ಆ್ಯಪ್ನಗರ

ಸಿದ್ದಾರೂಢರ, ಕಲ್ಮೇಶ್ವರ ಜಲ ರಥೋತ್ಸವ

ಹಾವೇರಿ : ತಾಲೂಕಿನ ಕೋಣನತಂಬಿ ಗ್ರಾಮಸ್ಥರು ಗುರುವಾರ ಸಂಜೆ ಮೈದುಂಬಿ ಹರಿಯುವ ವರದಾ ನದಿಯಲ್ಲಿ ಸಿದ್ದಾರೂಢರ ಹಾಗೂ ಕಲ್ಮೇಶ್ವರ ದೇವರ ತೆಪ್ಪದ ತೇರ ಎಳೆಯುವ ಮೂಲಕ ಭಕ್ತಿ-ಭಾವ ಮೆರೆದರು.

Vijaya Karnataka 17 Aug 2019, 5:00 am
ಹಾವೇರಿ : ತಾಲೂಕಿನ ಕೋಣನತಂಬಿ ಗ್ರಾಮಸ್ಥರು ಗುರುವಾರ ಸಂಜೆ ಮೈದುಂಬಿ ಹರಿಯುವ ವರದಾ ನದಿಯಲ್ಲಿ ಸಿದ್ದಾರೂಢರ ಹಾಗೂ ಕಲ್ಮೇಶ್ವರ ದೇವರ ತೆಪ್ಪದ ತೇರ ಎಳೆಯುವ ಮೂಲಕ ಭಕ್ತಿ-ಭಾವ ಮೆರೆದರು.
Vijaya Karnataka Web HVR-16 HAVERI 7


ಕಳೆದ ವಾರ ಸುರಿದ ಭಾರಿ ಮಳೆಯಿಂದ ವರದಾ ನದಿಯ ಪ್ರವಾಹಕ್ಕೆ ತುತ್ತಾಗಿ ಗ್ರಾಮಸ್ಥರು ತತ್ತರಿಸಿದ್ದಾರೆ. ಇದರ ನಡುವೆಯೂ ಹಲವು ವರ್ಷಗಳಿಂದ ಗ್ರಾಮದಲ್ಲಿ ನಡೆದುಕೊಂಡು ಬಂದಿರುವ ಪದ್ಧತಿ ಬಿಡಬಾರದು ಎಂದು ನೂಲಹುಣ್ಣಿಮೆ ದಿನ ಜಲ ರಥೋತ್ಸವವನ್ನು ಸಡಗರ ಸಂಭ್ರಮದಿಂದ ನಡೆಸಲಾಯಿತು.

ನದಿ ಹರಿವಿನ ನಡುವೆಯೂ ಭಕ್ತರು ಈಜುಕುಂಬಳಕಾಯಿ ಕಟ್ಟಿಕೊಂಡು ನದಿಯಲ್ಲಿ ತೆಪ್ಪದ ತೇರನ್ನು ಎಳೆಯುವ ದೃಶ್ಯ ರೋಮಾಂಚನಗೊಳಿಸಿತು. ಹಾವೇರಿ, ಬಳ್ಳಾರಿ, ಗದಗ, ದಾವಣಗೇರಿ ಸೇರಿದಂತೆ ನಾನಾ ಕಡೆಯಿಂದ ಭಕ್ತರು ಆಗಮಿಸಿ ತೆಪ್ಪೋತ್ಸವವನ್ನು ಕಣ್ತುಂಬಿಕೊಂಡರು.

ಸತತ 7 ದಿನಗಳ ಕಾಲ ಓಂ ನಮಃ ಶಿವಾಯ ಶಿವನಾಮ ಸ್ಮರಣೆ ಜರುಗಿತು. ಬೆಳಗಾವಿ ಚಿಕ್ಕಮುನವಳ್ಳಿಯ ಆರೂಢಮಠದ ಶಿವಪುತ್ರ ಸ್ವಾಮೀಜಿ, ಪರಮಯ್ಯ ಹಾಲಪ್ಪನವರಮಠ, ಮುತ್ತಯ್ಯ ಹಿರೇಮಠ, ಹಿರಿಯರಾದ ಗಂಗಯ್ಯ ಕುಲಕರ್ಣಿ ಸೇರಿದಂತೆ ಅನೇಕ ಭಕ್ತಾದಿಗಳು ತೆಪ್ಪೋತ್ಸವದಲ್ಲಿ ಭಾಗವಹಿಸಿದ್ದರು.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