ಸಮಾಜ ಒಡೆಯೋದೇ ಬಿಜೆಪಿ, ಮೋದಿ ಕೆಲಸ: ರಾಹುಲ್ ಗಾಂಧಿ

ಹೊಸದಿಲ್ಲಿ: ಪ್ರಧಾನಿ ನರೇಂದ್ರ ಮೋದಿ ಹಾಗೂ ಬಿಜೆಪಿ ನಾಯಕರು ಸಮಾಜ ಒಡೆಯುವ ಕೆಲಸದಲ್ಲಿ ನಿರತರಾಗಿದ್ದಾರೆ ಎಂದು ಎಐಸಿಸಿ ಉಪಾಧ್ಯಕ್ಷ ರಾಹುಲ್ ಗಾಂಧಿ ಆರೋಪಿಸಿದ್ದಾರೆ.

'ಪಕ್ಷದ ಸಮಾವೇಶವೊಂದರಲ್ಲಿ ಮಾತನಾಡಿ, ಅಧಿಕಾರ ಉಳಿಸಿಕೊಳ್ಳಲು ಮೋದಿ ಸೇರಿ ಬಿಜೆಪಿ ನಾಯಕರು ಒಡೆದು ಆಳುವ ನೀತಿ ಅನುಸರಿಸುತ್ತಿದ್ದಾರೆ. ಈ ಕೃತ್ಯಕ್ಕೆ ಕಡಿವಾಣ ಹಾಕಲು ಕಾಂಗ್ರೆಸ್‌ನಿಂದ ಮಾತ್ರ ಸಾಧ್ಯ,' ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

'ನೋಟು ನಿಷೇಧ ಸಂಪೂರ್ಣ ವಿಫಲವಾಗಿದೆ. ಕಾಳಧನಿಕರ ಕಪ್ಪು ಹಣವನ್ನು ಬಿಳಿಯಾಗಿಸಲು ಮಾಡಿರುವ ಯೋಜನೆಯಿದು ಎಂಬುವುದು ಇಡೀ ದೇಶಕ್ಕೆ ತಿಳಿದ ವಿಚಾರ' ಎಂದು ಜರಿದರು.

'ನೋಟು ರದ್ದತಿಯಿಂದ ಭಯೋತ್ಪಾಧನೆಗೆ ಕಡಿವಾಣ ಹಾಕಬಹುದು ಎಂದರು. ಬಳಿಕ ಕಪ್ಪು ಹಣ ಹಿಂದಿರುಗಿಸಲು ನೋಟ್ ಬ್ಯಾನ್ ಎಂಬ ಸಬೂಬು ನೀಡಿದರು. ಆದರೆ, ವಾಸ್ತವವಾಗಿ 90ರಷ್ಟು ಕಪ್ಪು ಹಣ ಚಿನ್ನ ಹಾಗೂ ರಿಯಲ್ ಎಸ್ಟೇಟ್ ವ್ಯವಹಾರದಲ್ಲಿ ಅಡಗಿದೆ,' ಎಂದು ಆರೋಪಿಸಿದರು.

'ಮೋದಿ ನೇತೃತ್ವದ ಕೇಂದ್ರ ಸರಕಾರದ ನಿರ್ಲಕ್ಷದಿಂದ ದೇಶದ ಜಿಡಿಪಿ ಶೇ. 4.5ಕ್ಕೆ ಕುಸಿದಿದೆ. ಇದಕ್ಕೆ ಯಾರು ಜವಾಬ್ದಾರರು?' ಎಂದು ಎಐಸಿಸಿ ಉಪಾಧ್ಯಕ್ಷ ರಾಹುಲ್ ಗಾಂಧಿ ಖಾರವಾಗಿ ಪ್ರಶ್ನಿಸಿದ್ದಾರೆ.


NEW DEHLI: Congress vice president Rahul Gandhi today alleged that the BJP and Prime Minister Narendra Modi were busy dividing society in their quest to retain power.