ಗರ್ಭಿಣಿಯರಿಗೆ ಶ್ರೀಮಂತ ಕಾರ‍್ಯಕ್ರಮ

ರಟ್ಟೀಹಳ್ಳಿ: ಪ್ರಾಥಮಿಕ ಆರೋಗ್ಯ ಕೇಂದ್ರ ಕುಡುಪಲಿ ಶಿಶು ಅಭಿವೃದ್ಧಿ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆ ಸಂಯೋಗದಲ್ಲಿರಟ್ಟೀಹಳ್ಳಿ ತಾಲೂಕಿನ ದೊಡ್ಡಗುಬ್ಬಿ ಗ್ರಾಮದ 1 ಮತ್ತು 2 ನೇ ಅಂಗನವಾಡಿ ಕೇಂದ್ರದ ವತಿಯಿಂದ ಪೊಷಣ ಮಾಸ ಅಭಿಯಾನ ಯೋಜನೆಯಡಿ ಜರುಗಿದ ಕಾರ್ಯಕ್ರಮದಲ್ಲಿ6 ತಿಂಗಳ ತುಂಬಿದ ಮಕ್ಕಳಿಗೆ ಅನ್ನಪ್ರಾಶನ ದಿನಾಚರಣೆ ಹಾಗೂ ಗರ್ಭಿಣಿ ಮಹಿಳೆಯರಿಗೆ ಶ್ರೀಮಂತ ಕಾರ್ಯಕ್ರಮ ಮತ್ತು ಆರೋಗ್ಯ ತಪಾಸಣೆ ಮಾಡಲಾಯಿತು.

ಈ ವೇಳೆ ಆರೋಗ್ಯ ಇಲಾಖೆಯ ಪ್ರಭು ಕೆಂಚಳ್ಳಿ ಮಾತನಾಡಿದರು. ಕಾರ್ಯಕ್ರಮದಲ್ಲಿಗ್ರಾ.ಪಂ.ಸದಸ್ಯ ನಿಂಗಪ್ಪ ಕಡೂರು ಅಧ್ಯಕ್ಷತೆ ವಹಿಸ್ದರು. ಈ ಸಂದರ್ಭದಲ್ಲಿಶರಣಪ್ಪ ಸಿದ್ಲಿಂಗಪ್ಪನವರ, ಅಂಗನವಾಡಿ ಕಾರ್ಯಕರ್ತೆಯರಾದ ಪ್ರೇಮಾ ಹಂಸಭಾವಿ, ಜ್ಯೋತಿ ಕಮ್ಮಾರ, ಜಯಮ್ಮ ಬಣಕಾರ, ಆಶಾ ಕಾರ್ಯಕರ್ತೆಯರಾದ ಲಲಿತಾ ಎತ್ತಿನಹಳ್ಳಿ, ಕಾವ್ಯ ಎತ್ತಿನಹಳ್ಳಿ, ಗಿರಿಜವ್ವ ಅಂತರವಳ್ಳಿ, ಅಂಗನವಾಡಿ ಸಿಬ್ಬಂದಿ ಹಾಗೂ ಹಲವು ಮಹಿಳೆಯರು ಉಪಸ್ಥಿತರಿದ್ದರು.

ಜ್ಯೋತಿ ಕಮ್ಮಾರ ಪ್ರಾರ್ಥಿಸಿದರು, ಪ್ರೇಮಾ ಹಂಸಭಾವಿ ಸ್ವಾಗತಸಿದರು.