'ಲಾಕಿ ರ‍್ಯಾನ್ಸಮ್‌ವೇರ್': ಇರಲಿ ಎಚ್ಚರ

ಹೊಸದಿಲ್ಲಿ: ಲಾಕಿ ರ‍್ಯಾನ್ಸಮ್‌ವೇರ್ ಎನ್ನುವ ಹೊಸ ವೈರಸ್‌ ಬಗ್ಗೆ ಎಚ್ಚರವಿರಲಿ. ಈ ವೈರಸ್ ನಿಮ್ಮ ಕಂಪ್ಯೂಟರ್‌ನ್ನು ಲಾಕ್ ಮಾಡಬಹುದು ಎಂದು ಸರಕಾರ ಎಚ್ಚರಿಕೆ ನೀಡಿದೆ.

'ಲಾಕಿ ರ‍್ಯಾನ್ಸಮ್‌ವೇರ್ ವೈರಸ್ ಹರಡು ಸ್ಪ್ಯಾಮ್‌ಗಳ ಬಗ್ಗೆ ಎಚ್ಚರವಿರಲಿ' ಎಂದು ಎಲೆಕ್ಟ್ರಾನಿಕ್ ಮತ್ತು ಐಟಿ ಇಲಾಖೆಯ ಹಚ್ಚುವರಿ ಕಾರ್ಯದರ್ಶಿ ಅಜಯ್ ಕುಮಾರ್ ಟ್ವೀಟ್ ಮಾಡಿದ್ದಾರೆ.

ದುಷ್ಕರ್ಮಿಗಳು ದುರುದ್ದೇಶದಿಂದ ಲಾಕಿ ರ‍್ಯಾನ್ಸಮ್‌ವೇರ್ ಹೆಸರಿನ ವೈರಸ್ ಹರಿಬಿಟ್ಟಿದ್ದಾರೆ. ಈ ಭಯಾನಕ ವೈರಸ್ ಅಟ್ಯಾಕ್ ಆಗಿರುವ ಸಿಸ್ಟಮ್‌ಗಳನ್ನು ಅನ್‌ಲಾಕ್ ಮಾಡಲು ಹಣದ ಬೇಡಿಕೆ ಇಡಲಾಗುತ್ತದೆ ಎಂದು ಸೈಬರ್ ಸುರಕ್ಷತಾ ಕೇಂದ್ರ ಎಚ್ಚರಿಸಿದೆ. ಸ್ಪ್ಯಾಮ್ ಮೇಲ್‍‌ಗಳ ಸಾಮಾನ್ಯ ವಿಷಯದ ಜತೆ ಈ ವೈರಸ್‌ ಹರಡುತ್ತದೆ ಎಂದು ತಿಳಿಸಲಾಗಿದೆ.

ಈ ಕಾರ್ಯಾಚರಣೆ ಕುರಿತು 23 ದಶಲಕ್ಷಕ್ಕೂ ಹೆಚ್ಚಿನ ಸಂದೇಶಗಳನ್ನು ಕಳುಹಿಸಲಾಗಿದೆ ಎಂದು ವರದಿಗಳು ಸೂಚಿಸುತ್ತಿದೆ. 'ಪ್ಲೀಸ್ ಪ್ರಿಂಟ್', 'ಡಾಕ್ಯುಮೆಂಟ್', ಫೋಟೋ ಇಮೇಜಸ್ ಸ್ಕ್ಯಾನ್ ಸೇರಿದಂತೆ ಸಾಮಾನ್ಯ ವಿಷಯ ಒಳಗೊಂಡ ಸಂದೇಶಗಳನ್ನು ಕಳುಹಿಸಲಾಗಿದೆ. ಈ ಬಗ್ಗೆ ಎಚ್ಚರವಾಗಿರಬೇಕು ಎಂದು ಸರಕಾರ ಸೂಚಿಸಿದೆ.


NEW DELHI: Be alert for a new virus - with very "high" intensity -- that can lock your computer and will seek a ransom for giving you access to it.