ಹೈದರಾಬಾದ್: ಎನ್ಟಿಆರ್ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯಕ್ಕೆ ತಮ್ಮ ತಂದೆಯ ಹೆಸರಿಟ್ಟು ಮರುನಾಮಕರಣ ಮಾಡಲು ಆಂಧ್ರಪ್ರದೇಶ ಮುಖ್ಯಮಂತ್ರಿ ವೈಎಸ್ ಜಗನ್ ಮೋಹನ್ ರೆಡ್ಡಿ ಮುಂದಾಗಿರುವುದು ಭಾರಿ ವಿವಾದಕ್ಕೆ ಕಾರಣವಾಗಿದೆ.
ಎನ್ಟಿಆರ್ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯಕ್ಕೆ (ಯುಎಚ್‌ಎಸ್) ವೈಎಸ್ಆರ್ ಯುಎಚ್‌ಎಸ್ ಎಂದು ಮರುನಾಮಕರಣ ಮಾಡುವ ಮಸೂದೆಯನ್ನು ವೈಎಸ್ ಜಗನ್ ಮೋಹನ್ ರೆಡ್ಡಿ ನೇತೃತ್ವದ ಸರ್ಕಾರ ಮುಂದಿಟ್ಟಿದೆ. ಟಿಡಿಪಿ ಮತ್ತು ಇತರೆ ಪಕ್ಷಗಳ ಬಲವಾದ ಪ್ರತಿಭಟನೆ ನಡುವೆಯೂ ಮಸೂದೆಗೆ ಅಂಗೀಕಾರ ದೊರಕಿದೆ.
"ಜನರ ಭಾವನೆಗಳನ್ನು ಪರಿಗಣಿಸದೆಯೆ ಸರ್ಕಾರವು ತೆಗೆದುಕೊಂಡಿರುವ ಏಕಪಕ್ಷೀಯ ನಿರ್ಧಾರಗಳನ್ನು ಆಂಧ್ರಪ್ರದೇಶ ರಾಜ್ಯಪಾಲರ ಗಮನಕ್ಕೆ ತರಲಾಗಿದೆ" ಎಂದು ಚಂದ್ರಬಾಬು ನಾಯ್ಡು ತಿಳಿಸಿದ್ದಾರೆ.
ಆರೋಗ್ಯ ವಿಜ್ಞಾನಗಳ ವಿವಿಗೆ ತಮ್ಮ ತಂದೆ, ದಿವಂಗತ ವೈಎಸ್ ರಾಜಶೇಖರ್ ರೆಡ್ಡಿ ಅವರ ಹೆಸರಿಡುವ ನಿರ್ಧಾರವನ್ನು ಜಗನ್ ಸಮರ್ಥಿಸಿಕೊಂಡಿದ್ದಾರೆ. ಇದು ಡಾ. ವೈಎಸ್ ರಾಜಶೇಖರ ರೆಡ್ಡಿ ಅವರಿಗೆ ನೀಡುವ ಶ್ರೇಯಸ್ಸೇ ವಿನಾ, ಎನ್ಟಿಆರ್ ಅವರಿಗೆ ತೋರಿಸುತ್ತಿರುವ ಅಗೌರವವಲ್ಲ ಎಂದಿದ್ದಾರೆ.
ರಾಜಕೀಯಕ್ಕೆ ಬರುವ ಮುನ್ನ ವೈಎಸ್ಆರ್ ಅವರು ವೈದ್ಯರಾಗಿದ್ದರು. ತಮ್ಮ 108 ಮತ್ತು 104 ಆಂಬುಲೆನ್ಸ್ ಸೇವೆಗಳ ಜತೆಗೆ ಆರೋಗ್ಯಾಶ್ರೀ ಯೋಜನೆ ಮೂಲಕ ಜನಸಾಮಾನ್ಯರಿಗೆ ಗುಣಮಟ್ಟದ ಆರೋಗ್ಯ ಸೌಲಭ್ಯ ಒದಗಿಸಿದ್ದರು. ಇದಕ್ಕಾಗಿ ಅವರ ಹೆಸರು ಇಡುವುದು ಅರ್ಹವಾಗಿದೆ ಎಂದು ಹೇಳಿದ್ದಾರೆ.
ಎನ್‌ಟಿ ರಾಮ ರಾವ್ ಅವರು ಈ ಆರೋಗ್ಯ ವಿಜ್ಞಾನ ವಿವಿಯನ್ನು ತಮ್ಮ ಆಡಳಿತ ಅವಧಿಯಲ್ಲಿ ಸ್ಥಾಪಿಸಿದ್ದರು. 1986ರ ಏಪ್ರಿಲ್‌ನಲ್ಲಿ ಅದನ್ನು ಉದ್ಘಾಟಿಸಿದ್ದರು. ಅವರ ನಿಧನದ ಬಳಿಕ 1998ರಲ್ಲಿ ವಿವಿಗೆ ಡಾ. ಎನ್ಟಿಆರ್ ವಿವಿ ಎಂಬ ಹೆಸರು ಇರಿಸಲಾಗಿತ್ತು.
