ಬೀದಿ ಬದಿ ವ್ಯಾಪಾರಿ ಚುನಾವಣೆ: ಅವಿರೋಧ ಆಯ್ಕೆ

ಗುತ್ತಲ: ಪಟ್ಟಣ ಪಂಚಾಯಿತಿ ವ್ಯಾಪ್ತಿಯ ಬೀದಿ ಬದಿ ವ್ಯಾಪಾರಿಗಳ ಚುನಾವಣೆಯಲ್ಲಿ10 ಜನರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಸರಕಾರದ ನಿರ್ದೇಶನದಂತೆ ಸುಮಾರು 89 ಸದಸ್ಯ ಬಲದ ಬೀದಿ ಬದಿ ವ್ಯಾಪ್ಯಾರಿಗಳ ಚುನಾವಣೆ ಪ.ಪಂ ಕಾರ್ಯಾಲಯದಲ್ಲಿಭಾನುವಾರ ಜರುಗಿತು. ಸಾಮಾನ್ಯ ಕ್ಷೇತ್ರದಿಂದ ಮಂಜುನಾಥಸ್ವಾಮಿ ಲಕ್ಷೆತ್ರ್ಮೕಶ್ವರಮಠ, ಮಹಾಂತಸ್ವಾಮಿ ಲಕ್ಷೆತ್ರ್ಮೕಶ್ವರಮಠ, ಮಹಿಳಾ ಸಾಮಾನ್ಯ ಕ್ಷೇತ್ರದಿಂದ ಮಂಗಳಮ್ಮ ಕೋರಿ, ಲಲಿತಾ ಅಂಗಡಿ, ರೇಣುಕಾ ಬಡಿಗೇರ, ಹಿಂದುಳಿದ ವರ್ಗದ ಕ್ಷೇತ್ರದಿಂದ ಬಸಪ್ಪ ಬಾರ್ಕಿ, ಪ.ಜಾ ನ ಕರಿಯಪ್ಪ ಕೋಟೇರ, ಪ.ಪಂ ವರ್ಗದಿಂದ ಶಿವಾನಂದ ಹಡಗಲಿ, ಅಲ್ಪ ಸಂಖ್ಯಾತ ಕ್ಷೇತ್ರದಿಂದ ನಜೀರಅಹ್ಮದ ಹಾಲಗಿ, ವಿಶೇಷಚೇತನರ ಮೀಸಲಿನಲ್ಲಿ ಶ್ರೀಕಾಂತ ಮಡಿವಾಳರ ಅವಿರೋಧವಾಗಿ ಆಯ್ಕೆಯಾದರು.

ಅವಿರೋಧವಾಗಿ ಆಯ್ಕೆಯಾದವರಿಗೆ ಚುನಾವಣಾಧಿಕಾರಿ ಎಂ.ಎಸ್‌ ರೇಣುಕಾ ಹಾಗೂ ಪ.ಪಂ ಮುಖ್ಯಾಧಿಕಾರಿ ಎಂ.ಕೆ ಮುಗಳಿ ಅಭಿನಂದಿಸಿದರು. ಈ ವೇಳೆ ಪ.ಪಂನ ಪ್ರ.ದ.ಸ ಬಸವರಾಜ ಗಡದವರ, ಸಮನ್ವ ಅಧಿಕಾರಿ ಜಯಮ್ಮ ಮ್ಯಾಗೇರಿ, ಗಣೇಶ ಚವ್ಹಾಣ, ಶರಣಪ್ಪ ಬಾಗಸರ, ಬೀದಿ ಬದಿ ವ್ಯಾಪಾರಿಗಳಾದ ಶಿವಣ್ಣ ಇಚ್ಚಂಗಿ, ನಟರಾಜ ಅಂಗಡಿ, ರಾಜು, ಗೋಪಾಲ ಬಡಿಗೇರ ಸೇರಿದಂತೆ ಅನೇಕರಿದ್ದರು.