆ ಆಗ್ರಹಿಸಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ತಾಲೂಕು ಘಟಕದ ವತಿಯಿಂದ ತಹಸೀಲ್ದಾರ ಮಲ್ಲಿಕಾರ್ಜುನ ಹೆಗ್ಗನ್ನವರ ಮೂಲಕ ರಾಜ್ಯ ಸರಕಾರಕ್ಕೆ ಮನವಿ ಸಲ್ಲಿಸಲಾಯಿತು.

ಲಾಕ್‌ಡೌನ್‌ ಘೋಷಣೆ ಮಾಡಿದ್ದರಿಂದ ಸಂಕಷ್ಟಕ್ಕೆ ಸಿಲುಕಿರುವ ರೈತರ ಸಹಾಯಕ್ಕಾಗಿ ರಾಜ್ಯ ಸರಕಾರ ಹೂವು ಬೆಳೆಗಾರರಿಗೆ ಹೆಕ್ಟೇರಿಗೆ 25000 ರೂ. ಹಾಗೂ ತರಕಾರಿ, ಹಣ್ಣು ಬೆಳೆಗಾರರಿಗೆ ಹೆಕ್ಟೇರಿಗೆ 15000 ರೂ. ಸಹಾಯಧನ ಘೋಷಣೆ ಮಾಡಿದೆ. ಆದರೆ, ಸಹಾಯಧನ ಬಿಡುಗಡೆಗಾಗಿ ಜನವರಿಯಲ್ಲಿಕಂದಾಯ ಇಲಾಖೆಯಿಂದ ಮಾಡಲಾದ ಸಮೀಕ್ಷೆಯನ್ನೇ ಪರಿಗಣಿಸುತ್ತಿರುವುದು ರೈತರಿಗೆ ಮಾಡುತ್ತಿರುವ ಅನ್ಯಾಯವಾಗಿದೆ. ಜನವರಿಯಲ್ಲಿಕಂದಾಯ ಇಲಾಖೆಯಿಂದ ಕೇವಲ ಶೇ.10 ರಷ್ಟು ಸಮೀಕ್ಷೆ ಮಾಡಲಾಗಿದ್ದು, ರಾಜ್ಯ ಸರಕಾರ ಹಳೆಯ ಸಮೀಕ್ಷೆ ಪರಿಗಣಿಸಿದರೆ ಉಳಿದ ಶೇ.90 ರಷ್ಟು ಸಮೀಕ್ಷೆಯಾಗದ ರೈತರಿಗೆ ಪರಿಹಾರ ಸಿಗುವುದು ಸಾಧ್ಯವಿಲ್ಲ. ಆದ್ದರಿಂದ, ಈ ಕೂಡಲೇ ಸರಕಾರ ಹೊಸದಾಗಿ ಬೆಳೆ ಸಮೀಕ್ಷೆ ಮಾಡಿಸುವ ಮೂಲಕ ನಷ್ಟಕ್ಕೊಳಗಾದ ರೈತರಿಗೆ ಪರಿಹಾರ ಒದಗಿಸಲು ಕ್ರಮ ಕೈಗೊಳ್ಳಬೇಕೆಂದು ಮನವಿಯಲ್ಲಿಒತ್ತಾಯಿಸಿದ್ದಾರೆ.

ತಾಲೂಕು ಘಟಕದ ಅಧ್ಯಕ್ಷ ಚನ್ನಪ್ಪ ಮರಡೂರ, ಸಂಘದ ಪದಾಧಿಕಾರಿಗಳು ಸೇರಿದಂತೆ ರಮೇಶ ದೊಡ್ಡುರ, ಪಕ್ಕೀರಪ್ಪ ಜೋಗೇರ,ನಾಗಪ್ಪ ಹಡಪದ,ನೂರಹ್ಮದ ಮುಲ್ಲಾ, ಸುರೇಶ ತಳವಾರ, ರೇವಣಪ್ಪ ಆಲದಕಟ್ಟಿ, ಸತೀಶ ದೇಸೂರ ಹಾಗೂ ಸಾರ್ವಜನಿಕರು ಇದ್ದರು.