ಹಳೆಯ ನೋಟುಗಳನ್ನಿಟ್ಟುಕೊಂಡು ಮೃತಪಟ್ಟ ಅಜ್ಜಿ!

ಚೆನ್ನೈ: ದೇಶಾದ್ಯಂತ ಏಕಾಏಕಿ 500, 1000 ಮುಖಬೆಲೆಯ ನೋಟು ನಿಷೇಧದ ನಿರ್ಧಾರ ಸಾಕಷ್ಟು ಪರಿಣಾಮಗಳನ್ನು ಬೀರಿದೆ. ಇದರ ಬಗ್ಗೆ ಅರವಿದ್ದರೂ ಹಳೆಯ ನೋಟುಗಳನ್ನು ಬದಲಾಯಿಸಿಕೊಂಡಿದ್ದಾರೆ. ಈಗಲೂ ಗ್ರಾಮೀಣ ಭಾಗಗಳಲ್ಲಿ ನೋಟು ಬ್ಯಾನ್‌ ಆಗಿರುವ ಬಗ್ಗೆ ಮಾಹಿತಿಯೇ ಇಲ್ಲ ಎನ್ನುವುದು ಸತ್ಯ.

ಗ್ರಾಮೀಣ ಭಾಗದ ಜನರು ಇನ್ನೂ ಹಳೆಯ ನೋಟುಗಳನ್ನು ಇಟ್ಟಿಕೊಂಡಿರುವುದು ಈಗ ಬೆಳಕಿಗೆ ಬರುತ್ತಿದೆ. ಕೊನೆಗಾಲದಲ್ಲಿ ಕಷ್ಟಕಾಲಕ್ಕೆ ಆಗಲಿ ಎಂದು ಕೆಲವರು ನೋಟುಗಳನ್ನು ಉಳಿಸಿಕೊಂಡಿದ್ದರು. ಆದರೆ ಪಾಪ ಅವರಿಗೆ ಇದು ಚಲಾವಣೆಯಲ್ಲೇ ಇಲ್ಲ ಎಂಬುದು ಗೊತ್ತಿಲ್ಲ. ಅಂಥ ನತದೃಷ್ಟ ಅಜ್ಜಿಯ ಕಥೆ ಇಲ್ಲಿದೆ.

ತಮಿಳುನಾಡಿನ ವಿಲ್ಲುಪುರಮ್‌ನ ಥಿಯಗತುರ್ಗಮ್‌ನಲ್ಲಿ ನಡೆದ ಘಟನೆ ಸ್ವಲ್ಪ ವಿಚಿತ್ರವಾಗೇ ಕಾಣಿತ್ತಿದೆ.

ಥಿಯಗತುರ್ಗಮ್‌ ಪ್ರದೇಶದ ವಯೋವೃದ್ದೆಯೊಬ್ಬರು ಕೊನೆಯ ದಿನಗಳಲ್ಲಿ ಅನುಕೂಲವಾಗಲೆಂದು 32 ಸಾವಿರ ರೂಪಾಯಿ ಹಣ ಸಂಗ್ರಹಿಸಿಟ್ಟಿದ್ದರು. ಸಂಗ್ರಹಿಸಿಟ್ಟ ಹಣವೆಲ್ಲ ನಿಷೇಧಿತ 500 ರೂಪಾಯಿ ನೋಟುಗಳು. ಆಶ್ಚರ್ಯವೆಂದರೆ, ಈ ವಯೋವೃದ್ದೆಗೆ ನೋಟು ನಿಷೇಧದ ಅರಿವೇ ಇರಲಿಲ್ಲ.

ವಯೋವೃದ್ದೆಯ ಸಾವಿನ ಬಳಿಕ ಅವರ ಸಂಬಂಧಿಕರು ವೃದ್ದೆಗೆ ಸಂಬಂಧಿಸಿದ ವಸ್ತುಗಳನ್ನು ಪರಿಶೀಲನೆ ಮಾಡಿದ್ದಾರೆ. ಈ ವೇಳೆ ಒಟ್ಟು 32 ಸಾವಿರ ರೂಪಾಯಿ ನಿಷೇಧಿತ 500 ರೂಪಾಯಿ ನೋಟುಗಳು ಪತ್ತೆಯಾಗಿವೆ.

ಮೂಲ ಸುದ್ದಿ ತಮಿಳು ಸಮಯಂ