ಜಿಲ್ಲೆಯಲ್ಲಿ ಯಾವುದೇ ಹಕ್ಕಿ ಜ್ವರ ಪ್ರಕರಣಗಳು ಕಂಡುಬಂದಿಲ್ಲ, ಭಯಬೇಡ; ಹಾವೇರಿ ಡಿಸಿ

ಹಾವೇರಿ: ಜಿಲ್ಲೆಯಲ್ಲಿ ಯಾವುದೇ ಹಕ್ಕಿ ಜ್ವರ ಪ್ರಕರಣಗಳು ಕಂಡುಬಂದಿಲ್ಲ. ಸಾರ್ವಜನಿಕರು ಯಾವುದೇ ಆತಂಕಕ್ಕೆ ಒಳಗಾಗಬಾರದು ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟೆಣ್ಣವರ ತಿಳಿಸಿದ್ದಾರೆ.

ಹಾವೇರಿ ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ಜರುಗಿದ ಜಿಲ್ಲಾಮಟ್ಟದ ಕೋಳಿ ಶೀತ ಜ್ವರ ನಿಯಂತ್ರಣ ಸಭೆಯಲ್ಲಿ ಮಾತನಾಡಿದ ಅವರು, ಕಳೆದ ವಾರ ಕೇರಳದ ಕೊಟ್ಟಾಯಂ, ಅಲಪ್ಪುಳ ಜಿಲ್ಲೆಗಳಲ್ಲಿ ಹಾಗೂ ದೇಶದ 10 ರಾಜ್ಯಗಳಲ್ಲಿ ಕಾಡುಕೋಳಿಗಳು/ಕೋಳಿಗಳು ಅಸಹಜ ಸಾವನ್ನಪ್ಪಿದ್ದವು. ಅವುಗಳ ಮಾದರಿಯನ್ನು ರೋಗ ತನಿಖಾ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿತ್ತು. ರೋಗ ಇರುವಿಕೆ ದೃಢವಾಗಿರುವುದರಿಂದ ಜಿಲ್ಲೆಯಲ್ಲಿಯೂ ಮುಂಜಾಗೃತಾ ಕ್ರಮಗಳು ಮತ್ತು ನಿಯಂತ್ರಣ ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಸೂಚಿಸಿದರು.

ಹಾವೇರಿಯಲ್ಲಿ ಹೊರ ಜಿಲ್ಲೆಯ ಬೆಳ್ಳುಳ್ಳಿ ಮಾರಾಟಕ್ಕೆ ತೀವ್ರ ವಿರೋಧ..!
ಹಾವೇರಿ ಜಿಲ್ಲೆಯಲ್ಲಿ ಅಂದಾಜು 3 ಮೊಟ್ಟೆ ಕೋಳಿಗಳ ಫಾರಂಗಳಲ್ಲಿ ಅಂದಾಜು 95 ಸಾವಿರ ಮೊಟ್ಟೆ ಕೋಳಿಗಳು, 217 ಮಾಂಸದ ಕೋಳಿ ಫಾರಂಗಳಲ್ಲಿ ಅಂದಾಜು 8 ಲಕ್ಷ ಕೋಳಿಗಳು ಹಾಗೂ 2 ಲಕ್ಷ ಹಿತ್ತಲಕೋಳಿಗಳಿವೆ. ಕೋಳಿ ಶೀತ ಜ್ವರದ ಅರಿವು ಮತ್ತು ರೋಗದ ನಿಯಂತ್ರಣಕ್ಕೆ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳುವ ಅನಿವಾರ್ಯತೆಯನ್ನು ತುರ್ತಾಗಿ ಮತ್ತು ಗಂಭೀರವಾಗಿ ಪರಿಗಣಿಸಬೇಕು ಎಂದು ತಿಳಿಸಿದರು.
ಹಾವೇರಿಯಲ್ಲಿ ಬಂಪರ್‌ ಹೊಡೆದ ರೈತ ; ಮತ್ತೊಮ್ಮೆ ದಾಖಲೆ ದರದಲ್ಲಿ ಮೆಣಸಿನಕಾಯಿ ಮಾರಾಟ..!ಪಶು ಪಾಲನೆ ಮತ್ತು ಪಶುವೈದ್ಯ ಸೇವೆಗಳ ಇಲಾಖೆ(ಆಡಳಿತ) ಉಪನಿರ್ದೇಶಕ ರಾಜೀವ ಎನ್‌.ಕೂಲೇರ, ಈ ರೋಗ ನಿಯಂತ್ರಣದ ಮುಂಜಾಗೃತೆ ಕ್ರಮವಾಗಿ ಜಿಲ್ಲೆಯಲ್ಲಿ 32 ಆರ್‌.ಆರ್‌.ಟಿ ತಂಡಗಳ ರಚನೆ ಮಾಡಲಾಗಿದ್ದು, ಪ್ರತಿ ತಂಡದಲ್ಲಿ ಒಬ್ಬ ಪಶುವೈದ್ಯಾಧಿಕಾರಿ, ಇಬ್ಬರು ತಾಂತ್ರಿಕ ಪಶುವೈದ್ಯಕೀಯ ಸಿಬ್ಬಂದಿ ಹಾಗೂ ಇಬ್ಬರು ಡಿ-ದರ್ಜೆ ಸಿಬ್ಬಂದಿ ಸೇರಿ 4-5 ಜನ ಇರುತ್ತಾರೆ ಎಂದು ಮಾಹಿತಿ ನೀಡಿದರು.

ಸಭೆಯಲ್ಲಿ ಅರಣ್ಯ ಇಲಾಖೆ ಉಪ ಸಂರಕ್ಷಣಾಧಿಕಾರಿ ಕ್ರಾಂತಿ, ಡಿ.ಎಚ್‌.ಓ. ರಾಜೇಂದ್ರ ದೊಡ್ಮನಿ, ಡಾ.ನಾಗರಾಜ, ಜಿಲ್ಲೆಯ ಪಶು ಇಲಾಖೆ ಸಹಾಯಕ ನಿರ್ದೇಶಕರು, ಪಶು ವೈದ್ಯಾಧಿಕಾರಿಗಳು ಇದ್ದರು.