ಆಧುನಿಕ ಯುಗಕ್ಕೆ ಸ್ಮಾರ್ಟ್‌ ಕ್ಲಾಸ್‌ ಸಹಕಾರಿ

ರಾಣೇಬೆನ್ನೂರ : ಖಾಸಗಿ ಶಾಲೆಗಳಲ್ಲಿನ ಸೌಲಭ್ಯಗಳನ್ನು ಸರಕಾರಿ ಶಾಲೆಗಳಿಗೆ ಒದಗಿಸುವುದರಿಂದ ಬಡ ಮಕ್ಕಳಿಗೆ ಅನುಕೂಲವಾಗುತ್ತದೆ ಎಂದು ಸ್ಥಳೀಯ ರಾಮಕೃಷ್ಣ ಆಶ್ರಮದ ಪ್ರಕಾಶಾನಂದಜಿ ಮಹಾರಾಜ್‌ ನುಡಿದರು.

ನಗರದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆ ನಂ.7ರಲ್ಲಿಹಮ್ಮಿಕೊಳ್ಳಲಾಗಿದ್ದ ಸರಸ್ವತಿ ಪೂಜೆ, ವಿದ್ಯಾರ್ಥಿಗಳ ಬೀಳ್ಕೊಡುಗೆ, ಡಿಎಚ್‌ಓ ಸ್ಮಾರ್ಟ್‌ ಕ್ಲಾಸ್‌ ಉದ್ಘಾಟನೆ ಹಾಗೂ ನಿವೃತ್ತ ಶಿಕ್ಷಕರಿಗೆ ಸನ್ಮಾನ ಸಮಾರಂಭ ಉದ್ಘಾಟಿಸಿ ಮಾತನಾಡಿದರು. ಆಧುನಿಕ ಯುಗದ ಸವಾಲುಗಳನ್ನು ಸಮರ್ಪಕವಾಗಿ ಎದುರಿಸಲು ಸ್ಮಾರ್ಟ್‌ ಕ್ಲಾಸ್‌ಗಳು ಸಹಕಾರಿಯಾಗಿವೆ. ಈ ನಿಟ್ಟಿನಲ್ಲಿಸರಕಾರಿ ಶಾಲೆಯಲ್ಲಿಸ್ಮಾರ್ಟ್‌ ಕ್ಲಾಸ್‌ ಪ್ರಾರಂಭಿಸಿರುವುದು ಮಕ್ಕಳ ಭವಿಷ್ಯದ ದೃಷ್ಟಿಯಿಂದ ಒಳ್ಳೆಯದು. ಮಕ್ಕಳಲ್ಲಿವಿದ್ಯೆಯ ಜತೆಯಲ್ಲಿಸಂಸ್ಕಾರವೂ ಬಹು ಮುಖ್ಯ. ತಂದೆ-ತಾಯಿ ಹಾಗೂ ಶಾಲೆಯ ಗುರುಗಳನ್ನು ಪೂಜ್ಯ ಭಾವನೆಯಿಂದ ಕಾಣಬೇಕು ಎಂದರು.

ನಗರ ಯೋಜನಾ ಪ್ರಾಧಿಕಾರದ ಅಧ್ಯಕ್ಷ ಚೋಳಪ್ಪ ಕಸವಾಳ ಸ್ಮಾರ್ಟ್‌ ಕ್ಲಾಸ್‌ ಕೊಠಡಿಯನ್ನು ಉದ್ಘಾಟಿಸಿದರು. ಎಸ್‌ಡಿಎಂಸಿ ಅಧ್ಯಕ್ಷ ಧರ್ಮೇಂದ್ರ ಜಾಲಗಾರ ಅಧ್ಯಕ್ಷತೆ ವಹಿಸಿದ್ದರು. ಸಮಾರಂಭದಲ್ಲಿಸೇವಾ ನಿವೃತ್ತರಾದ ಶಾಲೆಯ ಶಿಕ್ಷಕರನ್ನು ಸನ್ಮಾನಿಸಲಾಯಿತು.

ನಗರಸಭೆ ಸದಸ್ಯ ಪ್ರಕಾಶ ಬುರಡಿಕಟ್ಟಿ, ಕ್ಷೇತ್ರ ಶಿಕ್ಷಣಾಧಿಕಾರಿ ಎನ್‌.ಶ್ರೀಧರ್‌, ಲಿಂಗರಾಜ ಸುತ್ತಕೋಟೆ, ಎಸ್‌.ವಿ.ಸೀಮಿಕೇರಿ, ಎ.ಬಿ.ಚಂದ್ರಶೇಖರ, ಪವಿತ್ರಕುಮಾರ ನಾಗೇನಹಳ್ಳಿ, ಲಕ್ಷ್ಮೀಕಾಂತ ಹುಲಗೂರ, ಶಿವಪ್ಪ ಮಣೇಗಾರ, ಪ್ರಕಾಶ ಕೊಪ್ಪದ, ಬೀರಪ್ಪ ಪೂಜಾರ, ಶ್ರೀನಿವಾಸ ಕಾಕಿ, ನಿರ್ಮಲಾ ಮಾನೆ, ಜಿ.ಜಿ.ಗವ್ಹೇನವರ, ಯುವರಾಜ ದೊಡ್ಮನಿ ಮತ್ತಿತರು ಇದ್ದರು.