ಏತ ನೀರಾವರಿ ಯೋಜನೆಯ ಕಾಮಗಾರಿ ವೀಕ್ಷಣೆ

ರಟ್ಟೀಹಳ್ಳಿ: 23 ಕೋಟಿ ರೂ. ವೆಚ್ಚದಲ್ಲಿ ತಾಲೂಕಿನ ಗುಡ್ಡದಮಾದಾಪುರ ಏತ ನೀರಾವರಿ ಯೋಜನೆಯ ಕಾಮಗಾರಿ ಪ್ರಾರಂಭವಾಗಿದ್ದು, ಶಾಸಕ ಬಿ.ಸಿ.ಪಾಟೀಲ್‌ ಕಾಮಗಾರಿ ಸ್ಥಳಕ್ಕೆ ಭೇಟಿ ನೀಡಿ ಕಾಮಗಾರಿ ವೀಕ್ಷಿಸಿದರು.

ನಂತರ ಮಾತನಾಡಿದ ಅವರು ಗುಡ್ಡದಮಾದಾಪುರ ಏತ ನೀರಾವರಿ ಯೋಜನೆಯಿಂದ ಒಟ್ಟು 13 ಕೆರೆಗಳು ತುಂಬಲಿವೆ. ಗುಡ್ಡದಮಾದಾಪುರ, ಮೈದೂರು, ಹಿರೇಕಬ್ಬಾರ, ಗಲಗಿನಕಟ್ಟಿ, ತಡಕನಹಳ್ಳಿ, ಅಂಗರಗಟ್ಟಿ, ಹೊಸಕಟ್ಟಿ, ಗುಳೇದಹಳ್ಳಿ, ಗುಡ್ಡೇದಹಳ್ಳಿ, ಗಂಗೈಕೊಪ್ಪ ವ್ಯಾಪ್ತಿಯ ಕೆರೆಗಳು ತುಂಬಲಿವೆ. ಶಂಕರನಹಳ್ಳಿ ಗ್ರಾಮದ ಬಳಿಯಲ್ಲಿರುವ ತುಂಗಭದ್ರಾ ನದಿಯಿಂದ ನೀರನ್ನು ಈ ಯೋಜನೆಯ ಮೂಲಕ ಕೆರೆಗಳನ್ನು ತುಂಬಿಸಲಾಗುತ್ತದೆ. ಕೆರೆಗಳನ್ನು ತುಂಬಿಸಬೇಕೆಂಬ ಕನಸ್ಸು ನನಸಾಗುವ ಸಂದರ್ಭ ಬಂದಿದೆ. ಕಾಮಗಾರಿ ಬರದಿಂದ ಸಾಗಿದ್ದು, ಜುಲೈ ವೇಳೆಗೆ ಕೆರೆಗಳಲ್ಲಿ ನೀರು ಕಾಣಬಹುದು ಎಂದರು.

ಈ ಸಂದರ್ಭದಲ್ಲಿ ರೇಣಕಪ್ಪ ಭರಮಗೌಡ್ರ, ಲಿಂಗರಾಜ ಕುಂಟಗೌಡ್ರ, ಮಧುಗೌಡ ಪಾಟೀಲ, ಸೃಷ್ಠಿ ಪಾಟೀಲ, ವನಜಾ ಪಾಟೀಲ, ಕುಬೇರಗೌಡ ಪಾಟೀಲ, ಕುಬೇರಪ್ಪ ಹುಚ್ಚಪ್ಪಳವರ, ಪ್ರಕಾಶ ಪಾಟೀಲ, ಸುರೇಶ ಮಟ್ಟಿಮನಿ, ನಂದೆಪ್ಪ ಹೊಟ್ಟೇರ, ರವಿ ಎಣ್ಣೇರ, ನಿಂಗಣ್ಣ ಮೇದೂರು ಇದ್ದರು.