ವಿದ್ಯುತ್‌ ಪರಿವರ್ತಕ ತೆರವುಗೊಳಿಸಲು ಆಗ್ರಹ

ಕುಮಾರಪಟ್ಟಣ: ಸಮೀಪದ ಕರೂರ ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲಾ ಆವರಣದಲ್ಲಿರುವ ವಿದ್ಯುತ್‌ ಪರಿವರ್ತಕವನ್ನು ತೆರವುಗೊಳಿಸಿ ಎಂದು ಪಾಲಕರು ಆಗ್ರಹಿಸಿದ್ದಾರೆ.

ಶಾಲಾ ಆವರಣದಲ್ಲಿರುವ ವಿದ್ಯುತ್‌ ಪರಿವರ್ತಕದಲ್ಲಿಲೈನ್‌ ಜಂಪ್‌ ಆದಾಗ ಬೆಂಕಿ ಕಿಡಿಗಳು ಉಂಟಾಗುತ್ತವೆ. ಅದರಿಂದ ಶಾಲಾ ಮಕ್ಕಳಿಗಾಗಲಿ ಮತ್ತು ಕಟ್ಟಡಕ್ಕೆ ತೊಂದರೆಯಾಗುವ ಮುನ್ನ ನಮ್ಮ ಅಪಾಯಕಾರಿ ಟಿಸಿ ಸ್ಥಳಾಂತರಗೊಳಿಸಿ ಎಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ.

ಶಾಲಾ ಮೈದಾನದಲ್ಲಿಆಟವಾಡುತ್ತಾ ಅಥವಾ ಅಕಸ್ಮಾತ್‌ ವಿದ್ಯುತ್‌ ಜೋಡಿ ಕಂಬಗಳ ಬಳಿ ತಂತಿ ತಗುಲಬಹುದು, ಮಕ್ಕಳು ತಂತಿ ಹಿಡಿಯಬಹುದು, ಮಳೆಗಾಲದಲ್ಲಿವಿದ್ಯುತ್‌ ಕಂಬದ ಸುತ್ತಮುತ್ತ ವಿದ್ಯುತ್‌ ಹರಿಯಬಹುದು, ಈ ಅವಘಡಗಳು ಸಂಭವಿಸುವ ಮುನ್ನ ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳು ಸರಕಾರಿ ಶಾಲೆಯ ಮಕ್ಕಳ ಸುರಕ್ಷತೆಗೆ ಕ್ರಮ ಕೈಗೊಳ್ಳಬೇಕೆಂದು ಆಗ್ರಹಿಸಿದ್ದಾರೆ.