ಸ್ವಸಹಾಯ ಸಂಘಗಳ ಒಗ್ಗೂಡಿಸುವಿಕೆ ಕುರಿತು ತರಬೇತಿ

ರಟ್ಟೀಹಳ್ಳಿ: ಪಟ್ಟಣದಲ್ಲಿರುವ ಗ್ರಾ.ಪಂ.ವತಿಯಿಂದ ರಾಷ್ಟ್ರೀಯ ಗ್ರಾಮ ಸ್ವರಾಜ್‌ ಅಭಿಯಾನದಡಿಯಲ್ಲಿಪಂಚಾಯತ್‌ ರಾಜ್‌ ಸಂಸ್ಥೆ ಮತ್ತು ಸ್ವಸಹಾಯ ಸಂಘಗಳ ಒಗ್ಗೂಡಿಸುವಿಕೆ ಕುರಿತು ಗ್ರಾಪಂ ಸದಸ್ಯರು, ಅಧಿಕಾರಿ ಹಾಗೂ ಸಿಬ್ಬಂದಿಗಳಿಗೆ ಮತ್ತು ಸ್ವಸಹಾಯ ಸಂಘದ ಸದಸ್ಯರುಗಳಿಗೆ ಒಂದು ದಿನದ ಮುಖಾಮುಖಿ ತರಬೇತಿ ಕಾರ್ಯಕ್ರಮ ಜರುಗಿತು.

ಈ ವೇಳೆ ಗ್ರಾಪಂ ಅಧ್ಯಕ್ಷೆ ರೇಣುಕಾ ಕಮತಳ್ಳಿ ಮಾತನಾಡಿ, ಸ್ವಸಹಾಯ ಸಂಘಗಳು, ಪಂಚಾಯತ್‌ ರಾಜ್‌ ವ್ಯವಸ್ಥೆಗಳು ಒಗ್ಗೂಡಿಕೊಂಡು ಕೆಲಸ ಮಾಡಬೇಕು. ಗ್ರಾಮದಲ್ಲಿನಡೆಯುವ ಉತ್ತಮ ಕೆಲಸ ಕಾರ‍್ಯಗಳಿಗೆ ಎಲ್ಲರೂ ಸಹಕಾರ ನೀಡಿದಾಗ ಪಟ್ಟಣ ಅಭಿವೃದ್ಧಿಯಾಗುತ್ತದೆ ಎಂದರು.

ಈ ಸಂದರ್ಭದಲ್ಲಿಗ್ರಾಪಂ ಉಪಾಧ್ಯಕ್ಷ ಗೋಪಾಲ ಮಡಿವಾಳರ, ಗ್ರಾಪಂ ಸದಸ್ಯ ಸುಭಾಷ ಹದಡೇರ, ಶಶಿಕಲಾ ಬೆಣ್ಣಿ, ಸುಜಾತಾ ಕೋಣತಿ, ರಿಯಾಜ್‌ಅಹ್ಮದ ನರಗುಂದಕರ, ಕಮಲಮ್ಮ ಬೆನ್ನೂರು, ಬಸವಣ್ಣೆಪ್ಪ ಕಿಚಡೇÃ, ರೂಪಾ ಆಡೂರು, ಸುನೀತಾ ಹೊಸಕುರುಬರ, ರೇಖಾ ಪಾಟೀಲ, ಸಂತೋಷ ಬಿಳಚಿ, ಮಂಜು ಸಣ್ಣಗೌಡ್ರ ಇತರರು ಉಪಸ್ಥಿತರಿದ್ದರು.