ಜೂನಿಯರ್ ಎನ್ಟಿಆರ್ ಪ್ರತಿಕ್ರಿಯೆ ಈಗ ಜಗನ್ ಅವರ ನಡೆ ಎನ್ಟಿಆರ್ ಅಭಿಮಾನಿಗಳನ್ನು ಕೆರಳಿಸಿದೆ. "ಎನ್ಟಿಆರ್ ಮತ್ತು ವೈಎಸ್ಆರ್ ಇಬ್ಬರೂ ಅಪಾರ ಜನಪ್ರಿಯತೆ ಪಡೆದ ಮಹಾನ್ ನಾಯಕರು. ಒಬ್ಬರ ಹೆಸರನ್ನು ಮತ್ತೊಬ್ಬರ ಹೆಸರಿನೊಮದಿಗೆ ಬದಲಿಸುವುದು ವೈಎಸ್ಆರ್ ಅವರ ಶ್ರೇಷ್ಠತೆಯನ್ನು ಹೆಚ್ಚಿಸುವುದಿಲ್ಲ. ಹಾಗೆಯೇ ಎನ್ಟಿಆರ್ ಅವರ ಶ್ರೇಷ್ಠತೆಯನ್ನು ತಗ್ಗಿಸುವುದಿಲ್ಲ. ವಿವಿಯ ಹೆಸರು ಬದಲಿಸುವುದರಿಂದ ಎನ್ಟಿಆರ್ ಸಂಪಾದಿಸಿದ್ದ ಖ್ಯಾತಿಯನ್ನು, ತೆಲುಗು ರಾಜ್ಯಗಳಲ್ಲಿನ ಅವರ ಹಿರಿಮೆಯನ್ನು ಮತ್ತು ತೆಲುಗು ಜನರ ಹೃದಯದಲ್ಲಿ ಇರುವ ಅವರ ನೆನಪುಗಳನ್ನು ಅಳಿಸಲು ಸಾಧ್ಯವಿಲ್ಲ" ಎಂದು ಜೂನಿಯರ್ ಎನ್ಟಿಆರ್ ಪ್ರತಿಕ್ರಿಯೆ ನೀಡಿದ್ದಾರೆ.
ಎನ್ಟಿಆರ್ ಆರೋಗ್ಯ ವಿಜ್ಞಾನಗಳ ವಿಶ್ವವಿದ್ಯಾಲಯಕ್ಕೆ (ಯುಎಚ್‌ಎಸ್) ವೈಎಸ್ಆರ್ ಯುಎಚ್‌ಎಸ್ ಎಂದು ಮರುನಾಮಕರಣ ಮಾಡುವ ಮಸೂದೆಯನ್ನು ವೈಎಸ್ ಜಗನ್ ಮೋಹನ್ ರೆಡ್ಡಿ ನೇತೃತ್ವದ ಸರ್ಕಾರ ಮುಂದಿಟ್ಟಿದೆ. ಟಿಡಿಪಿ ಮತ್ತು ಇತರೆ ಪಕ್ಷಗಳ ಬಲವಾದ ಪ್ರತಿಭಟನೆ ನಡುವೆಯೂ ಮಸೂದೆಗೆ ಅಂಗೀಕಾರ ದೊರಕಿದೆ.
"ಜನರ ಭಾವನೆಗಳನ್ನು ಪರಿಗಣಿಸದೆಯೆ ಸರ್ಕಾರವು ತೆಗೆದುಕೊಂಡಿರುವ ಏಕಪಕ್ಷೀಯ ನಿರ್ಧಾರಗಳನ್ನು ಆಂಧ್ರಪ್ರದೇಶ ರಾಜ್ಯಪಾಲರ ಗಮನಕ್ಕೆ ತರಲಾಗಿದೆ" ಎಂದು ಚಂದ್ರಬಾಬು ನಾಯ್ಡು ತಿಳಿಸಿದ್ದಾರೆ.
