ಸೇನೆಗೆ ನೋಂದಣಿಯಾದ ಗುಜರಾತಿಗಳ ಸಂಖ್ಯೆ ಎಷ್ಟು ಗೊತ್ತೇ?

ಆನಂದ್: ಗುಜರಾತಿನಲ್ಲಿ ಸೇನಾ ನೇಮಕ ರ‍್ಯಾಲಿ ನಡೆಯುತ್ತಿದ್ದು, ದಾಖಲೆ ಪ್ರಮಾಣದಲ್ಲಿ ಅಭ್ಯರ್ಥಿಗಳು ನೋಂದಣಿ ಮಾಡಿಕೊಳ್ಳುವ ಮೂಲಕ ದೇಶ ಭಕ್ತಿ ಪ್ರದರ್ಶಿಸಿದ್ದಾರೆ.

ವಲ್ಲಭ್ ವಿದ್ಯಾನಗರ ಪಟ್ಟಣದಲ್ಲಿ ನಡೆದ ಸೇನಾ ನೇಮಕಾತಿ ರ‍್ಯಾಲಿ ನಡೆಯುತ್ತಿದ್ದು, ಈ ಸೇನಾ ನೇಮಕಾತಿ ರ‍್ಯಾಲಿಯಲ್ಲಿ ದಾಖಲೆ ಸಂಖ್ಯೆಯಲ್ಲಿ ಗುಜರಾತಿ ಅಭ್ಯರ್ಥಿಗಳು ನೋಂದಣಿ ಮಾಡಿಕೊಂಡಿದ್ದಾರೆ. ಸೇನೆಯ ವಿವಿಧ ವಿಭಾಗಗಳಿಗೆ ಒಟ್ಟು 71,039 ಅಭ್ಯರ್ಥಿಗಳು ಆನ್‌ಲೈನ್ ಮೂಲಕ ನೋಂದಣಿ ಮಾಡಿಕೊಂಡಿದ್ದು, ಇದು ರಾಜ್ಯದ ಇದುವರೆಗಿನ ದಾಖಲೆಯ ನೋಂದಣಿಯಂದೇ ಹೇಳಲಾಗುತ್ತಿದೆ.

ಈ ರ‍್ಯಾಲಿ ಶಾಸ್ತ್ರಿ ಮೈದಾನದಲ್ಲಿ ಜುಲೈ 16ರವರೆಗೂ ನಡೆಯಲಿದೆ. ಗುಜರಾತಿನ 21 ಜಿಲ್ಲೆಯ ಅಭ್ಯರ್ಥಿಗಳು ಸೇನಾ ನೇಮಕಾತಿ ರ‍್ಯಾಲಿಯಲ್ಲಿ ಪಾಲ್ಗೊಳ್ಳಲಿದ್ದಾರೆ. ಗುಮಾಸ್ತ, ಟೆಕ್ನಿಕಲ್ ಶಾಪ್ ಕೀಪರ್, ನರ್ಸಿಂಗ್ ಸಹಾಯಕ ವಿಭಾಗ ಸೇರಿದಂತೆ ವಿವಿಧ ಹುದ್ದೆಗಳಿಗೆ ನೇಮಕಾತಿ ನಡೆಯಲಿದೆ.

'ಕಳೆದ ವರ್ಷ ಹಿಮ್ಮತ್‌ನಗರದಲ್ಲಿ ನಡೆದ ಸೇನಾ ರ‍್ಯಾಲಿಯಲ್ಲಿ 60,580 ಅಭ್ಯರ್ಥಿಗಳು ನೋಂದಣಿ ಮಾಡಿಕೊಳ್ಳುವ ಮೂಲಕ ದಾಖಲೆ ಬರೆದಿದ್ದರು, ಪ್ರಸಕ್ತ ಸಾಲಿನ ಸೇನಾ ರ‍್ಯಾಲಿ ಹಿಂದಿನ ದಾಖಲೆಗಳನ್ನು ಮುರಿಯಲಿದೆ' ಎಂದು ಬ್ರಿಗೇಡಿಯರ್ ದಿನೇಶ್ ಚಾಧಾ ಹೇಳಿದರು.

ಬೇರೆ ರಾಜ್ಯಗಳವರು ಹೆಚ್ಚಿನ ಸಂಖ್ಯೆಯಲ್ಲಿ ಸೇನೆಗೆ ಸೇರಿ ಹುತಾತ್ಮರಾಗುತ್ತಾರೆ, ಗುಜರಾತಿಗಳು ಏಕೆ ಸೇನೆಗೆ ಸೇರುತ್ತಿಲ್ಲ ಎಂದು ಹಿಂದೊಮ್ಮೆ ಅಖಿಲೇಶ್‌ ಯಾದವ್‌ ಹೇಳಿದ್ದರು. ಆದರೆ ಈ ಸೇನಾ ನೇಮಕಾತಿ ರ‍್ಯಾಲಿಯಲ್ಲಿ ಅವರು ಭಾಗವಹಿಸಿದ್ದರೆ ಗುಜರಾತಿಗಳ ದೇಶಭಕ್ತಿಯ ಕುರಿತು ಮಾತನಾಡಲು ಬಹಳಷ್ಟು ಯೋಚಿಸುತ್ತಿದ್ದರು ಎಂಬಂತಿದೆ ಗುಜರಾತಿ ಯುವಕರ ಆಸಕ್ತಿ.