ವರ್ಷದ ಮೊದಲ ಆಲಿಕಲ್ಲು ಮಳೆ

ಬ್ಯಾಡಗಿ : ಪಟ್ಟಣದಲ್ಲಿ ಶುಕ್ರವಾರ ಸಂಜೆ ವರ್ಷದ ಮೊದಲ ಮಳೆಯಾಗಿದ್ದು, ಗುಡುಗು ಹಾಗೂ ಆಲಿಕಲ್ಲಿನೊಂದಿಗೆ ಸುರಿದ ಭಾರಿ ಮಳೆ ಬಿಸಿಲಿನಿಂದ ಕಾದು ಕಬ್ಬಿಣದಂತಾಗಿದ್ದ ಭೂಮಿಗೆ ಶುಕ್ರವಾರ ಸುರಿದ ಮಳೆ ತಂಪೆರೆಯಿತು.

ಶುಕ್ರವಾರ ಸಂಜೆ ನಿಧಾನವಾಗಿ ಆರಂಭವಾದ ಮಳೆ ನಂತರ ಜೋರಾಗುತ್ತಾ ಸಾಗಿತು. ಭಾರಿ ಗಾತ್ರದ ಆಲಿಕಲ್ಲುಗಳು ಬಿದ್ದಿದ್ದು, ಎಲ್ಲೆಡೆ ದಡಲ್‌ ಬಡಲ್‌ ಎಂಬ ಶಬ್ದ ಜೋರಾಗಿತ್ತು. ಸುಮಾರು ಅರ್ದ ಘಂಟೆಗೂ ಹೆಚ್ಚು ಕಾಲ ಸುರಿದ ಮಳೆಯಿಂದ ಮುಖ್ಯ ರಸ್ತೆ ಸೇರಿದಂತೆ ಸುಭಾಷ್‌ ಸರ್ಕಲ್‌, ನೆಹರು ವೃತ್ತದ ಬಳಿಯಲ್ಲಿನ ಚರಂಡಿಗಳು ತುಂಬಿ ರಸ್ತೆಯಲ್ಲೆಲ್ಲಾ ನೀರು ಹರಿದಾಡಿತು.