ಆರೋಗ್ಯ ವಿಜ್ಞಾನಗಳ ವಿವಿಗೆ ತಮ್ಮ ತಂದೆ, ದಿವಂಗತ ವೈಎಸ್ ರಾಜಶೇಖರ್ ರೆಡ್ಡಿ ಅವರ ಹೆಸರಿಡುವ ನಿರ್ಧಾರವನ್ನು ಜಗನ್ ಸಮರ್ಥಿಸಿಕೊಂಡಿದ್ದಾರೆ. ಇದು ಡಾ. ವೈಎಸ್ ರಾಜಶೇಖರ ರೆಡ್ಡಿ ಅವರಿಗೆ ನೀಡುವ ಶ್ರೇಯಸ್ಸೇ ವಿನಾ, ಎನ್ಟಿಆರ್ ಅವರಿಗೆ ತೋರಿಸುತ್ತಿರುವ ಅಗೌರವವಲ್ಲ ಎಂದಿದ್ದಾರೆ.
ರಾಜಕೀಯಕ್ಕೆ ಬರುವ ಮುನ್ನ ವೈಎಸ್ಆರ್ ಅವರು ವೈದ್ಯರಾಗಿದ್ದರು. ತಮ್ಮ 108 ಮತ್ತು 104 ಆಂಬುಲೆನ್ಸ್ ಸೇವೆಗಳ ಜತೆಗೆ ಆರೋಗ್ಯಾಶ್ರೀ ಯೋಜನೆ ಮೂಲಕ ಜನಸಾಮಾನ್ಯರಿಗೆ ಗುಣಮಟ್ಟದ ಆರೋಗ್ಯ ಸೌಲಭ್ಯ ಒದಗಿಸಿದ್ದರು. ಇದಕ್ಕಾಗಿ ಅವರ ಹೆಸರು ಇಡುವುದು ಅರ್ಹವಾಗಿದೆ ಎಂದು ಹೇಳಿದ್ದಾರೆ.
ಎನ್‌ಟಿ ರಾಮ ರಾವ್ ಅವರು ಈ ಆರೋಗ್ಯ ವಿಜ್ಞಾನ ವಿವಿಯನ್ನು ತಮ್ಮ ಆಡಳಿತ ಅವಧಿಯಲ್ಲಿ ಸ್ಥಾಪಿಸಿದ್ದರು. 1986ರ ಏಪ್ರಿಲ್‌ನಲ್ಲಿ ಅದನ್ನು ಉದ್ಘಾಟಿಸಿದ್ದರು. ಅವರ ನಿಧನದ ಬಳಿಕ 1998ರಲ್ಲಿ ವಿವಿಗೆ ಡಾ. ಎನ್ಟಿಆರ್ ವಿವಿ ಎಂಬ ಹೆಸರು ಇರಿಸಲಾಗಿತ್ತು.
ಜೂನಿಯರ್ ಎನ್ಟಿಆರ್ ಪ್ರತಿಕ್ರಿಯೆ ಈಗ ಜಗನ್ ಅವರ ನಡೆ ಎನ್ಟಿಆರ್ ಅಭಿಮಾನಿಗಳನ್ನು ಕೆರಳಿಸಿದೆ. "ಎನ್ಟಿಆರ್ ಮತ್ತು ವೈಎಸ್ಆರ್ ಇಬ್ಬರೂ ಅಪಾರ ಜನಪ್ರಿಯತೆ ಪಡೆದ ಮಹಾನ್ ನಾಯಕರು. ಒಬ್ಬರ ಹೆಸರನ್ನು ಮತ್ತೊಬ್ಬರ ಹೆಸರಿನೊಮದಿಗೆ ಬದಲಿಸುವುದು ವೈಎಸ್ಆರ್ ಅವರ ಶ್ರೇಷ್ಠತೆಯನ್ನು ಹೆಚ್ಚಿಸುವುದಿಲ್ಲ. ಹಾಗೆಯೇ ಎನ್ಟಿಆರ್ ಅವರ ಶ್ರೇಷ್ಠತೆಯನ್ನು ತಗ್ಗಿಸುವುದಿಲ್ಲ. ವಿವಿಯ ಹೆಸರು ಬದಲಿಸುವುದರಿಂದ ಎನ್ಟಿಆರ್ ಸಂಪಾದಿಸಿದ್ದ ಖ್ಯಾತಿಯನ್ನು, ತೆಲುಗು ರಾಜ್ಯಗಳಲ್ಲಿನ ಅವರ ಹಿರಿಮೆಯನ್ನು ಮತ್ತು ತೆಲುಗು ಜನರ ಹೃದಯದಲ್ಲಿ ಇರುವ ಅವರ ನೆನಪುಗಳನ್ನು ಅಳಿಸಲು ಸಾಧ್ಯವಿಲ್ಲ" ಎಂದು ಜೂನಿಯರ್ ಎನ್ಟಿಆರ್ ಪ್ರತಿಕ್ರಿಯೆ ನೀಡಿದ್ದಾರೆ.