ಮಹಾರಾಷ್ಟ್ರದಲ್ಲಿ ನಾಳೆಯಿಂದ ಮನೆ ಬಾಗಿಲಿಗೆ ಬರಲಿದೆ ಮದ್ಯ!

ಮುಂಬೈ: ಮಹಾರಾಷ್ಟ್ರದಲ್ಲಿ ನಾಳೆಯಿಂದ ಮನೆ ಬಾಗಿಲಿಗೆ ಮದ್ಯ ಬರಲಿದೆ. ಆಯಾ ಮದ್ಯ ಮಳಿಗೆಯ ಫೋನ್‌ ಅಥವಾ ಆ್ಯಪ್ ಮೂಲಕ ಗ್ರಾಹಕರು ಮದ್ಯವನ್ನ ಬುಕ್ಕಿಂಗ್‌ ಮಾಡಿದ್ರೆ, ಡೆಲಿವರಿ ಬಾಯ್‌ ಮದ್ಯವನ್ನ ನೇರವಾಗಿ ಮನೆಗೆ ತಲುಪಿಸಲಿದ್ದಾನೆ. ಮದ್ಯ ಹೋಮ್‌ ಡೆಲಿವರಿಗೆ ಮಹಾರಾಷ್ಟ್ರ ಸರ್ಕಾರ ನಿನ್ನೆಯಷ್ಟೇ ಅನುಮತಿ ನೀಡಿತ್ತು. ಇದರ ಬೆನ್ನಲ್ಲೆ ಎರಡು ದಿನಗಳಲ್ಲಿ ಈ ಬಗ್ಗೆ ಎಲ್ಲಾ ರೀತಿಯ ತಯಾರಿ ನಡೆಸುವಂತೆ ಅಬಕಾರಿ ಇಲಾಖೆ ಸೂಚಿಸಿತ್ತು.

ಇದೀಗ ಹೋಲ್‌ಸೇಲ್‌ ಮದ್ಯ ಮಾರಾಟಗಾರರು ರೆಡಿಯಾಗಿದ್ದು ನಾಳೆಯಿಂದ ಮನೆ ಬಾಗಿಲಿಗೆ ಮದ್ಯ ರವಾನೆಯಾಗಲಿದೆ. ಲಾಕ್‌ಡೌನ್‌ನಿಂದ ಮನೆಯೊಳಗೆ ಕುಳಿತು ಮದ್ಯ ಸಿಗದೇ ಪರಿತಪ್ಪಿಸುತ್ತಿದ್ದ ಮದ್ಯ ಪ್ರಿಯರಿಗೆ ಸರ್ಕಾರದ ಈ ನಿರ್ಧಾರದಿಂದ ಭಾರೀ ಖುಷಿಯಾಗಿದೆ. ಅಲ್ಲದೇ ಸಾಮಾಜಿಕ ಅಂತರವಿಲ್ಲದೆ ಮದ್ಯದಂಗಡಿ ಮುಂಭಾಗ ನೂರಾರು ಜನರು ಜಮಾಯಿಸುವುದನ್ನು ತಪ್ಪಿಸಬಹುದಾಗಿದೆ.

