ನಡೆದಿದ್ದು ಏನು?
ಬ್ಯಾಂಕಿನೊಳಗೆ ಕಳ್ಳರ ಗ್ಯಾಂಗ್‌ವೊಂದಿದೆ ಎಂದು ಗೊತ್ತೆ ಇರುವುದಿಲ್ಲ. ದಿನ ನಿತ್ಯದಂತೆ ಬ್ಯಾಂಕಿನ ಸಿಬ್ಬಂದಿಗಳು ಕೆಲಸದಲ್ಲಿ ಬ್ಯುಸಿಯಾಗಿರುತ್ತಾರೆ. ಹೀಗೆ ಕೆಲಸ ಮಾಡುತ್ತಿದ್ದಾಗ ಒಬ್ಬ 10 ವರ್ಷದ ಬಾಲಕನೊಬ್ಬ ಟಿಪ್‌ಟಾಪ್‌ ಆಗಿ ಬ್ಯಾಂಕಿಗೆ ಎಂಟ್ರಿಕೊಡುತ್ತಾನೆ. ಹತ್ತು ವರ್ಷದ ಬಾಲಕನ ದೇಹ ಕೂಡ ಸಣ್ಣದಾಗಿರುವುದರಿಂದ ಮೆಲ್ಲನೆ ಕ್ಯಾಶಿಯರ್‌ನ ಕ್ಯಾಬಿನ್‌ಗೆ ಎಂಟ್ರಿ ಕೊಡುತ್ತಾನೆ. ಮೆಲ್ಲಗೆ ಅಲ್ಲಿ ಅಡಗಿ ಕುಳಿತು. ಸುಮಾರು ಹತ್ತು ಲಕ್ಷ ರೂ. ಹಣವನ್ನ ಬ್ಯಾಗ್‌ನಲ್ಲಿ ತುಂಬಿಸಿಕೊಂಡು, ಯಾರಿಗೂ ತಿಳಿಯದಂತೆ ಮೆಲ್ಲಗೆ ಅಲ್ಲಿಂದ ಜಾಗ ಖಾಲಿ ಮಾಡುತ್ತಾನೆ. ಈ ಕಳ್ಳತನ ಕೇವಲ ಮೂವತ್ತು ಸೆಕೆಂಡ್‌ನಲ್ಲಿ ನಡೆದಿರುವುದು ಭಾರೀ ಆಶ್ಚರ್ಯಕ್ಕೆ ಎಡೆಮಾಡಿಕೊಟ್ಟಿದೆ. ಬ್ಯಾಂಕಿನ ಯಾವುದೇ ಸಿಬ್ಬಂದಿಗೆ ಈ ಬಗ್ಗೆ ಸುಳಿವು ಸಿಗಲೇ ಇಲ್ಲ.
ಲಾಕ್‌ಡೌನ್ ಟೈಮ್‌ನಲ್ಲಿ 'ಲಕ್ಷ್ಮೀ ಬಾರಮ್ಮ' ಧಾರಾವಾಹಿ ಜೋಡಿಯ ವಿಡಿಯೋ ಕಾಲ್ ಮಾತುಕತೆ!
ಡೈರೆಕ್ಷನ್‌ ಕೊಟ್ಟಿದ್ದು ಮತ್ತೊಬ್ಬ!
ಇನ್ನು ಬಾಲಕ ಈ ರೀತಿಯ ಕೈಚಳಕ ತೋರಿದ್ದು ಬೇರೆಯವರ ನಿರ್ದೇಶನದಂತೆ. ಹೌದು, ಕಳ್ಳತನ ನಡೆಸುವ ಎರಡು ಮೂರು ದಿನಗಳ ಮುಂಚೆಯೇ ಎಲ್ಲಾವೂ ನೋಡಿಕೊಂಡಿದ್ದ ಈ ಗ್ಯಾಂಗ್‌ನ ಮುಖ್ಯಸ್ಥ. ಎರಡು ಮೂರು ಬಾರಿ ಬ್ಯಾಂಕಿಗೆ ಬಂದು ಎಲ್ಲವೂ ಗಮನಿಸಿ, ನಂತರ ಸರಿಯಾಗಿ ಪ್ಲಾನ್‌ ರೂಪಿಸಿ ಕಳ್ಳತನ ನಡೆಸಲು ಬಂದಿದ್ದ. ಬ್ಯಾಂಕಿನೊಳಗೆ ಇದ್ದ ಈತ ಕ್ಯಾಶಿಯರ್‌ ಕೌಂಟರ್‌ನಲ್ಲಿದ್ದ ಸಿಬ್ಬಂದಿ ಅಲ್ಲಿಂದ ಬೇರೆ ರೂಮ್‌ಗೆ ತೆರಳಿದಾಗ. ಹೊರಗಡೆ ನಿಂತಿದ್ದ ಬಾಲಕನಿಗೆ ಸನ್ನೆ ಮಾಡಿ ದುಡ್ಡು ಕದಿಯಲು ಸೂಚಿಸಿದ್ದಾನೆ. ಬಾಲಕ ಇವನ ಮಾತನ್ನ ಕೇಳಿಕೊಂಡು ಹಣ ಎಗರಿಸಿದ್ದಾನೆ.
ಹುಬ್ಬಳ್ಳಿಯಲ್ಲಿ ಕೋವಿಡ್‌ ಸೋಂಕಿಗೆ ಎಎಸ್ಐ ಮೃತ: ರಾಜ್ಯದಲ್ಲಿ 7 ಪೊಲೀಸರು ಬಲಿ!
ಇವರ ಹಿಂದೆ ಇದೆ ದೊಡ್ಡ ಗ್ಯಾಂಗ್‌!
ಸದ್ಯ ಬಾಲಕ ಹೊರಗೆ ಹೋಗುವಾಗ ಕ್ಯಾಶಿಯರ್‌ ಇದನ್ನ ಗಮನಿಸಿದ್ದಾನೆ. ತಕ್ಷಣ ಜೋರಾಗಿ ಕೂಗಿದ್ದಾನೆ. ಆ ವೇಳೆಗೆ ಬಾಲಕ ಹಾಗೂ ಆತನ ಮುಖ್ಯಸ್ಥ ಹಣ ಹಿಡಿದುಕೊಂಡು ಸ್ಥಳದಿಂದ ಕಾಲ್ಕಿತ್ತಿದ್ದಾರೆ. ಇನ್ನು ಸಿಸಿಟಿವಿಯಲ್ಲಿ ಇವರ ಕೃತ್ಯ ಬಯಲಾಗಿದೆ. ಈ ಬಗ್ಗೆ ಹೆಚ್ಚಿನ ತನಿಖೆಗೆ ಮುಂದಾಗಿರುವ ಪೊಲೀಸರು ಮಾಹಿತಿಯನ್ನ ಕಲೆ ಹಾಕುತ್ತಿದ್ದಾರೆ. ಮಧ್ಯಪ್ರದೇಶದಲ್ಲಿ ಇಂತಹದೊಂದು ಗ್ಯಾಂಗ್‌ ಸಕ್ರಿಯವಾಗಿದ್ದು, ಮಕ್ಕಳನ್ನ ಬಳಸಿ ಕಳ್ಳತನವನ್ನ ಮಾಡಿಸುತ್ತಿದ್ದಾರಂತೆ. ಈ ಗ್ಯಾಂಗ್‌ನಲ್ಲಿ ಒಂದು ಬಾಲಕಿ ಕೂಡ ಇದ್ದಾಳೆ ಎಂದು ತಿಳಿದುಬಂದಿದೆ.