ಮದಗ ಜಲಪಾತ ನೋಡಲು ಕಣ್ಣು ಸಾಲದು

ಹಿರೇಕೆರೂರು: ರಟ್ಟೀಹಳ್ಳಿ ತಾಲೂಕಿನ ಗಡಿ ಅಂಚಿನ ಮದಗ ಜಲಪಾತದ ರಮಣೀಯ ದೃಶ್ಯ ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತಿದೆ.

ಮೇಲಿಂದ ಧುಮುಕ್ಕುತ್ತಿರುವ ನೀರಿನ ನರ್ತನ ನೋಡಲು ಎರಡು ಕಣ್ಣು ಸಾಲದು. ಭೋರ್ಗರೆಯುತ್ತಿರುವ ಈ ಜಲಪಾತವನ್ನು ಒಮ್ಮೆ ನೋಡಲೇ ಬೇಕು.

ಕುಮದ್ವತಿ ನದಿಗೆ ಪರ್ವತ ಶ್ರೇಣಿಗಳಿಂದ ಹಾಗೂ ಮಲೆನಾಡು ಪ್ರದೇಶಗಳಿಂದ ದೊಡ್ಡ ಪ್ರಮಾಣದಲ್ಲಿ ಮದಗ ಕೆರೆಗೆ ನೀರು ಹರಿದು ಬರುತ್ತಲೇ ಇದೆ. ಶನಿವಾರ ಮತ್ತಷ್ಟು ದೊಡ್ಡ ಪ್ರಮಾಣದಲ್ಲಿ ನೀರು ಮದಗ ಕೆರೆಗೆ ಹರಿದು ಬಂದ ಪರಿಣಾಮ ಮದಗ ಜಲಪಾತ ಭೋರ್ಗರೆಯುತ್ತಿದೆ. 300 ಅಡಿ ಮೇಲಿಂದ ಆಳಕ್ಕೆ ಧುಮುಕ್ಕುತ್ತಿರುವ ನೀರಿನ ರಮಣೀಯ ದೃಶ್ಯ ಮನಮೋಹಕವಾಗಿದೆ. ಒಮ್ಮೆ ನೋಡಿದರೆ ಮತ್ತೊಮ್ಮೆ, ಮತ್ತೊಮ್ಮೆ ನೋಡಿದರೆ ಮೊಗದೊಮ್ಮೆ ನೋಡಲೇಬೇಕೆನ್ನಿಸುತ್ತದೆ ಮದಗ ಜಲಪಾತದ ಸೊಬಗು. ಶನಿವಾರವು ಬಿಟ್ಟು ಬಿಡದೆ ಸುರಿಯುತ್ತಿರುವ ಮಳೆಯಿಂದ ಜಲಪಾತಕ್ಕೆ ನೀರಿನ ಹರಿವು ಹೆಚ್ಚಳವಾಗಿದೆ.

ಯಾವ ಜಲಪಾತಗಳಿಗೂ ಕಡಿಮೆ ಇಲ್ಲದಂತೆ ಮದಗ ಜಲಪಾತ ಕಂಗೊಳಿಸುತ್ತಿದೆ. ಆದರೆ ಮದಗ ಜಲಪಾತವನ್ನು ಇತರೆ ಜಲಪಾತಗಳಂತೆ ಅಭಿವೃದ್ದಿಪಡಿಸಲು ರಾಜ್ಯ ಸರಕಾರ ನಿರ್ಲಕ್ಷ ್ಯ ತೋರಿರುವುದು ದುರದೃಷ್ಟಕರ.