ಎಪಿಎಂಸಿ ಕಾಯಿದೆ ತಿದ್ದುಪಡಿ ಮಾರಕ

ರಾಣೇಬೆನ್ನೂರ: ಯಾವುದೇ ಸಾಧಕ ಬಾಧಕಗಳ ಬಗ್ಗೆ ಸಮಾಲೋಚನೆ ಮಾಡದೇ ರಾಜ್ಯ ಸರಕಾರ ಎಪಿಎಂಸಿ ಕಾಯಿದೆ ತಿದ್ದುಪಡಿ ಮಾಡಿರುವುದು ರೈತರು, ವರ್ತಕರು ಮತ್ತು ಎಪಿಎಂಸಿ ಆದಾಯಕ್ಕೆ ಮಾರಕವಾಗಿದೆ ಎಂದು ರಾಜ್ಯ ಕೃಷಿ ಉತ್ಪನ್ನ ಮಾರಾಟ ಮಂಡಳಿ ಮಾಜಿ ಅಧ್ಯಕ್ಷ ಡಿ.ಆರ್‌.ಪಾಟೀಲ ಹೇಳಿದರು.

ನಗರದಲ್ಲಿಗುರುವಾರ ಸಂಜೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಈ ಕಾಯಿದೆ ತಿದ್ದುಪಡಿ ವಿರುದ್ಧ ಎಲ್ಲರೂ ಒಗ್ಗಟ್ಟಿನಿಂದ ಪಕ್ಷಾತೀತವಾಗಿ ಹೋರಾಟ ಮಾಡುತ್ತೇವೆ. ರಾಜ್ಯ ಸರಕಾರ ಬಹುರಾಷ್ಟ್ರೀಯ ಕಂಪನಿಗಳಿಗೆ ಅನುಕೂಲವಾಗುವ ಕಾಯಿದೆ ಜಾರಿಗೆ ತರುತ್ತಿದೆ. ಇದರಿಂದ ಮುಂದಿನ ದಿನಗಳಲ್ಲಿಸರಕಾರವೇ ಅವರ ಕಪಿಮುಷ್ಠಿಗೆ ಸಿಕ್ಕಿಹಾಕಿಕೊಳ್ಳುತ್ತದೆ. ಆದ್ದರಿಂದ ಈ ಕಾಯಿದೆ ತಿದ್ದುಪಡಿ ತರುವುದಕ್ಕೆ ಮುಂಚೆ ರಾಜ್ಯದ ಸಚಿವರು, ಜನಪತ್ರಿನಿಧಿಗಳ, ವರ್ತಕರ ಜೊತೆ ಚರ್ಚೆಸಿ ತೀರ್ಮಾನ ತೆಗೆದುಕೊಳ್ಳಬೇಕು. ಆಧಿವೇಶನದಲ್ಲಿಚರ್ಚಿಸಿ ಆದೇಶ ಜಾರಿಗೆಗೊಳಿಸಬೇಕು. ಕೂಡಲೇ ಎಚ್ಚೆತ್ತು ತಿದ್ದುಪಡಿ ವಾಪಸ್‌ ಪಡೆಯಬೇಕು ಎಂದರು.

ಸ್ಥಳೀಯ ಎಪಿಎಂಸಿ ಅಧ್ಯಕ್ಷ ಚಂದ್ರಶೇಖರ ಕಳಸದ, ಉಪಾಧ್ಯಕ್ಷೆ ಕಮಲೆಮ್ಮ ಪಾರ್ವತೇರ, ವಿ.ಪಿ.ಲಿಂಗನಗೌಡ್ರ, ಪ್ರೇಮಾ ಪಾಟೀಲ, ಕೆ.ಎಸ್‌.ನಾಯ್ಕರ, ಸಿದ್ದಪ್ಪ ಕರೇಗೌಡ, ರಮೇಶ ಚಾವಡಿ, ಸದಾಶಿವ ಉಪ್ಪಿನ, ಜಟ್ಟೆಪ್ಪ ಕರೇಗೌಡ್ರ, ಗದಿಗೆಪ್ಪ ಹೊಟ್ಟಿಗೌಡ್ರ ಮತ್ತಿತರು ಸುದ್ದಿಗೋಷ್ಠಿಯಲ್ಲಿದ್ದರು.