ಈಗಾಗಲೇ ಮಹಾರಾಷ್ಟ್ರ ಸರ್ಕಾರ ಲಾಕ್‌ಡೌನ್‌ ವೇಳೆಯಲ್ಲಿ ಮದ್ಯ ಹೋಮ್‌ ಡೆಲಿವರಿಗಾಗಿ ರಾಜ್ಯ ಅಬಕಾರಿ ಕಾಯ್ದೆಗೆ ತಿದ್ದುಪಡಿ ತಂದಿದೆ ಎನ್ನಲಾಗಿದೆ. ಇನ್ನು ಡೆಲಿವರಿ ಬಾಯ್‌ಗಳ ವಿಚಾರದಲ್ಲೂ ಕಟ್ಟುನಿಟ್ಟಿನ ಸೂಚನೆ ಅಬಕಾರಿ ಇಲಾಖೆ ಸೂಚನೆ ಹೊರಡಿಸಿದೆ. ಡೆಲಿವರಿ ಬಾಯ್‌ಗಳ ಹೆಲ್ತ್ ಫಿಟೆನೆಸ್‌ ಸರ್ಟಿಫಿಕೇಟ್‌ ಹಾಗೂ ಹೋಮ್‌ ಡೆಲಿವರಿ ಸಂದರ್ಭ ಕಡ್ಡಾಯವಾಗಿ ಮಾಸ್ಕ್‌ , ಗ್ಲೌಸ್‌ ಧರಿಸುವಂತೆ ಸೂಚನೆ ನೀಡಿದೆ. ಇದರ ಸಂಪೂರ್ಣ ಜವಾಬ್ಧಾರಿಯ ಮದ್ಯದಂಗಡಿಯ ಮಾಲೀಕನಾದ್ದಾಗಿರುತ್ತೆ ಅಂತಲೂ ಇಲಾಖೆ ತಿಳಿಸಿದೆ. ಎಲ್ಲಾದರೂ ನಾಳೆಯಿಂದ ಹೋಮ್‌ ಡೆಲಿವರಿ ಮೂಲಕ ಮದ್ಯ ಮಾರಾಟ ಆರಂಭವಾದರೆ ಹೋಮ್‌ ಡೆಲಿವರಿ ಮದ್ಯಮಾರಾಟ ಮಾಡಿದ ಮೊದಲ ರಾಜ್ಯ ಮಹಾರಾಷ್ಟ್ರ ಎಂದೆನಿಸಲಿದೆ.

ಕತಾರ್‌ನಿಂದ ಅಗಮಿಸಲು 40,000 ಮಂದಿ ರೆಡಿ: ಮರುಭೂಮಿಯಲ್ಲಿ ಕನ್ನಡಿಗರಿಗೆ ಸ್ಪಂದಿಸಿದ 'ಐಸಿಬಿಎಫ್‌'

ರಾಜ್ಯದಲ್ಲೂ ಬರಲಿದ್ಯಾ ಹೋಮ್‌ ಡೆಲಿವರಿ..?
ಇತ್ತೀಚೆಗೆ ಸುಪ್ರೀಂಕೋರ್ಟ್‌ ಮನೆ ಬಾಗಿಲಿಗೆ ಮದ್ಯ ಸರಬರಾಜು ಮಾಡೋ ಬಗ್ಗೆ ರಾಜ್ಯ ಸರ್ಕಾರಗಳು ಗಮನಹರಿಸಬಹುದು ಎಂದು ಹೇಳಿತ್ತು. ಇದರ ನಂತರ ರಾಜ್ಯದಲ್ಲೂ ಕೂಡ ಈ ಬಗ್ಗೆ ಚರ್ಚೆ ಆರಂಭವಾಗಿತ್ತು. ಮದ್ಯದಂಗಡಿ ಮುಂದೆ ಸಾಲು ಸಾಲು ಜನರು ನಿಲ್ಲೋದನ್ನ ತಪ್ಪಿಸಲು ಇದೊಂದು ಉತ್ತಮ ವಿಧಾನ ಎಂಬ ಚರ್ಚೆ ನಡೆದಿತ್ತು. ಬೇರೆ ನಗರದಲ್ಲಿ ಇಲ್ಲದಿದ್ದರೂ ಅಟ್‌ಲೀಸ್ಟ್‌ ಬೆಂಗಳೂರಿಗೆ ಮಾತ್ರ ಈ ವ್ಯವಸ್ಥೆ ಕಲ್ಪಿಸುವಂತಾಗಬೇಕು ಎನ್ನವ ಮಾತುಗಳು ಕೇಳಿ ಬಂದಿತ್ತು. ಆದ್ರೆ ಇದು ಚರ್ಚೆಯಾಗೇ ಉಳಿದಿದೆ. ರಾಜ್ಯ ಸರ್ಕಾರ ಈ ಬಗ್ಗೆ ಮುತುವರ್ಜಿ ವಹಿಸಿಲ್ಲ ಎನ್ನುವ ಆರೋಪಗಳು ಕೇಳಿ ಬಂದಿವೆ.