ಆ್ಯಪ್ನಗರ

ಹರಿವು ಇಳಿಮುಖ, ಗೇಟ್‌ಗೆ ಬೀಳುವುದೇ ಬೀಗ?

ರಾಜು ನದಾಫ ಹಾವೇರಿ: ಪ್ರವಾಹ ಸಂದರ್ಭ ನದಿಗಳ ನೀರಿನ ಹರಿಯುವಿಕೆ ಅತ್ಯಂತ ರಭಸವಾಗಿತ್ತು. ಕಳೆದೊಂದು ವಾರದಿಂದ ಮಳೆಯಾಗದೇ ನೆರೆ ಆತಂಕ ಕಮ್ಮಿಯಾಗಿದೆ. ನದಿ ಪಾತ್ರದುದ್ದಕ್ಕೂ ನೀರಿನ ಹರಿಯುವಿಕೆ ಪ್ರಮಾಣ ಇಳಿಮುಖಗೊಂಡಿದೆ. ಈ ನದಿ ನೀರನ್ನೇ ಬ್ರಿಡ್ಜ್‌ ಕಂ ಬ್ಯಾರೇಜ್‌ಗಳು ನೆಚ್ಚಿರುವ ಕಾರಣಕ್ಕೆ ಗೇಟ್‌ ಹಾಕುವುದು ಯಾವಾಗ? ಎನ್ನುವ ಪ್ರಶ್ನೆ ರೈತಾಪಿ ವಲಯದಿಂದ ವ್ಯಕ್ತವಾಗಿದೆ.

Vijaya Karnataka 7 Nov 2019, 5:00 am
ರಾಜು ನದಾಫ ಹಾವೇರಿ: ಪ್ರವಾಹ ಸಂದರ್ಭ ನದಿಗಳ ನೀರಿನ ಹರಿಯುವಿಕೆ ಅತ್ಯಂತ ರಭಸವಾಗಿತ್ತು. ಕಳೆದೊಂದು ವಾರದಿಂದ ಮಳೆಯಾಗದೇ ನೆರೆ ಆತಂಕ ಕಮ್ಮಿಯಾಗಿದೆ. ನದಿ ಪಾತ್ರದುದ್ದಕ್ಕೂ ನೀರಿನ ಹರಿಯುವಿಕೆ ಪ್ರಮಾಣ ಇಳಿಮುಖಗೊಂಡಿದೆ. ಈ ನದಿ ನೀರನ್ನೇ ಬ್ರಿಡ್ಜ್‌ ಕಂ ಬ್ಯಾರೇಜ್‌ಗಳು ನೆಚ್ಚಿರುವ ಕಾರಣಕ್ಕೆ ಗೇಟ್‌ ಹಾಕುವುದು ಯಾವಾಗ? ಎನ್ನುವ ಪ್ರಶ್ನೆ ರೈತಾಪಿ ವಲಯದಿಂದ ವ್ಯಕ್ತವಾಗಿದೆ.
Vijaya Karnataka Web slow flow falling to the gate
ಹರಿವು ಇಳಿಮುಖ, ಗೇಟ್‌ಗೆ ಬೀಳುವುದೇ ಬೀಗ?


ನದಿ ಪಾತ್ರ ಬರಿದಾಗುವ ಮುನ್ನವೇ ಗೇಟ್‌ ಹಾಕಬೇಕೆನ್ನುವ ಬೇಡಿಕೆ ಕಳೆದ ತಿಂಗಳ ಮೊದಲ ವಾರದಲ್ಲೇ ವ್ಯಕ್ತವಾಗಿತ್ತು. ಈ ಹಂತದಲ್ಲಿಹೊಳೆಯೊಂದಕ್ಕೆ ಗೇಟ್‌ ಸಹ ಹಾಕಲಾಗಿತ್ತು. ಚಿತ್ತಿಮಳೆಗೆ ಮತ್ತೆ ರೈತರು ಜತೆಗೆ ಸರಕಾರ ಸಹ ಪ್ರವಾಹ ಭೀತಿಗೆ ಒಳಗಾಗುವ ಪರಿಸ್ಥಿತಿ ಉಂಟಾಗಿ ಗೇಟ್‌ ಹಾಕುವ ನಿರ್ಧಾರಕ್ಕೆ ತಾತ್ಕಾಲಿಕ ತಡೆ ಬಿದ್ದಿತ್ತು.

ಈಗ ಹವಾಮಾನ ಇಲಾಖೆ ಮೂಲಗಳ ಪ್ರಕಾರ ಈ ವೇಳೆಗಾಗಲೇ ಚಳಿ ಪ್ರಮಾಣ ಹೆಚ್ಚಬೇಕಿತ್ತು. ಬಿಸಿಲು ಇನ್ನೂ ಇದ್ದರೂ ಹಾವೇರಿ ಜಿಲ್ಲೆಗೆ ಮಳೆ ಮುಗಿದಧ್ಯಾಯ. ಈಗ ಬ್ಯಾರೇಜ್‌ಗೆ ಗೇಟ್‌ ಅಳವಡಿಕೆ ಪರವಾಗಿಲ್ಲಎನ್ನುವ ಮಾಹಿತಿ ಸಿಕ್ಕಿದೆ.

ನದಿ ಹರಿವು ಪ್ರಮಾಣ ಇಳಿಮುಖಗೊಳ್ಳುತ್ತಿದ್ದುಗೇಟ್‌ ಹಾಕುವುದನ್ನು ಮುಂದೂಡುವುದು ಎಷ್ಟು ಸರಿ? ಅಧಿಕಾರಿಗಳು ಗೇಟ್‌ ಹಾಕುವಲ್ಲಿವಿಳಂಬ ಮಾಡಿದರೆ ಬೇಸಿಗೆ ದಿನಕ್ಕೆ ಜನ ಮತ್ತು ಜಾನುವಾರುಗಳಿಗೆ ಕುಡಿಯುವ ನೀರಿಗೆ ಅನನುಕೂಲತೆ ಖಂಡಿತ ಎಂಬ ಆತಂಕ ರೈತರದ್ದು. ಅಧಿಕಾರಿಗಳ ನಡೆ ಏನು? ಕಾದು ನೋಡಬೇಕಿದೆ.

41 ಬ್ಯಾರೇಜ್‌: ಜಿಲ್ಲೆಯ ನಾಲ್ಕು ನದಿಗಳ ನೀರನ್ನೇ ನೆಚ್ಚಿಕೊಂಡು ಮುಂಗಾರು ಹಂಗಾಮಿಗೆ 15 ಏತ ನೀರಾವರಿ ಮತ್ತು ಹಿಂಗಾರು ಹಂಗಾಮಿಗೆ 41 ಬ್ಯಾರೇಜ್‌ಗಳು ನಿರ್ಮಿಸಲಾಗಿದೆ. ರಾಣೇಬೆನ್ನೂರ ಉಪವಿಭಾಗದ ತುಂಗಭದ್ರಾ ನದಿಗೆ ಅಡ್ಡಲಾಗಿ ಯಾವುದೇ ಏತ ನೀರಾವರಿ ಜತೆಗೆ ಬ್ಯಾರೇಜ್‌ ನಿರ್ಮಿಸಲಾಗಿಲ್ಲ. ಕುಮದ್ವತಿಗೆ ಅಡ್ಡಲಾಗಿ 7 ಏತ ನೀರಾವರಿ, 9 ಬ್ಯಾರೇಜ್‌ಗಳಿವೆ ವರದಾ ನದಿಗೆ 6 ಬ್ಯಾರೇಜ್‌ಗಳಿವೆ.

ಹಾನಗಲ್ಲಉಪ ವಿಭಾಗ ವ್ಯಾಪ್ತಿಯ ಧರ್ಮಾ ನದಿಗೆ ಅಡ್ಡಲಾಗಿ 14 ಬ್ಯಾರೇಜ್‌ ಮತ್ತು ಏತ ನೀರಾವರಿ, ವರದಾ ನದಿಗೆ 11 ಬ್ಯಾರೇಜ್‌ ಜತೆಗೆ ಏತ ನೀರಾವರಿ ಹಾಗೂ ಕುಮದ್ವತಿ ನದಿಗೆ ಕೇವಲ ಒಂದು ಬ್ಯಾರೇಜ್‌ ನಿರ್ಮಿಸಲಾಗಿದೆ. ನದಿ ನೀರನ್ನೇ ನೆಚ್ಚಿರುವ ಈ ಯೋಜನೆಗಳೆಲ್ಲನೀರಾವರಿಗೆ ಸೀಮಿತವಾಗಿಯೇ ವಿನಃ ಕೆರೆಗಳ ಭರ್ತಿಗಲ್ಲಎನ್ನುವುದು ಸಹ ವಿಶೇಷ.


ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